4
0
0
港鐵土瓜灣站A出口, 步行約4分鐘
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
對於土瓜灣街坊嚟講, 星廚坊絕對係富貴人家酒樓, 點心比另外兩三間點心店貴.所以, 對於我哩D窮鬼嚟講只係望門輕嘆.女友小熊病痊之後話要食好嘢(其實佢成日食好嘢㗎啦, 食到成隻白白豬咁!), 講明要食芝士龍蝦伊麵, 記憶中新葉記有芝士大蝦伊麵, 於是去睇睇有無龍蝦伊.其實..... 唔係小熊話要食伊麵, 都唔會落新葉記, 點知新葉記嘅大蝦伊竟然貴過星廚坊龍蝦伊! okay, 即刻轉場! 新葉記從此打入 black list! 由於怕龍蝦伊麵太膩, 所以都唔敢點太多餸, 叫多個黑椒牛仔骨. 第一次嚟幫襯, 座位闊落, 冷氣足夠.龍蝦伊果然比較膩, 食半碟已經飽哂.芝士味入口香濃, 但聞上去嘅乳酪味唔重, 我本身唔受得聞上去果種芝士乳酪味, 所以星廚坊嘅芝士龍蝦伊好夾我咀形. 如果芝士汁上加入洋蔥粒更理想!龍蝦新鮮所以肉質夠實同彈牙.牛仔骨肉質夠嫩同 juicy, 黑椒味啱啱好唔會太濃味.小熊話, 見到 Menu 有片皮鴨, 下次要嚟試試!唉.... 其實.....某程上，我都係一隻片皮鴨囉 ~~>_<~~
繼續閱讀
由細到大可能因為屋企有煮家飯食, 所以唔係特別鍾意食中式嘢食, 不過口味真係會隨住時間/ 年紀而改變, 慢慢就會發現原來中式嘢食可以有好多種類, 有好多唔同味道。🥢菠蘿咕嚕蝦球蝦球大大粒, d 肉好扎實, 咬落去會覺得好爽口。咕嚕汁酸甜味適中, 好開胃。菠蘿係平時d普通罐頭菠蘿, 無乜特別。🥢金磚豆腐粒細細粒好方便食, 外皮好脆, 裡面嘅豆腐好滑。🥢泰皇咖哩牛腩煲咖哩係比較中式, 屬於辣辣地嗰種, 送飯食真係好滋味。牛腩恔得好軟腍, 一咬就會散開溶化。除咗牛腩, 仲有牛筋, 軟林林, 滿滿骨膠原嘅感覺。整體食物都幾好, 不過價錢偏貴。
繼續閱讀
酸菜魚晚市$168依個價錢性價比高有水晶粉仲有超過15塊魚酸辣程度適中員工服務態度親切雖然係平民嘅地方但環境乾淨衛生另外一讚係燒味好出色叉燒肥瘦適中燒肉又脆又香口
繼續閱讀
本人是十分之喜愛飲茶的，係屋企、或者係公司附近，都會喜歡去尋覓一些好味嘅茶樓。喺土瓜灣呢一區，我都試過有兩間飲茶，覺得中規中矩，但係礙於沒有其他選擇，就只可以接受。直到有一日唔打唔撞，見到一間門口冇乜特別，而且係不起眼的餐廳，就抱着求其一試的心態入去，點知喜出望外。佢係一間茶樓嘅形式，小店作業，場內大約有20張枱左右。Lunch時間，都係食點心，燒味飯，炒野等等。本身十分之喜愛吃燒味，當然要叫一個叉燒燒腩仔，試一試佢嘅功力。做得真係好！因為第一佢唔係專做燒味嘅舖頭，呢間嘅燒味獨立來講，我比佢7-8分，因為叉燒算香，而且佢肉質都比較淋；燒腩仔都脆，又唔凍。其實我食過好多間燒味店，專做燒味，都未必比得上佢，有啲直頭係麻麻哋，唔好食添。所以喺度食到呢個Level質素嘅燒味，我覺得好開心。跟住再叫咗兩個點心，一個係香煎鯪魚肉餅，一個係鮮蝦腐皮卷。兩個都真心好食。首先第一，係新鮮即刻整，個鯪魚肉餅咬咗啖，啲煙出嚟，而且個皮係好脆好薄，一定唔係重複炸嘅食物。鮮蝦腐皮卷都係好新鮮，佢嘅腐皮係好脆好薄，但係又唔算好油，用嘅餡料都好新鮮，好好食，口感好豐富。今餐我食得好開心，亦都發掘左一間好味嘅飲茶地方。但係睇佢現場嘅客流量，其實都幾少，好似大約一半左右。可能因為佢門面真係非常之低調普通，其實經過都唔會發現有呢間野。希望佢可以多啲人幫襯，因為我仲想食好食嘅飲茶，而且用心製作。
繼續閱讀
屯馬全線開通左之後，梗係要去下平時唔會去既地方，今次嚟左土瓜灣搵食，原本諗住去楚撚記試下，因為之前聽過好多人講好食，不過去到門口就見到1700先開晚市，結果誤打誤撞就見到呢間星廚坊，見門口貼左d午市小炒就試試佢啦，我地成3點左右先嚟到，估唔到都仲有點心食，門口收銀同我地講如果要點心就要即刻落左單先，咁我地就要左蝦餃同燒賣，又幾抵食喎兩種都係$9.9（2粒），之後要左一個麻婆豆腐飯同一個魚香茄子炆米，點心上枱熱辣辣，都幾大粒，之後2個先誇張，2碟都係超大碟，好彩果日同女朋友都好肚餓，先食得晒，2樣都係$48，價錢對得起質數，幾香幾好食，會再返嚟幫襯，仲見到有d晚市外賣小炒都係$55左右，下次可以試外賣
繼續閱讀