明珠越南餐廳 (已結業)

明珠真係由細食到大👶🏻佢已經乞立係中環25-30年，當然都加左好多價，但加極都係勁平🤑🔹春卷凍檬($42) ⭐️9/10每次都一定會點呢樣，佢啲春卷好正宗👍🏻真係用米紙包，炸得好香口好脆，入面超足料，有粉絲紅蘿蔔豬肉木耳等🌯見到有人讚係全港最正宗最好食既越南春卷🏆包括五星級酒店既越南餐廳都無明珠做得咁好🏅我只能夠話: I can't agree more💁🏻凍檬落既魚露係店家自己調👨🏻‍🔬好開胃，味道酸酸地，食完都唔會好口渴🥛檬粉入面有生菜絲青瓜絲，食落好FRESH🤤配春卷最好，記得唔好落太多，會浸林啲春卷☝🏻*上個月都仲係$40😂🔹沙嗲牛肉炒河($50) ⭐️8/10係屬於濕炒，沙嗲醬同出面唔同，好香微微辣勁有啲花生粒🥜牛肉好林唔韌，男朋友食到成碟清哂，完完全全半條都無淨😂😂😂-🔺蝦餅都好正架！🦐但無影到-🔺係蘭桂芳附近🍻飲野前又可以去試下、去完長洲落船又可以去試下⛵️-更多食評ig: hungrykays 🌸

曾經在之前的食評說過，在香港食越南春卷，一定係食明珠，好像有點誇張，但到目前為止，我未食過香港的餐廳（包括5星級酒店內的越南餐廳）嘅越南春卷好食過明珠，如果您有好介紹，麻煩通知我，等我立即試試😋下午茶外賣春卷，承惠$31。真的吃了很多年明珠的春卷，由十幾蚊下午茶到現在要卅幾蚊😅春卷皮是用米紙，（最討厭有些不負責任的餐廳，餐牌寫越南春卷，夠膽死用廣東式春卷皮包越南春卷😡），春卷餡料豐富，有豬肉、木耳、紅蘿蔔、沙葛，春卷炸得香脆鬆化，調味恰到好處！

今日有野做，搞到差唔多兩點幾三點先食lunch.突然好想食vietnamese.諗起中環最近開左好幾間中上價越南粉餐廳但想快靚正都係去番呢間歷史最悠久嘅。47蚊大大碗，當然牛肉很多但很碎濕濕。但十分對得住咁嘅價位！

約朋友去音樂會, 難得黎到中環更係要專登搵d好食既野啦, 本身想去大排檔, 點知原來係全日休息於是我地盲中中入左呢間野, 因為我朋友其實唔中意次次出街都食d好貴既飯其實偶然簡單都好好, 食得幾舒服, 份量多, 春卷大舊足料好好食我食既係撈蒙, 面好似米粉咁, 好索汁

還在中上環區工作的時候，本座常到明珠越南餐廳午飯，當中有幾味是不錯吃。事隔多年，巧合下重來中環再吃。驚喜吃回昔日的味道。牛油雞翼，仍然精彩，外脆而肉嫩，雖非頂級的好吃，仍可一試。要吃牛粒紅飯，就要吃明珠越南餐廳的牛粒紅飯，別的地方吃不到這裡的美味。所謂的紅飯，就是番茄醬炒飯，這裡炒飯不會太乾，牛肉粒夠稔，而最配合紅飯就是那些沙律醬，紅飯沾上沙律醬吃絕對是一個完美組合。粉卷，雖非即叫即做，但味道仍算不俗，而黎生對腸粉或粉卷都情有獨鍾，故每次到明珠越南餐廳，均會來一客粉卷。明珠越南餐廳創辦於一九八零年，一直迄立於現址三十七年，相信此店是有點本事。自九十年代中我已一直光顧，直至一零年離開中環工作後便鮮有再臨。難得沒吃多年，這晚再吃，吃到昔日的味道，水準保持，難能可貴！

是日過嚟做嘢，，見到係老字號，又就腳就碌入嚟試下。一入到嚟，見到嘅係老舊兩層茶餐廳嘅陳設。被老店員叫左坐樓上雅座。玻璃枱zip住下午茶優惠，一問竟然有，星期六喎~卅零蚊有碗粉，好不錯的價錢。點了生牛肉河同粉卷，其實兩樣都唔算好食，粉質有啲厚，湯無乜味，粉卷同樣，塊皮太厚了。招呼方面，老店嘛，茶餐廳，加上佢地自己都講，做左幾十年，做熟客，所以。。。你是懂的。好得意嘅係，呢度係越式茶餐廳，不過每枱都會奉上普洱一壺

嗌左香茅豬扒飯同燒雞髀明珠炒飯，兩個嘅飯都偏濕，就連白飯都有陣奇怪的味。香茅豬扒飯完全無香茅味，食落似普通醬油味。燒雞髀尚可，但所謂明珠炒飯原來係少少雜豆加火腿粒，仲要有小小燶味，承惠$62.檬汁太重魚露味。和安里咁多選擇，真係唔需要食呢間，非常失望。而且服務都麻麻地。

