明記甜品 (已結業)

甜品店新開張#食住減系列#榴槤班戟，睇緊營養師都好幾個月見有啲成績趁假期放縱一日啦，老公揀咗蛋白杏仁茶同椰汁涼粉（比起一般甜品店大碗好多），我就好耐無食過榴槤甜品，今次揀咗榴槤班戟，真係無揀錯足料榴槤肉加上D cream比例啱啱好仲要塊班戟皮唔太厚仲有蛋香味勁正，回味中🤤🤤🤤值得一提店舖內環境整潔枱面勁乾淨（因為習慣同小朋友外出用餐一定會用濕紙巾抹枱，多數要用兩張濕紙巾，今次可能店舖新開只需用一張就得啦）、冷氣溫度適中啱晒媽媽們帶埋小朋友一齊嘆甜品，仲有小朋友至愛嘅甜筒窩夫🍦😍

禮拜日約左班老友去筲箕灣食飯， 食完飯飽飽哋班美少女話想食甜品，見到有間糖水舖新開入去試下， 而且見到門口新店開張八折，其他分店又有咁多名人幫襯，應該非常可靠...... 結果不單是可靠,更帶來驚喜!!!店舖的地方不算大，但光猛整潔，可說是麻雀雖小五臟俱全。 店員的態度非常好， 碰巧那天遇到甜品舖老闆陳生陳太， 他們每事親力親為和殷切的態度令我對這甜品店有非常親切的感覺， 當然兩位樣子甜美的女店員亦是加分位。至於甜品方面， 我們點選了芝麻糊、 椰汁西米露、香芒小丸子和芒果蛋白。 有凍有熱有新鮮水果,我們可以交換來試試， 由於我是芒果迷， 所以對芒果特別有要求，芒果新鮮香甜， 非常不錯值得推介。 至於芝麻糊和椰汁西米露亦在水準之上， 由於是第一天開張所以沒有豆腐花， 希望下次可以試埋豆腐花和榴槤咁就完美喇。