易記冰室 (已結業)

晚市小菜測試之試菜新體驗 -- 有幸被選中參與小菜試食飯局分享各美食菜單1.泡椒鳳爪 2.椒鹽九肚魚 3.野葛茶羅漢果煲豬靚肉 4.南乳趣炸雞 5.鬼馬菠蘿咕嚕肉 6.酸菜魚 7.豆角炒牛肉 8.蟹肉蛋白魚湯浸靚菜又多一個晚市聚腳吹水地方，其待中......加油

佐敦都算好多平民美食，想平平地食個lunch "易記冰室"都係其中一個好選擇。易記既位置係隱藏左係新填地街既攤檔中，第一次去時可能要金睛火眼咁搵搵（其實我去過幾次但每次都要依賴google map)易記既裝修營造出一股濃濃既懷舊風。餐牌上既食物選擇都好多，可以揀番每日既快餐，炒粉面飯，常餐等等，總有一款岩食。食物味道都可以話偏淡，所以我地忍唔住加左d 辣油。呢度既辣油夠香夠辣，重口味小小既朋友可以一試。總括而言性價比不俗，經過可以一試。

第一次食野轉餐個侍應係會加你錢，仲衰過加料。本身叫3份早餐，之後都係想唔要1份；改為2份早餐，再單叫1份三文治。叫佢改單，同佢講明唔飲野。佢就同你寫到單叫三文治，再另外單點原來果杯熱檸水。搞到貴左$6同侍應解釋返，佢就話我地好麻煩，改黎改去，已經幫你改左「好多」野。唔幫我地改。我地見佢咁惡，都唔同佢爭論喇，咁貪錢就豪比你啦。一早唔想改就出聲啦，好聲好氣問你啲野出左未，表示埋如果出左就算，唔好改，但侍應無話唔改得，係咁細細聲咁話我地。食次早餐都受咁多氣，真係貼錢買難受🤷🏻‍♂️下次去m記算，對顧客好啲。

同朋友返黎香港，帶左佢地同外國朋友遊佐敦同廟街經過左呢間冰室。第一感覺係好靚，有懷舊FEEL，但唔係咁岩行過呢條街我都唔知有間隱世茶記！岩哂我介紹香港美食畀外國朋友！所以二話不說就入左去喇。入到去等左一陣佢地畀左中文同英文MENU黎，服務都真夠細心。加上果日好多人要搭台，搵到位攝我地就拿拿臨坐低喇。叫左幾樣野SHARE，值得推介第一款係流心西多士，中意果種蛋黃香味，好似食緊奶黃月餅咁。第二款值得一試既係佢地既咖喱牛腩飯！本身無咩期望，但係佢唔同普通茶餐廳既咖喱架，唔知點形容，應該係加左D香料，牛腩好腍，有畀牛根又有軟腍腍既牛腩肉，加上辣辣地同濃郁既牛腩汁，又唔油，我真心推薦！另外臨走前返左去多食左兩次，因為咩？掛住佢個牛腩囉！朋友仲大讚夠大碟又低食。依家番左外國諗返起都想食......唯有上黎寫個食評。

辛苦番工志在食，每日番工咁辛苦，lunch唔食番好d點對得住自己，朋友介紹呢間懷舊香港風茶記，就去試一試行過去都要5分鐘再加上30幾度太陽叫爆曬，真係熱死人，拿拿臨整杯紅豆冰飲下，竟然可以揀維他奶或者麥精，仲要原枝上，實在太正啦，暑氣全消，食咩都係美食啦

有次路經食個過早餐，覺得味道都可以，所以今次路經食個晏。叫左個海南雞飯，15分鐘終於到，見到碟飯就知出事，啲雞乾爭爭，明顯係過熟，啲骨位已經露哂兼係黑色。一夾一件雞入口，我覺得係食緊湯渣一樣，衰過食瘦肉，又乾又鞋。相信暫時係我生命中食過既海南雞飯中最難食既。睇圖就真係好清楚，呢碟雞求其斬碎就上碟，莫講話唔係海南雞，連白切雞都講唔上，中伏得十分應。難食到不得不寫負評。仲要收53蚊。美心MX絕對好食得多。

平常中午來總要排隊，今天年初五人較少終於試到了。 餐牌內容豐富，無論午餐、下午茶或常餐都較同區茶記便宜，環境乾淨舒適，員工有禮有效率，怪不得時常需要等位。想試蛋黃流沙西多，但作為午餐略嫌不夠飽，最後點了常餐沙嗲鮮牛野菌通粉配奶茶。野菌夠多，牛肉不會太老，還有生菜作配菜，感覺比一般沙嗲牛通健康；以為是普通茶記通粉，豈料原來是長通粉，我個人不太喜歡長通粉🤷🏻‍♀️ 下次還是轉米線或米粉好了。喜歡特別配搭的話你可以選扁意粉。常餐的多士香軟鬆脆，火腿奄列一般般吧，熱奶茶不錯，可以再試。價錢實惠，常餐沙嗲牛野菌通+火腿奄列+多士+熱奶茶，只需$29！

▶️充滿懷舊嘅餐廳😍一度下午很多人去食呢😯▶️茶餐廳職員帶給遞給水很可愛的公仔🤩▶️下午茶時光西多士太過甜了😑▶️話就杯香濃奶茶 茶葉唔夠龍 又無咩茶未但飲落去覺得好難飲 應該換過香濃嘅紅茶先啱會更好飲😑▶️懷舊出位蛋黃流沙西多士 名字好特別不過過太甜😐▶️好多人食食飯呢🙂▶️相片既滿香港懷舊街道燈光▶️出邊門口 有個郵筒 好特別🤣

冰室在試業中，見舖頭座位睇落唔算迫，餐牌大眾化，味道不錯！朋友吃招牌炒飯夠乾身不油膩，整體夠大碟，料亦算OK另外紅蔥頭淋滑雞味道好討好，有意外驚喜，送飯好得彈最後當然唔少得茶記必叫的凍奶茶，香滑茶味重下次經過附近都會擇呢到坐得夠舒服，順便買埋生果返屋企。