明星海鮮酒家 (已結業)

晚飯叫了片皮鴨，味道可以的，但好奇怪，啲「包皮」係開半的(見圖)🧐🤦🏻‍♂️「兩食」又要加$65。但如要炒芹菜，就$85..覺得有些誇張。我哋叫左default 嘅薑蔥，黎到時啲鴨一舊舊，十分粗燥。。且有點難食。另一款「椒鹽魷魚」。。魷魚無味、炸粉得人驚🤦🏻‍♂️數埋得個菜遠牛肉嘅菜最似樣了。。服務又唔太好，話唔夠冷氣，阿姐話條走廊好凍，叫我試下！👍🏻👍🏻👍🏻👍🏻👍🏻🧐掂唔會再幫襯了！

今日大年初一同今日去咗油塘明星酒家食開年飯🧧。明星酒家有好多分店，呢間位於油塘鯉魚門廣場。地方寬敞。防疫😷措施都做足。兩人一枱，中間塊板好有安全感。枱與枱之間唔會好迫，坐得舒服😙。今日職員態度很親切。今日叫左好多點心，過新年食得開心啲冇所謂啦，haha😆。我想提吓幾款較為滿意🥰嘅食物～點心方面，我覺得煎釀尖椒、牛肉腸粉、蝦餃、鹹水角都唔錯。煎釀尖椒，魚肉煎到金黃色，賣相唔錯，幾惹味😛。牛肉腸粉好出色，厚薄適中，腸粉好滑。牛肉餡料足夠，加埋豉油好好味😋。蝦餃，皮薄饀靚，蝦🦐新鮮，蝦餃咬落彈牙，唔錯。鹹水角很惹味，但用張紙巾索下啲又會好啲😛。至於包點呢⋯⋯雪山叉燒包係我嘅至愛🥰，今次當然都有試啦。果然保持住一罐嘅水準。包外層香脆，叉燒餡料適中，係好好嘅配搭😚。另外。碗叉燒白切雞湯瀨🍲都係ok的，叉燒唔會韌，好有口感。加埋薑蓉，好味。其他食物不過不失，我同家人會再去幫襯。

星期日，老婆想去明星飲🫖，因為冇早茶，所以我地去食lunch。🤗✌🏻人限聚，我地獲分配左一張自成一角既細枱，夠晒清幽👍🏻。我地叫左🖐🏻個點心，其中一籠係雙拼，即係試左6️⃣款點心。真心話全部唔難食既，但唔知點解硬係覺得冇以前咁好味，但價錢比以前貴左🙈。印象中明星係唔錯既連鎖酒樓，但而家啲酒樓成行成市，再加上疫情，唔做👍🏻啲真係好容易被淘汰。希望佢地繼續努力，我會繼續支持，加油💪🏻。

好耐未去過明星酒家吃飯，今晚為咗片皮鴨嚟明星酒樓食晚飯，$108一食，其實真係好抵以呢個價錢食到片皮鴨，佢質素都OK 㗎，份量都唔少，好滿足另外再叫咗幾款小菜，不過不失，食飽之後送生果。好有以前細個去酒樓食晚飯，傳統酒樓一定會有糖水，生果送，但而家只有生果，不過都OK啦，好過冇

我地食海鮮 通常都自己買完再加工 但因為加工費唔平 所以二人食既種類變相唔多本身想去鯉魚門覓食,但疫情下好多都關了. 所以近近地番番去商場搵左呢間明星食蒜蓉海鮮蒸海中蝦 $98 8隻性價比低 但唔難食 係正常發揮蝦既大細略嫌細隻左D. 鼓汁炒刀貝 $73 5隻每隻都好大隻 好新鮮 爽口唔乾 汁微辣 好得蒜蓉粉絲蒸元貝 $ 88 4隻性價比低 但唔難食 都係正常發揮清蒸大沙巴躉 $178 2斤重上到黎 係足秤 真係2斤重厚肉  蒸得岩岩好! 好嫩滑 唔UN唔鞋蒸得岩岩好! 好好食! 開邊龍蝦伊麵 $108 2隻龍蝦好新鮮 好爽口 仲有飯後橙~~~總括黎講,一定有下次,海鮮好新鮮,經理話係魚缸即刻撈出黎期間員工有不停加水&換碟 好好禮貌 埋單係$640

食物不新鮮蒸海鮮好明顯是不新鮮上菜時候東西已經不是很熱只是微暖味道不好👎🏻龍躉肉霉爛好腥片皮鴨淋又凍仲有一個魚香茄子煲好似油浸咁樣油浸著好似湯咁但係冇影到就被收走咗反影比經理知佢話話魚香茄子煲就是這樣怕油就以後咪叫，佢地沒有問題經理的態度10分惡劣一向喺各個地方都好鍾意食魚香茄子煲都唔會有呢個問題囉！現今在酒樓食飯食物質素那麼差劣態度亦很惡劣不懂得他們為什麼可以經營下去求其一間茶餐廳小炒都好食過佢新鮮啲有鑊氣唔使+1唔使茶錢這次的體驗實在太差永遠不會幫襯呢個集團！

- 完全無衛生可言- 員工服務差- 大部分員工不佩戴口罩今時今日，肺炎疫情嚴峻，晨早諗住去明星飲早茶，初頭冇為意口罩問題，當我們坐下用餐時發覺只有少數員工有帶口罩，最差就是送點心的職員都沒有佩戴口罩，又邊說話邊噴口水，極不合衛生🤮🤢

