影片
以上資料只供參考, 請與餐廳確認詳情
食家推介
相關文章
每朝早餐最緊要係醒神～一日之計在於晨🌝梗係食個靚靚早餐醒醒💫元朗人嘅我一直想推呢間 #croissant 真係好鬼正🤤全日早餐//.. 中量級（沙律菜、蕃茄、牛角包、炒蛋、肉腸）中量級早晨黎講已經係給我極限❗️仲有個重量級真係2個人先能夠造低佢🥐真係好好味好鬆脆👍🏻👍🏻肉腸有3條、炒蛋有牛奶味好滑整體黎講💁🏻♀️以呢個份量同價錢真係平民價性價比都算高嘅元朗小店不過...不過～環境普普通通...服務普普通通...(以上食評 只屬個人意見)
繼續閱讀
呢間餐廳去過三幾次，第一次去已經覺得啲人態度唔好，但都覺得唔緊要，都係食佢既野，加上係屋企附近就腳所以先比多次機會佢再去多次點知第二次去時，食到咁上下，有隻曱甴喺枱上面躝，即刻叫人清理左佢啦，唔好意思都無講一聲，好似習以為常咁！WTF🤬今日同老公放假，唔知去邊食好，最後都係揀左呢間，我老公叫左杯榛子咖啡，我就叫左杯Mocha，佢飲完就話好淡唔夠甜，我諗住都試下佢個杯，一飲，直頭係無味，似係翻沖既一樣（之前有飲過絕對唔係咁）同個男侍應講，佢就同另一個女侍應講，諗住沖過一杯就算，點知佢沖左杯Mocha比我，講番佢知係杯榛子咖啡出現問題，唔係Mocha，咁佢就再整過，係整緊既過程，個男侍應同個女仔講’依家啲客口味真係有問題’😡😡無野嘛！佢哋質量有問題就變左係我哋口味問題？最後杯榛子咖啡都沖左出嚟，4杯野就放曬係枱面，完全無諗過收走佢🤷♀️，而最後嚟果杯仲差過第一杯沖既，結果我哋係4杯野放晒係度就走左，呢間野以後都唔會再去！好差！
繼續閱讀
第一次去 見網上啲食物相好靚諗住試一試 但職員態度同要環境真係唔得 一入餐廳 係無人會理你要你問番佢 係咪要scan健康碼呀佢先拎部電話黎scan座位望住個馬桶真係第一次見仲要本身度門開住 真係望住個馬桶食ADB入左黎無人會提你原來要出counter落單比錢點解啲職員咁架野食方面ADB $118 中量級就$58 Sparkling Americano $40食物真係唔錯嘅 炒蛋熱辣辣沙律菜好多豬手 煙三文魚 都唔錯 不過一間舖頭 野食固然重要 但環境 職員態度都可以加減好多分 希望負責人注意下
繼續閱讀
與朋友去食all day breakfast, 朋友落单時不利落，不懂用咖啡的專用名詞，佢單單打打，更加居然不屑的話我朋友將茶餐廳的文化帶來佢間咖啡室。如果你咁高級点解開係横街窄巷？
繼續閱讀
柸咖啡都ok ，入面冷氣又夠，要讚既係環境舒服。要彈係態度，漏左單其實好少事，至少都講句唔好意思 ,基本待客之道都沒有幫襯左兩次都有同感，店員寸寸地（唔係全部，只係落單嗰位，第一次幫襯係位哥仔，第二次幫襯係位姐仔）有種不可一世紆尊降貴沖咖啡比你班元朗街坊飲嘅態度，咁應該喺中環尖沙咀開丫嘛
繼續閱讀