I haven't been to Pearl for a year and I must say I was super disappointed with their cashier today. I called in advance for takeout and they told me the total will be $65. When I got there the cashier charged me extra $2. Honestly $2 is not a big amount but I had the right to know, so I asked for a receipt. She got upset and started yelling that she can't do it, because she don't know what I have ordered. So this nice staff came over and helped me and I told her that the cashier was really rude

食咗十幾年，呢到一d都無變過，裝修似然「舊」，態度似然「我行我素」，不過久不久總會有人提議去。今日同幾個同事一齊去食，我叫咗個必食越南炸春卷同牛柳粒紅飯(走沙律醬)，男朋友叫叫咗個粉卷，同生熟牛肉河。兩種春卷，同事一致認為炸果個味道好味d, 比較惹味同炸到啱啱好，而且入面個餡豐富d, 另一外太淡口。另外個飯，真係好好味，調到啱啱好，牛柳又林又唔肥，正！不過個生熟牛肉河，個精髓係個湯到，不過個湯差咗些少，唔夠濃，而且牛肉過厚，唔夠林，做得一般。所以去明珠，必須睇清楚食評先去，如果唔係你食完個反應可以好唔同

今晚去整頭髮，一放工緊係好肚餓啦！拿拿臨求其叫左間中環嘅茶記！一心想食鮮茄野，睇左一陣又唔想食面，不如叫個飯啦！又唔想鮮茄雙蛋，牛肉又怕靭，豬扒又怕太多，諗到心都煩埋，選擇困難症又發作了，決定叫鮮茄牛肉飯啦！對方回應要好耐先送，咁唯有等啦！可能邊整頭又邊等，又唔覺好耐就到啦！一打開個盒心諗都係一般茶記嘅貨式者，好在佢唔係一pat茄汁放喺面。一食第一啖就覺得唔係好酸或者好甜嘅茄汁味，佢個芡汁係啱啱好，仲要所有飯都滿汁，只係中間有時有白飯出現，完全唔洗自己撈！跟住個牛肉又唔韌（好淋）又冇so味，真心覺得好好食，足之我將成個飯吞哂落肚。仲有佢杯熱0茶，又唔係好甜（落埋糖）又唔酸，我出面飲襯嘅一係酸一係苦，我至怕飲到苦唧熱0茶，真係怕左，但無奈自己又鐘意飲！總算比我試倒間好食嘅茶記👍👍

牛柳粒炒紅飯 $60牛柳粒既份量都幾多，旁邊有啲沙律醬。牛柳粒肉質軟腍，醬汁都調得幾好食，沾少少沙律醬黎食原來味道都幾夾咖喎炒紅飯既茄汁味唔會太濃太搶，配埋牛柳粒好好送飯。餐牌

已前黎食，真係覺得好過出面啲茶餐廳好多，份量大，正宗。呢兩個禮拜黎左兩次，兩次都好失望......第一次黎叫個炒貴刁，淡加乾加份量小，呆左點解一間老店第二次，叫個雞脾明珠炒飯，味道還好，不過我再食唔出同茶餐廳嘅分別...... 唉，仲有唔知咩事，友人問佢攞個碗都俾佢鬧左野，六個人食坐左15分俾人催食快啲。唔通一代老店都要向時代低頭？加價減量降質素？

天氣唔多好, 所以叫外賣食, 好耐以前食過都覺得OK,但今次個豬扒撈檬就真係令人失望啦…豬扒唔似用香茅煮, 而肉質又比較”鞋”, 個芡汁略帶甜. 其實食檬粉個檬粉汁係靈魂, 可惜佢嘅檬粉汁完全唔得, 唔酸唔辣又無魚露香, 只係得個甜字. 唔知係咪因為煮豬扒個芡汁用得油多關係, 覺得個撈檬完全唔覺得涼快清爽, 食到中段仲覺得油油哋…失望

沒有特別的日子，晚上我倒是吃得超隨意。「明珠越南餐廳」好像有很多年年冇嚟過，隨便一餐。「扎肉凍檬」賣相：十分粗糙，扎肉條太細小味道：檬汁好鹹，失去越南凍檬汗應有的酸味「雞絲湯河」賣相：隨便的擺盤，沒有什麼賣相可言味道：味精多到爆燈，而且味道非常鹹加碟生菜，味道十分淡，埋單 $120。下次再來，應該都會是相隔一段時間了。

跟妹妹經過附近, 好懷念這餐廳的味道, 所以來吃個晚餐。咖哩牛腩飯，咖哩汁好稀，而牛腩都淋，不過牛腩好碎不是一件件完整的。香茅豬扒紅飯，味道夠，但豬扒竟然凍的。南乳燒香骨，南乳味適中，而且香口，可惜又係唔熟，我們又要要求返炸 。總括實在有點失望，相信下次不會再來