明記甜品 (已結業)

今晚食完飯後見到荃灣有一間新開的甜品店，當然要入去試吓啦！叫了2個甜品，一個是蘋果批，蘋果味也剛剛好，但是個表面燒得唔夠脆卜卜，所以是一種缺陷，第二個是綠茶心太軟，綠茶味也很濃唔錯，心太軟個個糕表面也算鬆軟。…查看更多

從來無食過咁難食既甜品，我叫咗一客芒果蛋白（$44）、友人叫咗一客朱古力疏乎厘（$58）。我嗰個芒果蛋白，睇菜單圖片、應該係西米+芒果肉+芒果爆珠，黎到都似樣既，上面有啲好似西米既野，一咬，嘩！脆既？好肯定係未煲透，店員話係「水晶珠」，話個texture係咁既，事實上硬到好似食膠咁，拎出黎禁都唔扁蛋白布丁，既無蛋味，又無奶味，食緊一舊完全唔知咩既布丁超級難食友人叫既朱古力疏乎厘，平平無奇，食落好似朱古力味既紙包蛋糕完全唔係疏乎厘應有既口感。叫兩樣野，兩樣都中伏，絕不推介，又絕不再黎！…查看更多

榴槤西米露$48點講好呢⋯⋯西米露還西米露，榴槤還榴槤，仲要一撻撻咁......真心伏，食完成口都酸酸的，食到一半已經想放棄，都唔知自己食咗啲咩⋯⋯仲要呢個價錢，真心想講仲有其他選擇囉⋯⋯明明我以前食嘅明記唔係咁嫁..... 不過之前食嘅係筲箕灣總店，究竟係搬咗過嚟之後唔得，定係而家嘅Standard差咗咁多呢⋯⋯仲要冇人得閒落單，枱又要自己拾，諗著快食個甜品，點知食成一個鐘，下次......還是沒有下次.....:(…查看更多

去開荃灣，荃灣都算係美食天堂，淨係路德圍附近既甜品店都有6，7間，成日食松記，今次想試下新野就揀左明記。好多新派甜品，我地兩個人，一人叫一個再加心太軟 happy share。是日紫薯賣曬，咁我地就揀左抹茶心太軟。原本冇抱期望，但最後又覺得有驚喜bor~我叫左香芒小丸子，味道中等，小丸子同一般店一樣冇咩味，但係口感不硬不黏口，米團搓得不錯👍芒果味香濃，芒果新鮮而且係果甜唔係假甜可以算得上係外脆內軟，抺茶味甘而不苦，食得出用靚料好食不過價錢係有d高既…查看更多

同姊妹食飽晚飯之後去左食糖水，講到食糖水當然要去路得圍搵食啦。地方好細，大家都坐到好逼，3個人坐4人台已經唔錯。特別係WINTER，大家都著得好厚，如果唔小心真係會掃掉旁邊台既糖水落街佢都幾乾淨，每個糖水都會放係個盤仔上面同埋有埋TISSUE! 幾細心，唔錯!講番個糖水，叫左個芋頭黑燸米糖水，HKD 48 (冇記錯的話)其實都幾貴，不過係幾足料就算佢啦，一上台就係椰汁係面。聞落去都好香既椰香味。可以睇睇都幾多黑燸米，可以補補血，同埋係咁凍既天氣食係好正。…查看更多

今日係星期五既平日打算食左飯之後食埋甜品人都幾多下 等左5 分鍾左右 入到去都覺得都幾迫桌同桌之間好迫一個身位都無 要入去坐卡位就要騰開先可以入到去 無法子啦土地問題睇睇餐單先種類都算多有好多大路野 例如什果涼粉 榴槤甜品等等~我叫左個黑糯米渣咋（30蚊）入面都幾多料下 芋頭椰汁入面都幾多芋頭同糯米足料另外,朋友叫左疆味小丸子我食左啖 疆既後勁太強我頂唔緊 但鍾意疆既朋友可以一試!食左三碗糖水都係$80多,抵呀!總結:可以一試…查看更多

同舊同事飯局後再想滿足另一個胃，去左明記甜品食糖水。叫左兩款糖水。舊同事叫薑汁小丸子$28同事入口話只有薑汁味，沒有甜味的糖水，小丸子整體硬而無味，如果薑汁糖水可以加返多些甜味會好好多。我叫薑汁湯圓$30薑湯與朋友那碗是一樣，可喜是我的湯圓比較甜，所以薑湯較她的多一點甜，雖然整體也是不甜的。 天氣冷的情況下還是想吃中式糖水，此店的中式糖水有好大的進步空間呢。店內地方狹窄，如果推車或shopping後就比較不方便了。…查看更多

同朋友係荃灣附近食完晚飯，想食埋糖水，行過見到門面幾靚，就諗住食下，點知係伏黎😓😓😓明白星期五晚係Happy Friday, 食糖水要等位係明白。等左15分鐘，下一張二人檯終於到我地，帶位就同我地講話執埋張檯就得，點知又等多15分鐘😓😓😓入到去，坐得好逼。咁我地就拿拿淋叫左一個抹茶窩夫食。點知...又要等廿幾分鐘😓😓😓好無奈.....要等都算，但係個甜品都無誠意🤦🏻‍♀️🤦🏻‍♀️ 黎到個雪糕都溶左好多，窩夫又淋哂🤦🏻‍♀️唉...要改善好多嘢囉🤷🏻‍♀️…查看更多

