星小館 (已結業)

晚飯等一味餸嘅時間，怎樣才算合理？我不知道，對我而言，最好就係枱面keep 住有2-3道菜，熱辣辣香噴噴就好好遺憾，係呢間星小館，眼見只有5成入座率，但2小時也上不齊6道菜，追單追左4次，店長話唔知（其中有兩次係直接追店長），真係不知所謂到一個點！最後以長達2.5 小時，完成文昌雞半隻，清蒸海星斑（1斤），咕嚕肉，菜心苗，炒聖子（後加），椰汁糕，鮑魚。。。承惠$1900，食物質素普通，勝價比不高椰汁糕＞呢個經典，招財麻雀十三么，做到個形狀似麻雀咁，味道還可以，但一上檯，原來D紅中，發財等等，係print 出黎貼上去。。。。。。唉，算吧啦！食完呢餐飯，懷孕的太太坐＆等太耐，有D唔舒服，我食完仲好肚餓，仲要去食碗云吞麵！認真的，如果有躁狂，無乜耐性，對食物有要求，對服務質素有要求。。。嘅吃貨們，本人不建議光顧呢間食肆！由其是要招呼親朋好友，商業洽談晚宴等重要聚會，想成功就三思喇！

呢間酒樓一向做公司客，平時久唔久都會幫襯下。年初五中午公司開年飯，已一早訂了枱，知客本訂枱簿也有紀錄，去到竟然要大批訂咗枱嘅客人喺門口等，而且係無了期咁等，知客亦沒有適當安排，安排極差！！！

㩒左飛，超過一小時無人理，一個鐘都無叫號，大枱一直空住，直到過左勁耐先有人坐，一張空左嘅細枱，俾一個book左位嘅人問可唔可以坐，個服務員話可以，咁我㩒飛嚟仲咩？問個檯台，點解部機咁耐都唔叫號，佢黑面走人。。。。。。。。。。。。。。。。。。。。。。。。。。。。。。

一次三個人的組合，一個到一家茶樓飲茶伏到爆的經歷。可能是茶樓地理位置的關係，午飯時候，也不難找到位子。奇怪之處是目測很多人都是叫碟頭飯，反而吃點心的不多。我們三人一於少理，勇闖秘境，一試虛實。先從茶杯開始說起：有別於一般茶杯，這款更像是淘寶的隔熱杯，這還不是問題；反而普洱茶只苦不香，熱度不足，失敗中的失敗。上桌時所有點心都是暖而不熱的，先扣了分。千島醬襯煎蘿蔔糕，不能說是對是錯，吊詭之處是蘿蔔糕吃不出亦找不到蘿蔔；無獨有偶，牛油果蝦雪茄也是完全的牛油果欠奉。手剁牛肉球超多靭粒顆要吐；蝦餃又小又不夠熱，浪費了金箔；潮州粉果就只食到花生；核桃包更是難吃，就似是硬生生塞了一舊忌廉甜包入口。少人叫點心的謎團終於解開了。

食物好味，定價相宜，本來可以多來幾次，可惜被人硬搶走張枱 (詳情請看食評尾段)，不會再來。先寫寫9月13日的食評，和媽媽２人來吃午餐(還是早茶時段，性價比高！)，點了以下的：#普洱茶：濃淡適中，挺好喝的。#花生菜乾鹹豬骨粥：好大碗，鹹鮮的味道，好吃！#香煎蘿蔔糕：足料，好味！#京式菜肉包：多菜小肉，清淡之選。#蜂蜜小米糕：微甜，外皮煎得脆卜卜，內裏軟綿綿，非常好吃！我和媽媽都覺得食物好味，定價親民，9月24日(星期六)，和其他家人一行４人再來吃午餐，生意好，要等位(等２張)，正當排到我們時，有２位女士(熟客或管理層X嫂的朋友)到店，先同前台女店員“打招呼”，她們沒有拿號，然後戴眼睛１位男主管(應該是部長)，和X嫂友人打了個眼息，她們就立即入座！我問前台女店員為什麼不給我們坐，她說那張是5、6人枱，我們只有４人，要再等等。但是，同一列枱(大小相同的圓枱)，只有最近門口的１張坐了６個人，其餘都是坐４個人，根本就是公然搶枱給熟客(及其友人)