簡簡單單一家人食飯，就去了明星海鮮酒樓，每次去這裡食飯都會留意一下特價菜，他們的特價餐菜除了價錢平外，款式都很多，還可以每次選多款。每次都會点的白灼生蝦，新鮮之餘，價錢合理。 另外清蒸大沙巴龍躉，大大條龍躉，肉質不錯，而價錢非常抵，性價比高。咕嚕肉一次比一次好，外脆內軟，肉汁仍保存，甜酸汁的酸甜度適中，好好味。還有臘味炒芥蘭，炒得很有鍋氣，臘腸肥瘦適中，臘肉不太咸。海味什菜煲，用料豐富，有蝦乾，茶樹菇，鮮魷魚，粉絲，什菜樣樣有。

呢兩個月去咗堂食三次蒜蓉開邊蒸龍蝦，有兩次嗌兩隻一次嗌三隻，但實有一隻係死咗梅嘅！之後叫佢换，但要等成半個鐘先有！失望， 感覺係佢博大霧 啲客唔會叫佢再整過！ 大家不妨去試下冇屈佢。

點完單落單交比服務員，企係你面前大大聲喊咩事啊，唔接單，塊面臭過欠佢十万八万，跟住邊走邊閙粗口，好似有病咁，跟住有其它同事過來道歉，但著黑衫西裝果个應該係經理男人當睇唔到，呢間D野又唔新鮮，衛生又唔好，遇到D質素差嘅服務員阿姨真係坐住受气。

呢個吾僅僅係投訴，亦係教精明星點樣提高服務！事源如下：9月13日中秋節正日，年邁父母朝早向呢個x公關主任查詢訂枱，此人告知夜晚有三張空枱需要6點準時到達齊人拎枱，父母急call我們一家務必準時到達。6點前我們全部人到齊，但x公關要我們等，待其他訂左枱的人入場後如有空枱再俾我地。ok, 於此同時距將3張空枱俾左其他不用排隊單丁的人，吾通個d人係距的朋友？Ok! Fine!甘我問要等幾耐，如果冇枱我地去其他地方食！X公關好吾耐煩甘話：冇枱啦，吾想等你就去第二間啦！依家冇枱！想等你就等！吾想等就走！老父好吾開心！覺得明星冇誠信！x公關覺得玩老人家好有趣！？定係你根本自以為自己係明星甘忽然自大？劉德華話今時今日甘的服務吾得架，真明星知道誠信，假明星只識激嬲人客！甘我俾個差評你！希望你多多趕客！幫公司赶多d嬲嬲豬走!

同屋企人每個星期最開心就係可以飲下茶傾吓計消磨一下時間，酒樓最緊要坐得舒服，點心最緊要係熱辣辣。明星有XO醬嘅系列，有我最開心嘅XO醬炒腸粉，好可惜落咗幾次order，到最後最都係話冇，門面侍應嘅服務就認真一般，動作緩慢。所以最後都係叫咗香煎蝦米腸份，腸粉剪得幾香，口感就唔夠滑，比較粉；甜醬麻醬嘅味道還可以。百花釀魚肚，我BB最鍾意食魚肚，吸收左蝦膠美味可口汁。蝦膠彈牙爽口，都食得出係OK新鮮嘅都算水準合格！

今晚一家人到酒樓享受一頓家常便飯，所以選擇了比較方便又經濟的酒樓，明星海鮮酒樓。干扁四季豆，肉碎加有欖菜，非常惹味，加入白飯內，可以整碗飯吃清。。。海味什菜煲，清湯內有不同的蔬菜，粉絲及蝦干，另外最喜歡是加有茶樹菇，茶樹菇香濃，令整個煲非常美味。豉汁帶子蒸豆腐，豆腐清淡嫩滑，上面加有帶子及豆豉，令到清淡的豆腐很鮮甜。沙爹金菇肥牛煲，粉絲加上香濃的沙爹汁及薄薄的肥牛片，這個用來送飯也是非常好味，可以試試。

星期日既晚上，我地都係選擇出街食飯。是晚晚餐決定去油塘明星酒家。第1次黎食，場地好大，可以容納唔少客人，食物選擇都好多，我地點左片皮鴨，豆腐魚腩煲，蒜蓉蒸聖子王，蒜蓉蒸勝瓜同一煲例湯。片皮鴨既皮用蒸籠上，不過已經凍凍地，味道倘算合格，豆腐魚腩煲既魚肉係石斑黎，不過就咸左少少。蒜蓉蒸聖子王，同蒸勝瓜就好好味，兩者都蒸得岩岩好，聖子王新鮮，爽口肥美。蒜蓉粉絲好香另外個例湯亦唔錯。尼度既服務員好貼心。整體黎講，雖然唔係樣樣超水準，不過價錢合理，味道亦算穩陣，我都會再黎幫襯

🌟pls follow my ig: eat_neverland🌟#明星海鮮酒家慶祝屋企人生日。為咗阿拉斯加長腳蟹而黎。#阿拉斯加長腳蟹$228一斤，要左一隻6斤多一點的。大大隻蟹，夠哂一家6口食。蟹腳好厚肉帶重海水味，好鹹鮮。不過肉質唔係鮮甜果種🤔唔知係咪呢款蟹就係咁#清蒸粉絲帶子鮮甜，面頭啲粉絲好香。全晚最好食嘅食物。#龍蝦上湯伊面整體偏鹹，龍蝦味比鹹味蓋過咗中。不推介。#片皮鴨唔好食，鴨無鴨味🤷🏻‍♀️而且燒得唔香，鴨皮又唔脆🤦🏻‍♀️片得又樣衰衰。餅皮煙韌但太厚。不推介。#清蒸聖子同帶子一樣味但有啲蒸老了。可食可不食。