特色
飲o野傾計
營業時間
今日營業
07:30 - 22:00
星期一至四
07:30 - 21:00
星期五至日
07:30 - 22:00
公眾假期
07:30 - 22:00
以上資料只供參考, 請與餐廳確認詳情
偷得浮生半日閑，今日於沙田第一城商場購買日用品及麵包，行過咖啡店，那股濃濃的咖啡味確實令人駐足看看。麵包糕點很吸引呢，最近也有幾款凍飲新產品。天氣開始轉暖，清新口味令我決定買杯凍飲歎一歎，驚喜發現最近做緊逢星期一至五下午三時後第二杯(手調飲品)免費的優惠，諗起可以買杯凍朱古力畀阿女，二話不說選擇了我喜愛的綠茶口味。烏龍茶果凍配鮮奶綠茶，烏龍茶果凍大大粒，香濃烏龍茶味，感覺好清新；這店的綠茶口味也可靠，鮮奶/cream的份量下次可以減少，這樣會更加凸顯日式抹茶獨特的味道。阿女杯經典凍朱古力，外賣會選擇走忌廉，番到屋企賣相依然吸引。
繼續閱讀
Starbucks早前推出咗新嘅飲品：凍豆腐花醇香鮮奶抹茶。作為一個抹茶控，點都要買杯試下啦。😅😅Starbucks 依杯新作，抹茶味都幾濃厚，不過可能因為我叫左走冰，奶嘅份量相對地多左，飲落會覺得稍微奶左少少。🤔🤔另外底部有一層豆腐花，雖然普普通通，但勝在夠滑，用飲管飲，連埋鮮奶抹茶一齊吸入口感覺都唔錯。😋😋整體來講，雖然唔係太差，不過不失，但又未至於要encore。定價方面稍為高咗少少，我叫左最大size，索價$48。 😞😞假若Starbucks可以同出面嘅台式飲品咁將價錢訂係三十頭的話應該會更收歡迎。🤪🤪
繼續閱讀
個人認為每朝早腸胃仲係空洞洞既時候所食既野係最吸收既，所以每朝都會飲一大杯水洗吓條腸，再食份健康早餐。我鐘意食rich and creamy既乳酪，雖然脂肪較高但厚厚實實既質感比起水汪汪果種可口好多。而且當中所含鈣質可補充我既鈣攝取量同埋益生菌對腸道有益，食完感覺良好～藍苺乳酪 $27都幾大杯～頂層有燕麥脆脆、南瓜子同紅苺乾，食落仲有陣香甜既蜜糖味。多左食用纖維同脆脆口感。乳酪有新鮮藍苺粒同藍苺醬，酸甜度剛好。
繼續閱讀
蔬菜饀餅當order職員買時，職員會丁熱再送上。熱後香噴噴，饀入波菜清新。再加個朱古力蛋糕，食入口好像食了特濃嘅朱古力一样，再飲返杯咖啡，一d都唔利口，真係好满足牙。
繼續閱讀
通常starbucks都係飲下嘢吹下水的時間先會諗起, 但估唔到做冬果朝瞓醒, 已經有1袋外賣早餐, 原來係老公去咗買starbucks的早餐, 我真係估唔到, 呢個係第一次食佢的早餐, 完全冇預到, 原來老公主要目的係試下佢個熱朱古力.............由於唔係我買, 而買果個又唔得唔記d個名, 唯有自作啦~ 火雞肉芝士牛角包塊芝士好厚, 有0.5cm咁上下, 仲厚過塊火雞肉, 比我想像中的火雞肉冇咁鞋, 而個芝士又唔係拉絲果只, 再加埋個雖然凍咗, 但都好脆的牛角包, 都幾OK, 如果熱辣辣會仲正~ 黑毛豬芝士拖鞋包呢個仲暖暖地, 黑毛豬都有D味, 再加埋薄片青瓜同溶溶地的芝士, 爽得嚟又有少少黏牙, 仲好夠飽肚tim~ 熱朱古力由於我地都唔好咖啡, 唯有飲佢個朱古力, 其實同茶記飲果只吉百利朱古力差不多, 唔可以話好濃, 但都夠味~估唔到食包都可以食到咁飽, 再加埋杯中size飲品, 呢個做冬早餐真係貴得有道理, 因為可以唔駛食晏~
繼續閱讀