星巴克咖啡

偷得浮生半日閑，今日於沙田第一城商場購買日用品及麵包，行過咖啡店，那股濃濃的咖啡味確實令人駐足看看。麵包糕點很吸引呢，最近也有幾款凍飲新產品。天氣開始轉暖，清新口味令我決定買杯凍飲歎一歎，驚喜發現最近做緊逢星期一至五下午三時後第二杯(手調飲品)免費的優惠，諗起可以買杯凍朱古力畀阿女，二話不說選擇了我喜愛的綠茶口味。烏龍茶果凍配鮮奶綠茶，烏龍茶果凍大大粒，香濃烏龍茶味，感覺好清新；這店的綠茶口味也可靠，鮮奶/cream的份量下次可以減少，這樣會更加凸顯日式抹茶獨特的味道。阿女杯經典凍朱古力，外賣會選擇走忌廉，番到屋企賣相依然吸引。…查看更多

Starbucks早前推出咗新嘅飲品：凍豆腐花醇香鮮奶抹茶。作為一個抹茶控，點都要買杯試下啦。😅😅Starbucks 依杯新作，抹茶味都幾濃厚，不過可能因為我叫左走冰，奶嘅份量相對地多左，飲落會覺得稍微奶左少少。🤔🤔另外底部有一層豆腐花，雖然普普通通，但勝在夠滑，用飲管飲，連埋鮮奶抹茶一齊吸入口感覺都唔錯。😋😋整體來講，雖然唔係太差，不過不失，但又未至於要encore。定價方面稍為高咗少少，我叫左最大size，索價$48。 😞😞假若Starbucks可以同出面嘅台式飲品咁將價錢訂係三十頭的話應該會更收歡迎。🤪🤪…查看更多

個人認為每朝早腸胃仲係空洞洞既時候所食既野係最吸收既，所以每朝都會飲一大杯水洗吓條腸，再食份健康早餐。我鐘意食rich and creamy既乳酪，雖然脂肪較高但厚厚實實既質感比起水汪汪果種可口好多。而且當中所含鈣質可補充我既鈣攝取量同埋益生菌對腸道有益，食完感覺良好～藍苺乳酪 $27都幾大杯～頂層有燕麥脆脆、南瓜子同紅苺乾，食落仲有陣香甜既蜜糖味。多左食用纖維同脆脆口感。乳酪有新鮮藍苺粒同藍苺醬，酸甜度剛好。…查看更多

蔬菜饀餅當order職員買時，職員會丁熱再送上。熱後香噴噴，饀入波菜清新。再加個朱古力蛋糕，食入口好像食了特濃嘅朱古力一样，再飲返杯咖啡，一d都唔利口，真係好满足牙。…查看更多

通常starbucks都係飲下嘢吹下水的時間先會諗起, 但估唔到做冬果朝瞓醒, 已經有1袋外賣早餐, 原來係老公去咗買starbucks的早餐, 我真係估唔到, 呢個係第一次食佢的早餐, 完全冇預到, 原來老公主要目的係試下佢個熱朱古力.............由於唔係我買, 而買果個又唔得唔記d個名, 唯有自作啦~  火雞肉芝士牛角包塊芝士好厚, 有0.5cm咁上下, 仲厚過塊火雞肉, 比我想像中的火雞肉冇咁鞋, 而個芝士又唔係拉絲果只, 再加埋個雖然凍咗, 但都好脆的牛角包, 都幾OK, 如果熱辣辣會仲正~  黑毛豬芝士拖鞋包呢個仲暖暖地, 黑毛豬都有D味, 再加埋薄片青瓜同溶溶地的芝士, 爽得嚟又有少少黏牙, 仲好夠飽肚tim~  熱朱古力由於我地都唔好咖啡, 唯有飲佢個朱古力, 其實同茶記飲果只吉百利朱古力差不多, 唔可以話好濃, 但都夠味~估唔到食包都可以食到咁飽, 再加埋杯中size飲品, 呢個做冬早餐真係貴得有道理, 因為可以唔駛食晏~ …查看更多

天氣咁熱，見到第一城有starbuck，當然要試試。這店坐位唔算多，開放式仲係圍住扶手電梯的坐位設置。我見到廣告牌推介是抹茶紅豆，不過今日我都係想飲咖啡類飲品。我order了莫加星冰樂，店員好nice問我要不要cream，我當然要。等了大約2-3分鐘有喇。這店比上次我去奧海城那間好，cream噴得滿滿的，莫加的咖啡朱古力味夠濃，而且沙冰打得好幼唔會有粗冰，又唔會打到一半水一半冰咁，cream拌勻莫加沙冰之後飲，味道真好，而且大熱天飲的確涼快。…查看更多

估唔到沙田新店會係第一城開，仲以為會揀返係新城市開添，呢晚真係特登放工去hea吓食dinner嘅，因為知道呢間店坐位唔多，諗住平日應該會多Ｄ位揀，如果星期日先來相信唔會有位咯，呢晚我７點３來到，果然冇錯，都好多位揀，不過其實都真係幾細，一眼望哂。雖然坐位係對住大堂，離出口唔係好遠，見好多人都出出入入，不過都唔嘈，因為夠靜，都幾好hea。白朱古力布丁星冰樂® — 黑朱古力咖啡口味 (中$40)面層有少少可可粉，食咗都唔覺，碎朱古力幾有口感又唔甜都唔錯，其實都幾膩同飽，白朱古力布丁少少甜，唔使咬慢慢吮入喉嚨，質感都幾得意，但唔似白朱古力嘅。夾層林明頓 Lamington Quartet ($16):)我一直都最鍾意食Lamington，貪其Size細細，食２件都唔會有罪惡感，呢期出呢個「夾層林明頓 」就唔同喇，比起普通Lamington起碼大一倍有多，仲要用忌廉做分夾層，本來都覺好肥嘅，好在整個夾層林明頓唔算好甜，其實４層的味道唔會好出，最出的係頂層橙味，之後應該係士多啤利、檸檬同綠茶，如果各種味道能夠明確Ｄ會更好咯。香草醬蝴蝶粉沙律 Pesto Farfalle Salad ($29):(雖然香草醬加新鮮菜蔬好配搭，可是蝴蝶粉真係幾失望，質感好實，實到唔似粉，好似食緊隔夜麵粉咁。蟹肉柚子沙律 Crab & Pomelo Salad ($29):)打開盒蓋，中間都有好多嫩蟹肉幾鮮味，柚子好清新份量都正常唔好過少，連佢個柚子醋汁都好醒胃，Good。班尼迪蛋批配田園沙律 Egg Benedict Pie with Garden Salad ($38)可以單買班尼迪蛋批就$25，不過加埋沙筆感覺真係會清新Ｄ健康Ｄ嘅~我都係第一次食班尼迪蛋，頂面有荷蘭醬汁都幾滑，醬汁之下係大大塊滑蛋白及大蕃茄，雖然蕃茄唔厚但也Juice吖，由略嫌唔夠酥脆批底和焦黑硬邊脆火腿盛載，雖然批底唔夠脆，不過好欣賞鹹香燶邊火腿，呢個係近期我嘅星巴克主打呀。 …查看更多

Starbucks 向來是 Catch-up 的好地方, 正好試試最近推出的白朱古力布丁星冰樂。選擇了抹茶忌廉口味, 從色澤看來相當吸引, 可是實際味道卻未及賣相, 抹茶味道偏淡, 甜味卻多了些; 白朱古力布丁份量頗多, 反而其甜度卻適中; 最後加上去的忌廉, 淨吃比混以抹茶冰吃較佳。…查看更多