明珍美食 (已結業)

10月28日下午~一直都知土瓜灣好多好嘢食,但平時真係無乜機會去到,今日放假去開,可以去搵下食…行下行下,去到落山道尾,見到明珍,就入咗去~其實佢個位喺正入入去鴻福條巷仔隔離…一睇舖面,就知係做街坊生意,夠晒麻甩,我鍾意~碰巧午市時間,好多人買外賣,好多人等阿姐俾飯佢地~一坐低,阿姐問我飲乜,就開壺普洱~茶都算幾香,唔錯,始終食點心有壺靚茶先似樣~要咗一盅鳳爪排骨飯同一籠鮮竹卷,排骨飯好好食,好多排骨,我無落豉油已經覺得好夠味~美中不足係鳳爪唔多,得一隻半左右…鮮竹卷都好好食,一籠有3條,好大條下,最驚喜係入面有木耳,須知道而家唔係間間酒樓嘅鮮竹卷都有木耳做餡,正~$13排骨飯+$9鮮竹卷+$3茶錢,加埋都係$25,抵呀!!!

看回之前記錄，竟發現該店對上兩個吃評都是來自小弟的，不過事實上自己都不太算是這裡的常客，只不過有時忽然想吃碗盅飯又或是大包作早餐時，便會走來買外賣....今天有點不同，捨棄了買走的念頭，看見近門口之大圓枱有一個空檔，就"攝"進去，吃兩味點心才上班去....盅飯及大包是常吃之物，轉一轉花款亦是應該。燒賣餡內全是半肥瘦的豬肉，有滑溜及微甜的口感及味道。相比起上次在龍城富瓊內吃的，這裡的肉就新鮮得多了....牛肉腸內的肉餡不算多，皮沒有富瓊做的厚，黏筷程度也沒那麼嚴重。一碟有成差不多六至七條腸粉，吃完後，飽得很....馬上要喝多幾口濃濃的普洱，才可消滯....

與其响canteen食嗰D水準極差嘅飯，寧願倒不如早D出門口嚟呢度買嘢返去當飯食好過...依然係盅頭飯，依然係大包...大包餡料多到爆晒出料，味道並不算十分出色，勝在夠多料--- 豬肉、雞件、火腿、鵪春蛋....細食D ge食一個可頂一日肚...飯煲得粒粒分明，水準依舊還可以，只嫌料太少....年紀大la，肚皮胃納有quota，絕不願去食垃圾嘞...

十分想念雞球大包。一想起就口水長流....今朝先去買個大包，再打包到附近嘅有利，叫碗米王加油炸鬼"送"包...豬肉、火腿粒、雞肉、鵪春蛋....樣樣齊全....吃一口綿綿嘅白粥，再加微脆嘅油條，不羨仙....有咁嘅早餐，夫復何求呢?

星期三有事要落土瓜灣,排骨飯痴嘅我一早諗好要拜訪呢間店舖雖地痞要自己搵位但一坐低即刻有伙計招呼你,要了壽眉同一盅排骨飯先.轉頭排骨飯到,飯粒粒粒分明一入口嘩!!啲排骨食落就知新鮮貨,好好味呀,飯唔會太濕,再來一碟山竹牛肉,非常彈牙食倒有馬蹄同陳皮香味,正!!一路食一路望住門口,買掛骨飯嘅人不停响門口有人等,盅頭飯不停咁一籠籠攞出門口,飯連點心加茶位22大洋,食得好滿足,仲有小菜套餐都係22蚊包白飯例湯簡直平得發笑,好似我呢啲4拾零歲麻甩佬點會介意地方兜痞,仲可懷舊一番!!!下次經過一定再來一盅

說這裡是地痞千祁不要誤會是扁意，是這裡的格局真的是相當地痞，但食味及價錢絕不需懷疑。早點來到土瓜灣打算找點吃的醫肚後繼續到何文田的行程，在落山道口落車，要一盅兩件的當然來明珍分店，步入內廳，眼前一亮，相當寬敞，比前舖窄窄的環境不可而語，當然不要要求乾淨企理，否則有負地痞之名。開茶倒水自已來，一壺普洱不算經典但算順喉，待茶灌了幾杯，頭版睇到A4就是跑到前舖揀選點心的時候；見盅頭飯及幾款點心都是剛出爐，就來盅排骨飯及鮮竹卷。雪藏排骨絕對不能比擬新鮮排骨的香味，可恨很多食店的盅頭飯為了成本而選用前者，食味難砍，但這裡用的是新鮮貨色，加上爽身飯粒，簡單的盅排骨飯來顯得這裡的高明。鮮竹卷坊間有兩個弊端，不是油炸腐皮弄至油膩非常就是內裡韭黃跟豬肉的比例不均，總像啃一件豬肉條的模樣，但這裡很得妥的是兩者平衡之餘腐皮不過膩及層數夠多，愈食愈稱心啊！剔除環境及招呼，這裡真的是不錯，可惜始終是地痞格局，都以舊區街坊為主；但反正這亦沒所謂，來幫襯的都當是自已友了！後記：經過正舖，發覺正舖格局比例企理，光猛及乾淨，但始終這裡的地痞Feel才入形入格。

土瓜灣盅頭飯之霸"明珍",其實還有一間分店在落山道尾,在燒炭名店鴻福外面,與總店可算是首尾呼應.分店比總店更大,內裏別有洞天,有個幾百呎的飯廳,不過環境欠佳,所以又是阿伯場.分店比總店的分別,除大一點之外,而且有其他點心供應,最特別的一味,就是鳳眼餃.外型包到真的似一對鳳眼,材料有唐芹粒,節瓜粒,蘿蔔粒,蝦肉同肥豬肉,同蝦餃為近親,但味道亦比較清新,其他點心,也是大路貨,不過是自家製,非外來現成貨.其排骨飯,分店水準依然,一樣稱霸.見隔離阿伯食碟腸粉也成樽竹葉青上,恰巧背囊有支細樽裝紅牌,小弟有樣學樣,用威士忌送盅頭飯.結果阿伯一直"叮"住我飲剩大半的威士忌.