去開長沙灣，到放飯時間，怕難搵位，見到中國船舶大廈開咗間新酒樓，即管試下，去到酒樓時，正直放飯時間，竟然即時有位，都覺得有啲奇怪，入到去見到差唔多滿座，大部分人都係叫餸食飯，初時仲以為冇點心食，好在發現原來都有點心order，於是點了蝦餃，點心拼盤，义燒餐包，生煎菜肉包，翡翠原隻鮮蝦腸粉等。蝦餃，一籠3隻，幾精緻外形像卜卜，新鮮弹牙😍點心拼盤，一共有五樣唔同嘅食物，都ok好食不過價錢偏貴，叉燒餐包，叉燒味濃，不俗，生煎菜肉包內含豬肉同茹類，估唔到又甘夾，翡翠原隻鮮蝦腸粉啲皮略嫌太薄，變成冇咗腸粉嘅煙韌感，可惜。總結：食物質素衹係當日個人主觀食後感，因各人口味不同，感受亦有所不同架。

成家人1110分坐低叫野食，1144分先有張入菜單，隔左成34分鐘先入單，如果唔係佢比返左入菜單黎，我坐成半個鐘都唔知原來無入單，您地可能會問我點解坐咁耐都唔問下，因為我見隔離枱早過我入座既都未有野食，我以為真係要咁耐。再問個經理，經理話唔關佢事，係收銀問題，作為一個經理，您都可以將個責任推比收銀，真係一個好既經理👍🏻👍🏻👍🏻貴公司個政策寧願要幫其他客人埋左單先再選擇遲啲幫人入菜，咁抵您無左枱客。下次請都唔去。

今日經過諗住去飲個早茶10:20去到呢間星小館坐低落單我坐到10:55分都未嚟啲嘢！跟住問佢！佢話啲嘢係要咁耐半個鐘頭都煮唔好話你唔好黎啦我走啦！咁你不如取消咗個11點正價嘅設定啦！你何必要set早茶時段呢！跟住就嗰張枱都唔係大。得兩個人位就不斷咁樣搭枱又唔係冇其他位後面大把枱我都唔明點解要坐到咁迫！搭枱落嚟嗰個阿叔都話點解唔坐得其他位後面又唔係冇枱！最終乜都冇食過俾咗$8茶錢走人以後都唔會去⋯⋯

星期日同屋企人一齊去左呢間酒樓食下午茶，返到嚟我同阿媽都肚屙，屙水。但我比阿媽厭重好多，屙左幾個鐘都屙唔清不特止仲嘔。🤮我都幾肯定係食物中毒。晏晝食個陣有兩樣點心係得我同阿媽食，阿爸無食所以無事，就係七味一口豆腐同法式焦糖燉蛋，而且主要係我食阿媽都係食左少少。講真我不嬲腸胃幾好，咁樣又屙又嘔我諗都係人生身一次，唔會再有下次。而且食個陣職員又被錯人地張單我地😓，叫完叉燒飽先話無哂，價錢比平日去其他酒樓食都貴左一半💸。奉勸大家唔想半夜又屙又嘔就唔好以身犯險啦。去第二間走樓食好過。

小弟平時有去飲茶，點心真係好一般。諗住擺三枱慶祝一下，見到張宣傳單張，寫住3000幾12位, 咁我就落訂啊1. 部長: 首先食飯一個星期就話個價格唔足所以唔可以坐房，我係跟佢個宣傳單張去落訂，跟住同我講加價，我話K，你加落去啦2. 食飯前一個星期突然間比張菜單我，加咗$600落去，但係改成八位明明嗰張菜單就寫12位用，佢就加價之後俾個菜單我話八位用呢間嘢你夠唔夠膽去？仲要同我講你攞返訂金啦，大家當冇事發生過喎，乜可以咁嘅咩？價格任佢講，仲要喺度講呢講路，態度完全係不知所謂。