明苑粥粉麵飯

八件都係雞骨，其中夾雜一件雞囉柚，同佢講佢竟然話雞胸係咁㗎係有骨㗎！將心比大家評下你你會唔會食？另外佢仲要send返張相俾我睇就係第三張相佢話雞胸係有骨㗎，但係大家自己睇吓！俾埋啲咁嘅垃圾人哋人哋仲點會再幫襯！…查看更多

係尖沙咀叫外賣。有一間係我同朋友成日幫襯既 - 明苑。-車仔麵外賣，大概$4x連埋野飲我揀左油麵、蘿蔔、蟹柳、牛栢葉同墨丸（同朋友交換左小小餸）湯底：沙嗲汁-整體好岩我口味，全部麵餸都好入味份量都好足👍🏻會再幫襯！…查看更多

冬蔭公豬扒檬粉：呢碗檬粉一上到枱其實我真係以為廚房整錯咗，因為面頭勁紅好似麻辣一樣，但原來佢真係呢間茶記嘅多國菜式，泰國冬蔭公加越南檬粉。而味道方面，其實佢個湯底有勁濃冬蔭公，但可惜真係多油咗少少，而檬粉加埋冬蔭公精華一齊食都好正，而豬扒就正正常常唔會話太乾，而整體味道就可以但少Ｄ油會好Ｄ。…查看更多

最近忙到都係叫外賣係公司食，見到公司有呢間既外賣紙，又試下味先👅我叫左個沙薑雞飯，大約30分鐘左右送到～個例湯幾好，幾足料，有好多舊瓜，算甜。沙薑雞飯好多汁，岩晒送飯，雞份量足夠，煮得幾淋身而且都滑，沙薑汁味道岩岩好，整體覺得幾唔錯，白飯軟硬適中。尖沙咀黎講，$47食個沙薑雞飯算係價錢相宜。另外叫左杯熱好立克的，欣賞佢有撈勻，因為好多地方都係倒完粉直接加熱水就算，唔撈勻淡如水，所以杯野好好飲🤗…查看更多