明記粉麵餐廳

營業中

休息中

到觀塘嘉樂街買餸， 順便去明記粉麵餐廳食個極速午餐，地址 ～ 觀塘嘉樂街47號地下。 餐廳是一間舊式粉麵店，午餐🥢 ～魚蛋粉、牛筋河、 奶醬多、 凍檸茶和熱咖啡。 ▫️魚蛋粉🍜 ～ 魚蛋和魚片口感Q彈， 河粉幼滑。▫️牛筋河🍜 ～ 牛筋好多， 又夠軟腍。 ▫️奶醬多🧇 ～ 即叫即整，外脆內軟，奶醬多到漏出來。 ▫️凍檸茶🥤 & 熱咖啡☕ ～ 味道正常。 整體價錢貼地，是一間做街坊生意的粉麵店☺️。   明記粉麵餐廳地址: 觀塘嘉樂街47號地下

今日嚟咗明記食早餐，呢間係一間舊式粉麵店，都係廿幾年前嘅裝修我叫佢份早餐，五香肉丁米線+腸、炒蛋、麵包+跟涷咖啡。食物係一般茶記貨色，唔算好特別，佢啲炒蛋都係好舊式果種，唔係滑蛋，甚至乎有少少鞋鞋哋麵包係較薄果種，食落無乜質感，唯碗米線都算幾大份舊式茶記服務就一般，不過啲伙記都有算係有禮貌，舊坊生意都係咁上下啦揚揚整體指數：7/10揚揚環境指數：6/10揚揚味道指數：7/10揚揚服務指數：7/10揚揚抵食指數：7/10揚揚返食機會：7/10

呢間小店幫襯左好多年，最出名係清湯腩，附近街坊都讚好，不過我唔食牛，通常食佢個常餐。我地5個人入去睇落好似無位，侍應姐姐會幫你去問其他食客肯唔肯轉枱，通常食客都係街坊，你就下我時下次我就返你。試過十幾個人入去都可以整合一張大枱，好奇妙。我通常都食常餐c，雪菜米夠大碗，雪菜肉絲好多，唔會太油膩，米粉爽口唔會勁索水，食咁多年個味都一樣。個奄列就好多油，通常都會夾麵包食，可以揀火腿或者午餐肉。常餐$31好大份，抵食。

今日同細佬官塘附近睇醫生順便去試下官塘好出名既明記牛腩。下午兩點長龍，細佬病我地吾想出街好彩人流去得幾快等五分鐘就有位。店舖好細，推滿人頭中間D圓型4人枱都坐左6個人見到幾乎大脾貼大脾。都睇到無得再加位。叫左牛腩河，仲有兩杯凍咖啡好快就送到。牛腩香溢四射牛腩偏瘦但炆得好稔好香......個湯我覺得好堅飲得出唔係雞粉溝出黎，河粉吸盡牛腩汁精華好好味 真係好好味難怪咁多人排隊! 不過未到三點鐘人流開始少了一半但都有九成客人在坐希望快d開大間舖人客唔駛等咁耐!

在屋企附近食下午茶 落單等咗3分鐘火腿奄列唔夠滑，蛋煎得過火食落去又老又硬...失望碗湯意粉口感唔錯不會淋，個湯啖啖地，入口仲熱辣辣兩片餐肉好似無乜煎過，未夠香油多塗好多牛油好厚，點知食落香脆又覺得好好味不過呢度早餐同午餐都爆吃飯時間人很多成日客人都要坐出門路邊摺凳我偏下午茶時間幫襯易找位，相對價錢又okay

黎到觀塘，經過呢間舖頭門口聞到好香腩汁味，辣椒油香味，我地幾個一於入去試下，叫左份淨腩什，80蚊大大碟，抵食，而其他朋友就叫左份常餐，牛什河，4寶河，同埋公司三文治，食落真係覺得而家咁用心做既牛什舖真係好難搵，d牛腩炆得入味又夠林，湯底亦都好清甜，牛什都好好味，尤其係牛肚，辣椒油應該係自家制既，一匙已經好辣，但好正，我問佢有冇得買一樽返去，不過冇得賣，常餐果個奄列好嫩滑，沙嗲牛肉面都好，公司三文治好食過美心果d，師傳真係落足料～野飲方面，涷檸茶檸檬好新鮮，咖啡同奶茶都好有水準，埋單都係一百五十幾，抵食，平靚正！

火煺奄列大多煎到好老麵包多士好求其，暖暖地吾香又吾脆沙嗲牛肉麵, 牛肉醃 過,口感軟綿綿,麵質ok而好重味精煮得彈口不淋奶茶夠濃而且夠滑幾好喎 仲有呢度早餐麥皮都經常食轉凍鮮奶加三元好多好多餐都有食過基本上 沒有甚麼特別、比一般茶餐差吾多 而且三十年來，前身或者現在逢跑馬日子，一定坐無虛設環境絕對是舊式.沒有服務可言 老實講黎呢度係欣賞懷舊氣氛

午餐唔知食咩好，友人話過黎街市睇下，行過見呢間門口坐滿人，就呢度啦。餐牌好多野揀，想食公仔麵於是叫左常餐。餐肉奄列，蛋煎得幾嫩滑，餐肉亦下得幾多，好食。牛油多仲係微温，唔錯。另一份要左火腿奄列，同餐肉分別不大，都好食。五香肉丁公仔麵，罐頭嘅五香肉丁正常咩囉，份量算比得幾慷慨，公仔麵煮得硬度剛好，味精湯底亦唔錯。沙嗲牛肉公仔麵，沙嗲汁太濃太傑，牛肉一舊全部黏埋一齊，麻麻地。熱奶茶香滑好飲。熱檸茶又濃又澀，不合我口味。

三月上旬‧晴繼續掃這一區的食肆，下午時份，來了這間茱記。看來以牛雜及牛腩粉作主打，下午茶餐有蘿蔔牛腩的選擇，正好試試。清湯腩賣相一般，但吃起來又不太韌。原本餐牌上寫的是蘿蔔，不過沒有就來了幾條菜，點話點好。反而熱咖啡不錯，幾香濃，甘而不苦，只是微酸。24元，便宜，所以好。便宜也是好處？當然了，今時今日便宜也是大賣點來的。

午飯時間，走進這間餐廳，友人極力推介這個清湯腩飯，一場來到，自然一定要試下啦。果然是名不虛傳。先說一下個湯，外表清清的，但喝下去一甜味頗濃，是清湯的典範，相信蘿蔔是功不可抺的。然後到牛腩，軟軟的，又不太肥，很有牛味，正。再加上一大碟白飯，真是非常滿足的一頓。