影片
差不多每星期都要來吃4&5次早餐🥣主要是她的早餐性價比高，而且味道非常啱我的口味，特別是常吃不厭的走腸河粉加上獨特的辣椒🌶️油，真是令人有再來一碗的衝動。還有蛋牛治烘底和超大的午餐肉奄列蛋，特別好味和飽肚耐飢。最後來一杯凍鴦走甜或者香濃醇香的茶走奶茶，真是讓人回味無窮∞
繼續閱讀
在觀塘市中心行去大概8分鐘穿過街市行上啲 鋪位喺冇咁多人嘅地方門面裝修都比較舊式係見到OpenRice上佢2021年啲牛腩相吸引到過黎叫左個外賣坑腩河加凍奶茶一打開見到排得咁靚已經非常有好感牛坑腩真係唔錯 色澤靚冧得黎有咬口👍🏻👍🏻有送辣油 但唔知點解碗底有幾條通菜😂奶茶正常睇落細碗 但其實份量幾多 非常飽肚咁嘅份量先係40蚊 (凍奶茶另加9蚊)真係非常抵!如果觀塘市中心食嘅話應該要60蚊以上總括值得一試
繼續閱讀
一星期落去食左兩次，第一次食牛腩麵。個牛腩真係充滿牛味，每件牛嘅脂肪比例唔係好高，但食完口腔好似食完靚牛扒咁，充滿牛油回香。第二次去就食牛坑腩，同埋雲吞麵。啲雲吞味精去到有口渴級別，牛坑腩我覺得唔夠淋⋯ 下次有機會再去，都係食牛腩好啦。
繼續閱讀
好好味。好淋的坑腩好街坊的食市，好多熟客仔。。咩時段都可以比你任坐，昨日有一枱是小朋友放學去食嘢，一枱是男士吹水，又有一枱是街坊去買完嘢入去食下嘢吹下水。。感覺好溫暖
繼續閱讀
我喜歡裝潢高級奢華的餐廳！但同樣支持親民的小店！明記餐廳面積不算大，但座位尚算寬敞！最喜歡就是這裡環境喺好街坊嘅茶記格局！而且光顧的九成九都是街坊客！餐廳室內的枱不是太多，不過仲有室外！呢條街幾間餐廳都會擺晒啲枱櫈出嚟！真係當正條行人路係自己舖頭範圍！每逢食飯呢度都坐滿哂人！但每逢星期六日跑馬！附近寫字樓同學生放假！變相來說冇乜生意，隔離有間馬會！賽馬日當天這裡大都做馬迷生意！可看到許多「賭客」打躉⋯⋯在這研究馬經準備下注！沒有最低的消費，茶客可以坐倒幾粒鐘！班伙記話之你坐幾耐！這天來正過了繁忙時間，餐廳客人不多！見做了很耐有口音的阿姐在動手包雲吞！本來想簡簡單單吃份三明治！但經過入口當眼見到麵檔嘅牛腩色深！牛汁濃, 好似好入味！聞到花椒八角飄香氣味！十分吸引！來牛雜粉麵店已有心理準備要破戒！於是改變主意叫咗個牛腩河！牛腩香味撲鼻，是我最喜愛的部位！牛腩炆得淋很鬆化，不黐牙！口感真係無得輸！河粉每條好分明，唔會太腍有咬口！佢仲落咗好多蔥！啱晒我鍾意食葱嘅人！如果你唔食蔥就記住叫佢走蔥啦！湯底味道剛剛好冇話偏鹹或者偏淡！枱頭的自加製辣椒油好香！咖啡和普遍的茶餐廳的味道一樣！香味一般！整體來説粉麵和湯就比較出色！價格也不是很高，絕對可以接受！但重要是招呼好, 食物新鮮！以後都會繼續幫襯！
繼續閱讀