We went into this place because the exterior decorations were interesting and we craved some late night HK dessert, but it just ruined our night. First of all, there's a minimum order amount, but they didn't let us know until our one food order came so we were forced to order more than what we wanted. Second of all, their bathrooms are nasty and it was a chloroform graveyard of cockroaches, mosquitos, and flies so avoid at all cost. Third of all, their service is terrible. We sat down for not even five minutes and the service lady, Kelly or whatever, rolled her eyes at least ten times and spoke to us like they didn't want our business. Lastly, their food ain't even that good so go somewhere else for better service and food. This place ain't worth your money.…查看更多

睇飲食籽報導先知原來明記甜品本來係由70後老闆打理的舊式甜品店，後來有個90後後生仔打動了老闆把店加入新的原素同開分店。去左荃灣分店,假日晚上8時多已經要排隊👨‍👩‍👧‍👦。點了1️⃣芒果蛋白（$42） ，芒果好甜仲有粒粒芒果2️⃣鮮汁果涼粉（$38），好夠料不過可以再多d花奶3️⃣榴槤撈珠 （$47），my fav 😍,榴槤味好香又5會太膩。鐘意撈珠口感十足🤤雖然糖水幾好食，但呢度的甜品令我諗起同松記糖水款式其實差不多，但呢度貴$1x，所以性價比低一點點💸…查看更多

今日放工之後同同事係荃灣食完晚餐，大家都好似唔係好夠喉咁，所以我地就索性係荃灣食埋甜品。同事表示未食過呢間既甜品，所以我哋就入咗去食了。我地點左一個烤棉花糖燉蛋再加一個綠茶窩夫。可能因為當晚係平日，再加上時間尚早，所以大概10分鐘左右就可以食了。綠茶窩夫既窩夫有點淋淋地，雪糕筒都係淋淋地嘅，絕對無想像之中咁脆，不過值得一讚係佢綠茶味超濃。棉花糖燉蛋上面個層既棉花糖係超級甜，不過棉花糖下面個層既燉蛋係好滑，打返個和！…查看更多

招牌芒果凍餅凍餅即係冰凍版木糠布甸、芒果凍餅幾特別，凍餅中夾住粒粒芒果肉，食落冰感重🍧，上面鋪咗新鮮芒果粒同芒果汁上枱。但記得記得記得要聽服務員說 上枱後待30秒-1分鐘先可開餐🍽，因為剛在凍櫃取出來係好硬好硬硬硬❄️☃️另一款凍餅呢個一定要試，係我每次都會叫黎食既 Oreo凍餅🍦🍪Oreo 經常也會被用作炮製甜品🥚🍰 但Oreo 餅就這樣吃已經很好吃，再加入不同甜品裡面，味道真的很棒，尤其是混合了忌廉，可惜的是 欠缺了芝士味🧀🧀，oreo和芝士兩種味道應該很夾，總覺得少了一種...不能形容空虛😂😂😂，明記凍餅係沒有芝士成份，如果可以多幾種口味就好了！（Ps.其實明記甜品係有原味木糠布甸和朱古力木糠布甸，以前在西灣河店食過 味道可以同澳門的比下去🤤，但不在餐牌上，愛木糠之人想食就要自已詢問服務員，因為不是日日供應的 ）…查看更多

香蕉梳乎厘、原味梳乎厘飯後當然是甜品時間喇，住荃灣既朋友緊會知路德圍糖水街，荃灣區數數埋埋都有9-10間糖水舖，有時尚的、有傳統的、亦有主題式的....等等剛巧經過呢條街見到間糖水名熟口熟面「明記」，就八掛問一問門口員工，原來真係以前成日在婆婆家附近食果間，總店係西灣河太安樓附近，邊條街就吾記，以前食開都係食小食 XO醬蘿蔔糕和芒果糖水。今次飽飽地就叫左這個法式甜品梳乎厘，因為朋友都想試試新野。等...等...好耐喔 20-25分鐘不過我們都知要食這個甜品環有少少耐性！終於上枱喇，第一個反應「嘩..嘩...嘩...」我地叫左1個原味梳乎厘、2個香蕉味梳乎厘，香蕉味係店員推薦的，果然香蕉味重，好有日本香蕉蛋糕味道🍌👍🏻👍🏻👍🏻之前都聽聞這甜品有個怪怪地脾性😅，剛焗好的梳乎厘，出爐那一刻，會高高升起，但不消一會兒，溫度一降就會塌下來。要相機食先就要快快快手要掌握它那短短的升起時間，捕捉攝入鏡頭難度高😂😂，一次吾錯體驗跟大家分享喔。…查看更多

行到路德圍見到哩間好似幾吸引唸住叫黎試下，見到餐牌$45就叫左肥牛炒烏冬同豬頸肉炒烏冬，點知個伺應就話因為外賣要加錢，好啦，咁就加啦！個餐牌明明寫住送汽水，比完錢就問佢送咩汽水點知話係唔會送汽水，無汽水送又要加錢？個伺應又話啦，餐牌寫明星期五六假期前夕暫停？？？好啦，費時同佢炒，點知炒完出黎得半兜都無，有圖有真相……查看更多

朱古力心太軟蛋糕心太軟控的我，見到此店有朱古力心太軟當然吾會放過喇！本人食過無數朱古力心太軟，五星級酒店用百幾蚊嘆一個心太軟評價當然不用說，如果想平少少，本人覺得Mr.S....buffet 心太軟都吾錯，仲可以任食。今次試完明記甜品心太軟，一個字「得」，$50-$60值得一試。甜度剛好，配以雪糕加上一點酸酸甜甜的芒果，完美。識食之你應該睇外觀都知自家製作！總覺得把這款蛋糕喚作心太軟的人是個天才。一冷一熱一脆一軟一甜一苦，很難不讓人一吃傾心。有些甜品店一試朱古力味道就知係假朱古力，朱古力這種食品好特別，味道如果遍了少少就覺得好難食，如果味道恰當就會愛到如生如死..哈哈 個人主觀…查看更多