影片
今早落街食早餐，照舊叫了一個蕃茄豬柳米通 (無錯係米通) , 比一般通粉較軟身一點及長身一點, 蕃茄味帶酸很開胃, 又叫了個牛肉米線，一直覺得湯底味道唔錯，價錢又平，個牛角包又好食, 集團經營, 坐位舒適又衛生，但係……為何今日個米線好似咁少牛肉呢，我好奇問下個服務員叫佢睇下，佢答左一句等陣就行開，我以為佢問經理或找其他人查詢，點知佢去抺台, 因為這餐廳早餐時候硬係得三四個伙記 (這裏有一百個位...)，不打緊，可能等一下他會替我處理，但坐了一會還未有回覆，我再次詢問，如果答案係通貨膨脹我都可以接受，但他又叫我等一會……我再次想詢問他，但他好似刻意睇我唔到，算數食下包先，突然有人一聲不響在我右眼死角位放下一碗牛肉，係原本份量的一倍，我心想難怪香港那麼多人喜投訴，因為真係隨時有Jetso，但我想講一句，80後的服務員你可以覺得我麻煩，但都可以視為一個機會學習處理事情，希望大家都可以有所進步
繼續閱讀
同細妹又係為左歎珍珠奶茶而黎... 豬骨湯牛肉米線 + 牛角包 + 炒蛋 + 凍珍珠奶茶 ($24) 豬骨湯底: 像公仔麵調味包既味道 米線: 幾好食, 有韌度 牛肉: 份量不多, 不過夠大件, 醃得惹味, 夠稔 牛角包: 微暖, 好鬆軟 炒蛋: 像加多了水去炒 蕃茄湯豬柳通粉 + 牛角包 + 炒蛋 + 凍珍珠奶茶 ($23) 蕃茄湯底: 溝了好多水, 有色但無蕃茄味 通粉: 煮得太耐, 太稔了 豬柳OK, 不過像加了八角, 不太喜歡
繼續閱讀
友人好中意去呢間,,幾乎次次同我去樂富食都係去呢間我冇咩所謂~之前食過lunch,,但就未試過早餐~早餐係去到11點半,,我地差5多到11點半先去,,仲有早餐食睇睇menu,,好快就諗到食咩喇,,不約而同地食同一款既早餐.有d 5同既係...我食既係牛肉米線,,佢就係豚肉.牛肉米線:牛肉少左d,,得3舊但係勝在都幾彈牙幾好味,,米線5會太林~湯底ok,,同一般餐廳冇乜分別;如果可以多d蔥就好了炒蛋:好似茶餐廳果d,,係衰在冇乜味!牛角包:5鬆脆!牛油味5會太濃...珍珠奶茶:算係幾抵飲!珍珠份量一般,,奶味重d.
繼續閱讀
今日行完樂富新開既uny.. 就去上面一層搵野食見到呢間食台灣野既餐廳 唔駛等位就入得入到去發現.. 原來得佢一間冇電視,難怪會比隔離餐廳較少人我地2個人,叫左1個魯肉飯 1個魷魚蝦冬粉 再加1個冷盤2個人埋單計埋加一 $109 都算合理可惜的是沒有電視 下次會再去試埋好吸引的台式飲品***順帶一提,女經理服務態度很好,經常添茶同望住我地笑仲叫我地飲茶睇住熱親 幾好
繼續閱讀
繼續是清舊食評時間.前一陣子的某個星期日中午, 在沙田威院下課之後, 相約了老爸老媽在樂富吃午飯. 車程加上大雨的關係, 到達時已經下午一時多, 正值午飯時候, 所有的店子都擠滿人客. 我們在同層的兩間食店都拿了籌, 結果易牙先有位子, 於是入內試試. 之前也曾在其他的分店吃過, 感覺還算okay, 也期望質素應該不差. 入內坐下之後, 第一感覺就是環境頗漆黑, 跟其他分店大不相同, 坐位也算寬敞. 侍應也是很忙碌, 放下餐牌後便急步走開, 而且只管自己負責的枱號, 其他的一概不理! 單是召侍應點菜, 已經花了十分鐘!辣魚柳叻沙用料跟平常吃的叻沙看似差不多, 不過只有少量炸魚柳和豆卜. 湯底微辣, 帶有很淡的椰香味, 豆卜吸收了湯的味道, 吃下去帶點點椰香, 好吃! 魚柳很薄, 但可惜炸得太久, 所以頗焦且硬, 而且吃不出是甚麼魚; 因為沒怎調味, 所以有魚腥味, 水準以下之作.魯肉飯味道一般, 肉碎反而有點香味, 醬汁濃淡得宜, 拌飯同吃, 反而味道不俗, 中規中矩之作烤雞飯烤雞烤得有點過火, 吃下去時外層的雞肉比較乾, 內裡的雞肉味道還可以, 不太乾又有點雞肉味; 淋在上面的燒汁味道較甜, 與雞肉很相襯; 然而, 全碟飯居然連丁點蔬菜也沒有, 跟政府推廣的均衝飲食背道而馳!青檸柑桔/蜂蜜洛神花茶青檸柑桔的味道穩陣, 青檸味重柑桔味少, 如果兩者份量的比重對調的話就非常好!蜂蜜洛神花茶的洛神花味十分淡, 微酸的味道似乎被蜂蜜的甜蓋過了, 感覺就像喝一杯加了很多水的"利賓納", 把大好的洛神花茶糟塌了.全店的食物有一個特色, 就是份量極少! 食量小如老媽, 都只是僅僅飽, 更何況是老爸和我, 更只是半飽而已!!! 雖然味道不太差, 但不便宜的價錢, 換來只是半飽; 水準也比同集團其他分店差, 所以自此以後, 也沒有再幫襯過了!
繼續閱讀