21
0
0
港鐵奧運站 C1 出口, 步行約5分鐘 繼續閱讀
電話號碼
66161514
營業時間
今日營業
12:00 - 21:00
星期一至日
12:00 - 21:00
付款方式
Visa Master AlipayHK 現金 八達通
座位數目
18
其他資料
酒精飲品
自帶酒水 詳細介紹
切餅費 詳細介紹
電話訂座
加一服務費
以上資料只供參考, 請與餐廳確認詳情
招牌菜
墨西哥沙律 自家製意式芝士餅 西班牙酥炸羊肋骨 巴馬臣芝士忌廉汁虎蝦米型意粉 香辣蕃茄醬海鮮扁意粉
食評 (22)
等級4 2022-08-23
379 瀏覽
約左住附近嘅朋友食lunch,見哩間餐廳新開,月尾之前仲有新張優惠,手提電話號有一個8字就有全單9折,最多可以享75折,睇返我地有9折,所以就入黎試下。小店地方唔大,得四張枱最多都係坐倒十幾個人。店面亦只有店長一個人一腳踢包辦落單、送餐、執枱同堆單,所以預左要等得耐少少,不過店長都好有禮貌,我地喺出面興恰恰入到黎,仲即刻送上凍水一杯。周末午市都有set lunch,另外亦可以散叫,因為set睇唔啱,見散叫有新張9折,所以我地就散叫。凱撒沙律配煙三文魚($98) - 沙律都幾大份,夠兩個人share食,羅馬生菜夠爽脆,上面除左凱撒醬,仲放左好多芝士同麵包粒,面頭仲有三大片煙三文魚,煙三文魚唔會太薄身,口感油潤鹹度啱啱好。黑松露野菌忌廉湯($48) - 黑松露味道清香唔會有石油氣味,忌廉湯杰度啱啱好,野菌唔會打得太碎,仲飲倒粒粒口感,唔差得過高級西餐廳。龍蝦湯($58) - 龍蝦味好濃郁,唔會太鹹,飲落冇忌廉湯咁杰。北海道墨汁意大利飯($118) - 意大利飯有咬口得黎唔會太硬,上面放左好多芝士碎,面頭再放左兩大粒帶子,帶子煎到半生熟,食落帶啲彈口但仲保持倒鮮味,做得出色。露絲瑪莉燒美國無骨嫩雞($148) - 嫩雞預先開左邊同去左大部份嘅骨,所以就咁用刀叉都好易食。嫩雞燒得夠乾身,唔會太油,但肉質仲可以保持嫩滑,本身醃得入味,就咁食已經唔錯。自家製意式芝士餅($78) - Tiramisu大約有拳頭咁大,兩個人share食啱啱好,芝士餅唔會太乾太硬,咖啡味比較輕,小朋友都食倒。凍檸茶($18/杯)  - 最後飲埋杯凍檸茶幫助消化,非常滿足。總結,雖然只係一間西餐小店,但無論味道同賣相都拍得住其他中檔西餐廳,店長仲好有禮貌,非常值得支持嘅小店。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-22
250 瀏覽
這天中午約了朋友到大角嘴食午餐,朋友難得放假,所以我們決定食好少少。大角咀有很多民生食店,價錢大眾化,卻有很多選擇,你能說的都有。最後我們選了新開的「易食」,地點位於匯豐中心附近,奧運站一出,行一陣就到。店面:在太陽底下行了這麼久,一入店就有夠凍的冷氣撲面而來,簡直是救贖。裡面地方雖小,要有的一切卻不缺:桌上舖有餐墊,餐具看起來很時尚、乾淨。餐單簡單易明:我們決定選午市套餐,$98包很多道菜,非常抵食。香煎芝麻吞拿魚伴茴香田園沙律別看這店規模小,選用的食材卻不吝啬,有很多外面高級餐廳沒有的食材。像是這個吞拿魚,外圍煮得比裏面熟,形成外硬內軟的口感,再加上芝麻後,香氣十足。唯一美中不足是沙律菜裡有醋,我麻麻地醋,所以沒怎麼碰沙律菜。口味這東西很個人的,沒有對與錯。龍蝦湯今天的餐湯是龍蝦湯,看得出餐廳很抌本。湯的味道偏鹹,有特有的龍蝦香味。裏面有幾粒麵包,浸軟了之後非常滋味。松露蘑菇牛肝菌忌廉汁意大利飯松露味夠濃,每啖飯都能吃到黑松露的美味。蘑菇夠份量,質地彈牙有咬口。意大利飯夠濕和滑,很正宗。炸軟殼蟹青豆扁意粉配蟹籽忌廉汁軟殼蟹軟硬度適中,完全不用吐骨,能夠把整隻軟殼蟹吃下去。意粉夠彈牙,配合醬汁來吃剛剛好,加上一粒粒的青豆和蟹籽簡直是絕配。甜品今天的甜品是芝士蛋糕加特製曲奇醬汁。醬汁酸酸甜甜的,很是開胃,就算已經吃得很飽也有食慾把蛋糕吃下去。芝士蛋糕的口感柔軟順滑,芝士味不算太重,適合大部份人的口味。這套餐包括咖啡或茶或汽水,我們都不約而同選了汽水。本身已是從雪櫃拿出來,如果嫌不夠凍,可以用餐廳提供的冰再弄得凍一點。每個set都是$100有找,食到飽一飽,抵到爛。店員態度很好,跟其他熟客有講有笑。這就是小店做街坊生意的特點,很有人情味。餐廳氣氛、食物和服務員質素都很高,我們有機會還要再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-14
