影片
港鐵天后站 A2 出口, 步行約4分鐘
繼續閱讀
電話號碼
39968752
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
位於天后清風街的角落星嵐係我每次維園打波後既飯堂街頭平民價既日式小店餐廳主打日本福岡傅統炒滑蛋既烹煮法煮出正宗地道的日式滑蛋丼當中必試一定係最強人氣每日限定的丼飯 – 黃金黑豚豬扒PAN丼仲有日本飛鳥丼及自家製壽喜燒鍋我之所以喜歡呢度係因為就算無得飛既時候都可以感受到日本當地街頭小店既情懷 //招牌黃金黑豚豬扒PAN丼 $98//PAN 丼每日限量發售之前黎過幾次都賣晒好好彩今日仲有終於可以一試 餐廳參考日本福岡炸豬扒飯既做法將日本福岡傳統帶到香港PAN 丼以傳統日式手法煮製新鮮炸起的吉列豬扒放在煎PAN 上與滑蛋和洋蔥汁一起煎香上桌時熱辣辣香噴噴但切記不要相機食先因為PAN 丼有食法教學按傳統食法是當上桌時用最快速度將滑蛋pan拿起並輕輕以順時針方向轉幾下將煎PAN 上的吉列豬扒連滑蛋洋蔥汁全部倒在珍珠米飯上原因是滑蛋Pan的餘溫會隨時間令日本蛋漿變全熟所以唔好掛住影相而錯失了最美味既口感 吉列豬扒厚切又大件外皮炸得酥脆油香內裡豬肉軟腍鮮嫩 肉汁滿滿醬汁完美地吸了蛋汁、湯汁再和飯一起吃讓每一啖飯都充滿馥郁的蛋香和清甜的洋蔥味 口感美滿 //星嵐肥牛咖哩湯烏冬 $98//以砂鍋盛載 分量十足跟餐有麵豉湯同前菜離遠都聞到濃郁香噴噴的日本咖喱湯味咖哩汁相當掛汁半肥瘦的肥牛入口口感嫩滑肥牛吸納了咖喱湯底的精華沾滿日式甜咖哩汁的烏冬入口煙韌有咬口整體又濃郁又惹味配菜有洋蔥、蔥絲和金菇更添味美
繼續閱讀
2024年6月4日 星期二呢日晏晝約咗個朋友喺天后食lunch，選擇咗呢間餐廳，因為朋友好鍾情日本菜，而且見到網上評價都唔錯一入到餐廳就見到裝修得好靚，無論牆身或者燈罩都見到炸豬扒嘅蹤影，雖然店舖空間唔大，不過座位都坐得好舒服，燈光幾柔和喺店舖嘅當眼位置就已經見到呢一個超大吉列豬扒丼模型，一見到嘅時候都嚇咗一跳，除咗好似真嘅一樣之外，冇諗過吉列豬扒可以咁大塊至於餐牌店舖都落足心思，人手繪畫仲附上顏色，圖文並茂，好似睇緊繪本咁，食物價錢唔算太貴，而我哋當然叫咗招牌菜式豬扒Pan丼，朋友就要咗個烏冬等待食物期間喺張枱上面見到呢一張紙，原來係餐廳俾我哋嘅建議食法，示範如何將吉列豬扒由pan放到落去個飯上面，再建議我哋點樣食先至係最佳口味，十分體貼千呼萬喚我嘅吉列豬扒丼終於到，果然份量好大，塊豬扒大過我成隻手，將塊吉列豬扒倒落去個飯上面，係可以完全遮蓋晒啲飯，而且滑蛋整得啱啱好，蛋汁可以流落去啲飯到，淨係食飯都一流，至於主角吉列豬扒除咗好厚身之外，一咬落去仍然有肉汁流出嚟，外脆內軟食到停唔到口朋友點嘅就係星嵐肥牛咖喱湯烏冬，咖喱味好濃郁，連我個位都聞到，烏冬既彈牙又掛汁，每一啖都食到咖喱味，而肥牛都唔錯有咬口埋單每人一百蚊都唔洗，又唔需要加一，飽住個肚走
繼續閱讀
好耐冇食吉豬啦🤪自從上次去完日本返嚟都冇食過😂史努比早兩日就去咗天后呢間小店食佢哋嘅signature滑蛋吉豬(其實佢哋個名唔系咁🤣)之前仲同位foodie喺度傾吉豬點解炸完脆卜卜要加蛋同汁整返淋佢🤔起初史努比都唔知 嗰日問咗店家再加埋做咗少少research之後~先知原來系褔岡嘅正宗食法😳褔岡嘅吉豬會將豬扒同飯分開用pan裝住吉豬 淋上兩款唔同嘅蛋 並且喺一個半生熟嘅狀態就會上碟比客人用煎pan分開上系為咗令食飯嘅時候可以多汁之如唔會淋住啲飯搞到太濕太淋🤭食嘅時候自己倒汁 