24
12
1
港鐵佐敦站 A 出口, 步行約4分鐘 繼續閱讀
電話號碼
2771 2392
開飯介紹
售賣港式冷熱甜品 繼續閱讀
付款方式
現金
座位數目
20
其他資料
加一服務費
室外座位
招牌菜
古法糖不甩 芒果西米露 海帶綠豆沙 爽滑涼粉
食評 (37)
飯後點都要甜品 焦點食評
等級4 2016-12-25
505 瀏覽
今晚在佐敦吃完了平安夜補做冬的晚飯,家人提議去附近找甜品吃,他們話吃中式甜品,我用OpenRice 找了佳佳甜品,到了看到到一條約廿人長龍,家人話唔等,唯有再找。見到明記甜品就在附近,用google 定位尋找,明明到了吳松街98號,看不到招牌,原來在橫街後。明記原來是一間很細的地鋪,在門口放了十幾張細摺枱,好彩大部分人吃完就走,所以等了幾分鐘先等到。我叫了芒果涼粉,味道一般。老婆叫了木瓜雪耳,都0k。家人點了三個黑白(芝麻糊+豆腐花),芝麻都幾香。一個紅白(紅豆沙+豆腐花),香軟😋弟婦要了麥米粥都可以。另外叫了兩個糖不甩,糯米好彈牙。整體都算滿意,消費共$200 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-06
526 瀏覽
每次到油尖旺區吃飯總不自覺期待起甜品時刻。不是精美切餅,亦非藝術感十足的新式,而是傳統道地的糖水甜食。除了那家有米芝蓮推薦,每晚要排哂大隊的糖水店外。還有不久前提過的鵝記新店,但去到那邊就特別想點喳咋,不想另作他選。  思前想後,想要嘗試新味道,不過靠譜的合心的沒有多少間。大街之中的明記甜品就是我們最後選定的飯後甜品之地。小店店面不大,室內沒有足夠地方裝人,唯有在大街之上大排筵席。  花生麥米粥 $18就是此行目標,尤如漆黑天空中最亮眼的一顆星星。麥米粥在香港算是買少見少,雖然跟喳咋相似,如同親戚,但出鏡率明顯低得多。麥米的煙韌嚼感教人喜愛,最後咬下去的一秒爽,搭配微腍花生,易咬開,易散香。甜度恰到好處,所之不至太膩口,怕就只有怕會吃飽。  友人點的馬來亞喳咋 $18,加上一勺椰奶,添上一點白,一抹椰香。材料量適中,至少不會滿碗全料稠實過頭,又不會太稀水不見料。不算太甜,豆偏硬身,略帶粉沙感,幸好滲至糖水時也不至過份漿口。  芝麻糊拼豆腐花 $20將兩款舊式經典甜品結合,就成了創新口味。黑白分界清晰明確,先以清入濃,還是由濃到清,隨你喜歡。一般情況而言由味淡一點的豆腐花開始,比較容易嚐味,要不一來就大兜亂也無壞。  最後有我們糖水局幾乎十次有六七次會點的古法糖不甩 $15。古法,不清楚指的是怎樣的古法,也不多加探究了。糯米丸子先煮過至金黃色,吸收糖水的甜味,不單靠表面另加糖。糯感中等,比較紥實,沾上椰絲芝麻,香氣加倍。  回想起舊事,總覺得時日飛快。當然放假的日子過得特別快特別易,但是所說的重點不在此。時間過得快,走馬看花,有很多事情未有得到明確的走向就已經離自己而去。有很多事情在自己未有接受,未能明白的時候就已經好像完結了。該說不要太認真太重視任何事物,否則只會教人糾結萬分。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-03-02
238 瀏覽
同朋友晚飯完,谂往食个中式甜品润吓,記得以前去过呢间,印象都OK,專登由尖沙咀walk过去。朋友仔至愛涼粉,我就选咗渣渣,貪渣渣多豆又多口感。不过朋友仔食咗两啖就出事啦,食涼粉钟意嘅系口感,但呢度的涼粉,粒粒硬的的,爽爽声,入口軟滑口感一的都冇,朋友仔再食两啖,決定冇必要难為自己啃落去,决定拒食!臨走仲同老闆讲,都系希望佢地关注吓涼粉质素,希望佢地提供有水準出品,令食客食得开心又愉快!至于渣渣,就中规中举,不过不失。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-12-08
286 瀏覽
去開佐敦食晚餐嘅話,有陣時都會去吳松街呢間明記甜品食下中式糖水,雖然環境非常非常非常地踎,不過佢一碗糖水都係十幾蚊左右,價錢真係唔貴.呢次我就叫咗馬來亞喳咋,佢入面有好多芋頭,紅豆,眉豆,紅腰豆,三角豆等等,非常足料,佢哋仲將啲雜豆煮到有少少起沙,令到成個糖水嘅質感都好濃同好稠,食起嚟個味道就唔會太甜,椰汁味亦都幾突出,以十幾蚊一碗嘅中式糖水嚟講性價比都真係幾高,我食完呢一碗之後已經覺得有少少飽喇. 繼續閱讀
(以上食評乃用戶個人意見 , 並不代表OpenRice之觀點。)
等級3 2016-09-11
305 瀏覽
夜媽媽係佐敦想食糖水,一定係明記,因為之前有朋友帶過我去食之後就鎖定了。因為明記雖然係街邊檔,無冷氣享受,坐位都係摺椅,但糖水質素真係不錯,足料又抵食,大部分糖水只係$18碗而最正係好多中式糖水都有,今次食既係蛋花馬蹄露,我之前試過熱,今次就order左凍,我覺得凍同熱馬蹄都同樣爽脆,而且味覺清甜,熱的話會清甜d,凍既話會比較熱的甜了點。 繼續閱讀
(以上食評乃用戶個人意見 , 並不代表OpenRice之觀點。)