129 瀏覽
呢間都算係隱世餐廳🍴因為位置唔算容易搵☺️唔係朋友推介我都唔知呢度有間咁用心經營嘅餐廳☺️老闆對食物製作及客人評價都非常重視,亦會主動介紹每道菜色,令我覺得得到一個貴賓式既招待😍因為好想俾更多人知道,所以分享俾大家❤️佢哋屬於小店經營,地方唔大,但係都算坐得舒服😌最重要食物質素有保證👍🤤🤤👍黑松露野菌忌廉湯黑松露味道超級香濃,再加上湯面舖滿香脆麵包粒,配合濃郁嘅忌廉湯,超滿足😋是日餐湯紅湯飲落酸甜惹味,配上芝士及米型意粉,更加豐富左湯既口感👍幾新鮮😍西班牙酥炸羊肋骨平時我對羊肉非常抗拒,因為好怕羊肉既羶味,但係朋友話呢款必點,佢上次食過覺得好正🙌上到枱擺盤非常精緻,職員告知芥末醬汁是自己店舖調出黎,食用羊肋骨時可先品嘗未有沾上醬汁,其後再試沾上既分別🤭我想話未點醬嘅羊肋骨非常香脆,我都察覺唔到有羊羶味;點醬後味道更加出色👍🤤🤤北海道墨魚汁意大利飯一上枱見到個擺盤已經好靚🤩平時出面食開嘅意大利飯好少用墨魚汁製作🤩🤩🤤🤤唔知佢哋個飯底加入菜定瓜粒,估唔到食落都好正👍仲中和左意大利飯既膩感👏西班牙杜洛克豬鞍扒呢個豬鞍扒勁厚肉,扒面上放上原粒無花果乾,入口帶有少少🤏甜甜嘅味道,而且肉質爽嫩😝😝不過我覺得如果佢地可以加多少少🤏鹽粒調味,會更加惹味😋😋另外仲要一提,佢哋伴碟嘅金菇天婦羅,令人回味無窮👍👍新增一個小食,供客人單點,我諗都會好受歡迎👏👏🙌🙌佢哋午市仲有set lunch更加抵食👍📌 易食 (大角咀)大角咀角祥街31號地舖#高質西餐廳 #隱世餐廳 #大角咀美食 #必食推介 #用心小店 #羊肋骨 #豬鞍扒 #北海道墨魚汁意大利飯 #相機食先 #foodie #hkblogger #globaleats #teamhappyfoodies #restaurant 繼續閱讀
(以上食評乃用戶個人意見 , 並不代表OpenRice之觀點。)
一直鍾愛大角咀小店,皆因大部分都幾高質,特別係依幾年利奧坊既出現,附近亦越黎越多新餐廳。新鮮滾熱辣開張既依間餐廳,門面望落無乜特別,但食完就知佢地係一間用心出品既小店😋墨西哥沙律 $118第一次食彩色既栗米片,配上蟹肉,牛油果,芒果,蕃茄莎莎等食材,成個配搭好有層次,味道豐富得黎好清新🌿而且五顏六色視角上亦好吸引。西班牙酥炸羊肋骨$108今晚驚喜之冠一定係依個羊肋骨🐏望落以為實的的,點知一刀切落去勁軟腍,肥瘦適中,雖說係酥炸,但係毫無油膩感,羊香而不酥。另外特別之處係配襯既並唔係傳統薄荷醬,而係廚師自己調配既wasabi醬,點完味道更豐富而且令羊香更突出,堅好食❤香辣蕃茄醬海鮮意粉$128意粉軟硬度適中,蕃茄醬味道天然,香而不辣,醬汁不多不少掛滿每條意粉👍🏻海鮮包括青口,大蝦同埋帶子🍝青口帶鮮味,大蝦大隻彈牙,最出色係帶子,夠厚身,煎到表面金黃,內裡係半熟,入口鮮嫩❤露絲瑪莉燒美國無骨嫩雞$148燒春雞食得多,但係起埋肉既真係第一次,整隻雞只有雞脾末端骨位,其餘既都起得乾乾淨淨,真正手工菜,啖啖肉好爽! 表面燒到有微微焦香,肉質細嫩juicy,連伴碟既薯仔,西蘭花苗,水瓜等全都煎香過,擺盤靚,用心👍🏻飲品就叫左杯Mocha同蘋果汁,另外依度亦有酒水供應。整體有驚喜,淨睇門面估唔到佢咁高質,而且價錢一d都唔貴,只係cafe價位,但食到咁用心同有質素既野,滿意👍🏻p.s.私心推介羊肋骨🐏 繼續閱讀
(以上食評乃用戶個人意見 , 並不代表OpenRice之觀點。)
等級1 2022-09-24
0 瀏覽
今日同老公係奧海城睇完戲,  之後例牌周圍行下咁la~^_^咁岩比我地見到新開左間西餐喎, 心思思就想入去試^_^好好彩唔洗等位, 餐廳裝修唔差既,  老板人好好呀, 知我地行左成日街又熱又攰上左杯凍水比我地飲住先, 份人都幾好, 幾健談d野食都好好食, 咁我不嬲都係注重用餐環境, 呢到就好好座 又唔會趕人走下次再去奧海城拍掏拖都會考慮過黎食~^_^特別推介:北海道墨汁意大利飯($118)  繼續閱讀
(以上食評乃用戶個人意見 , 並不代表OpenRice之觀點。)