口感比較濕潤~而呢間就系採用褔岡正宗吉列豬扒嘅做法 做煎pan嚟上🤪👍🏿招牌黃金黑豚豬扒pan丼 $98如頭先史努比所講 豬扒同飯分開上待煎pan上嘅蛋熟得七七八八嘅時候就可以全部倒喺飯上面~份量都幾足🥰一個女仔未必食得晒用咗隻都幾靚嘅日本米 而且預水量同煲飯時間都啱啱好軟身得嚟唔會淋bla bla~依然帶少少嚼勁😚吉列豬扒雖然犧牲咗佢原本卜卜聲嘅脆皮但索咗蛋漿同汁水之後好入味 撈飯一流🤪豬扒唔會切得太薄雖然唔算好鬆軟但肉質唔乾唔柴 而且某部分其實都仲帶微微嘅香脆😆配搭蛋漿同甜甜地嘅汁水 以及入晒味嘅洋蔥同菇菌簡直系白飯神偷🤭另外lunch set仲會包一碗麵豉湯同一小碟前菜味道正常嘅 麵豉湯唔會太鹹 前菜就系青瓜同味付螺肉~味道: 8/10性價比: 8/10👌🏿星嵐肥牛咖喱湯烏冬 $98其實想試咖喱烏冬好耐 但一直都未食過既然呢間都幾出名就try try la🤣見到勁多咖喱汁😳嚟到冇耐嗱嗱臨影完相即刻試咗啖烏冬嘅質感唔系史努比鍾意嘅雖然都冇expect佢會好煙韌好有咬口但淋嘅烏冬史努比真系mamaday😅好彩佢都未直於好淋淋爛爛值得appreciate嘅系佢真系非常之熱嚟到出晒煙 啱啱整起熱辣辣🫶🏿佔滿日式甜咖喱 帶好輕微嘅辛香不過主要都系偏甜口味🫣洋蔥同牛肉索晒咖喱汁就好惹味嘅~肥牛淋得嚟都唔會太肥膩👍🏿只可惜主角烏冬唔系史努比杯茶😭同埋以為兩塊紫菜索咖喱汁會好食 點知韌嘅😬*呢個set同樣有跟麵豉湯+前菜*味道: 6/10性價比: 7/10*不設加一服務費*其實本身想試埋佢哋另一人氣水軍鍋嘅但原來要晚市先有😮💨如果去食嘅話史努比建議食返佢哋嘅signature吉豬😂同埋試埋佢哋嘅水軍鍋話史努比聽好冇食🤣🤣難得唔使加一呢點抵讚嘅🤭木系嘅裝修除咗有少少日式風味仲帶啲文青氣息🤣坐得舒服~史努比覺得都可以一戰😎整體評分：味道: 7/10環境: 8.1/10服務: 7.8/10衛生: 8/10抵食: 7.5/10
繼續閱讀
“黃金黑豚豬扒Pan丼”($98)“星嵐雞肉咖喱湯烏冬”($98)天后有間大受好評嘅日式料理餐廳當中最吸引嘅就係黃金黑豚扒Pan丼🐖因為上枱時真係會成個煎pan咁上😆原來餐廳用上福岡嘅傳統手法將新鮮炸起嘅豬扒放喺煎pan再加上滑蛋同洋蔥上枱後用最快嘅速度將個pan拎起順時針轉幾下再倒哂豬扒同滑蛋落飯面相機食先都要夠快手🤣如果唔係啲蛋漿就會變熟痴喺個pan上面豬扒又厚又大件,肉質嫩滑加上滑蛋嘅蛋香配飯食真係一流🤤另一份就點咗雞肉咖喱湯烏冬咖喱湯香噴噴,每條烏冬都好索湯食落十分惹味☺️雞肉份量都夠哂多下次嚟會想試吓晚市先有嘅菜式😝
繼續閱讀
今次嚟到天后一間日式小店，佢係主打滑蛋丼飯🍚仲引入日本福岡傳統滑蛋丼🍳 一入到餐廳門口，就俾餐廳嘅裝修所吸引✌️非常日系🫶🏻而且吧枱上有唔同嘅小玩具可以俾顧客玩，睇得出店主係裝修上花快啲咗唔少嘅心思❤️店員都好熱情幫介紹每個丼飯特色👍 一場嚟到梗係要食主打菜啦😋🐷 星嵐無敵斧頭豬扒丼呢個比起黃金黑豚豬扒Pan丼嘅豬扒起肉一倍😱外面黃金酥脆，內面肉嫩多汁，配埋美味滑蛋洋蔥汁，令香脆豬扒更加惹味，食出另一個層次😲😲😲餐廳仲要好細心咁整左食法卡，教你如何品嚐滑蛋豬扒丼🐷原來日本福岡傳統方式去享用係先將日本半生熟蛋漿汁加入日本珍珠米混合一起吃，再一邊品嚐黑豚豬扒的酥脆質🤤🤤真係每粒飯粒充滿住濃郁嘅蛋香同嘅洋蔥味🐥星嵐咖喱雞肉湯烏冬烏冬湯底濃稠，咖喱香味好出眾，烏冬彈牙有咬口，每件烏冬同雞塊都滲入咗咖喱香味，非常惹味可口👍✌️📍星嵐🗺️天后清風街1A-1B號美城花園大廈地下KL-3號
繼續閱讀