明角麵家 (已結業)

二十五年前搬進沙角村, 明角面家就在我搬進村後數年始進來, 它頂替了一間上海飯館, 之後小學和中學午飯便在明角完成, 最喜愛它的牛腩牛什魚皮餃云吞魚旦等等. 不久進理工及往大陸工作...然後買了自己的樓搬離沙角村. 眨眼過了十年沒有再到明角吃面, 因要到乙明村睇中醫後有點肚餓, 便到明角再嘗嘗久違了的牛腩面. 除了新的裝修, 其他都沒有變, 老闆仍然坐係收銀, 仔仔仍然在幫手, 但個煮面師傅就變咗....坐下便叫了個云吞牛腩撈面, 芥蘭, 和凍啡共四十四元. 面就有點碱水味, 可接受.云吞食落很不錯牛腩好淋好入味芥蘭好爽好青甜凍啡是一般貨色., 總括嚟講, 明角仍保持水準, 按它的價錢, 在沙田應是無敵. 有時間一定會再去幫襯. 橫掂吾使等位, 又吾使受侍應氣, 又吾使叫坑腩加錢. 真是"實而不華, 物超所值."平日村內停車場只收十二元/小時, 周末十三元/小時. 消費滿五十元(十時後進停車場)有一小時免費泊車.

牛腩係少肥, 請看相, 有實力.也入味, 真材足料, 片片都好食!肥不多, 係少有的好正宗牛腩.加點辣油, 正~麵也好食, 彈牙, 好快吃清光.湯底唔算淡, 剛好.服務不錯, 阿姐好快手.

那天在沙田圍工作,下午茶的時候突然想吃麵,就跑到這裏吃一個麵.這是一間老式的麵店,推開門口的膠門簾,撲鼻而來的是很濃烈的牛腩香味,店裏擺設請舊,有很多地磚巳破裂,兩個店員正霸着一張桌子在努力包雲吞.餐牌上寫名馳名牛腩麵和雲吞麵,當然是吃它的拿手絶活啦,所以選了牛腩麵,和腐乳通菜.牛腩麵很林,很香,很好吃,在嘴饞時,肉汁從牛腩流出來,美味非常.腐乳通菜太咸了,太多油,而且菜煮得老了一點,沒有甚麼菜味吃完出來的時候有點口喝,相信都加了不少味精呢,間中食下都可以接受嘅但$25,ok啦

一間陳設破舊的麵檔，但也許是老字號，水準有番咁上下數月前光顧，叫了雲吞麵、牛肚河雲吞麵的雲吞皮薄軟滑，蝦肉也新鮮爽口，麵則彈牙軟熟，湯底即是味精湯 牛肚河的牛肚也炆得幾淋，河粉幾滑 價錢方面，很是抵食二碗麵，加上一支可樂，四十元有找！雖然是六七十年代的裝修、陳設，坐也坐得不太舒適，但卻有一種懷舊的味道！

未入門口己嗅到很重味精, 不過只要不飲湯或少少是ok的, 牛膀超多塊, 魚蛋很普通, 米粉幾爽, 盛惠$23, 以我幾大食都夠飽!

牛雜河：牛雜：好濃好有味。粉：滑。湯：好清，冇咩味精但可惜有鹼水味。菜：加左半生熱既椰菜，脆口。建議食法：最好半餓既時候食，唔係好快又餓餓地家啦...先飲湯，引入你既食慾；之後食菜。最後食牛雜同粉。

清湯牛腩粉:牛腩很入味, 唔韌不黐牙. 腩汁好濃, 湯底無味精. 魚蛋河:四海貨色,不過不失.清湯夠味,無味精.*特別推介* 鮮炸魚皮:很脆, 很薄, 少炸粉, 有誠意自家制.家庭式店, 好招呼.份量OK,價錢合理.

午飯不飽,沒多久又肚餓,來食碗麵。沒來一段不長的日子,商場的另一面已翻新,擴充舊舖位,加入新舖位,波仔進駐,多一間7-11...自己反擔心這邊一排的舊式食肆會否同樣翻新。點了魚蛋河。魚蛋河來時已在面加上蔥、蒜蓉,食落香一點。先食河粉,滑而不太腍不碎。再食魚蛋,雖爽口彈牙,卻冇乜魚的鮮味,似乎是外來貨,估計是四海那種。至於魚片,有魚味但較腍身,看看魚片的尾部,與餐單上的四海廣告中的魚片尾部一樣,相信也是四海出品。下次還是食牛腩麵較好。地方雖舊,惜食的感覺不舊了。假如這邊的舊式食肆真的翻新,會變成怎樣呢?

這間明角的牛什和魚皮餃都唔錯呢!不過我自己覺得佢的牛腩好似退步左.

原本想試下屋企附近新開果間日本料理,但...可能係試業期間唔做夜市,所以唯有去沙角村果邊食...見大排檔坐到爆哂棚,就上去商場食...一間舊式的屋村麵店...招牌,門口一個大的麵字,都係舊式的字體...瓷磚牆,卡位,卡位旁牆上的燈,都係舊式的...入黎叫左碗牛腩麵...牛腩麵唔算好大碗,麵爽口,惜有鹼水味..牛腩幾好食...唔係好淋果種,但幾有腩味,又唔"un",牛腩黏住d膏,食落唔會有種好瘦的感覺...碗麵入面仲有少量椰菜,唔會話淨係得肉同麵而冇菜食...食完唔多覺口渴,估計佢冇乜點落味精...食完唔夠飽,可能因為係冬天,需要食多d野...價錢就一般...