明星海鮮酒家

2019年2月11日晚上 18:00本人與家人到蝴蝶邨商場的明星食晚飯本人未到前...家人下了1個套餐名為 「乳豬龍躉餐」本人到達後 詳細看菜單...發覺菜單中是沒有乳豬的...本人向下單的員工詢問該套餐有沒有任何包括乳豬的餸菜....員工說乳豬餐應該有乳豬的...後來他向在旁邊應該是部長的人詢問該套餐有沒有乳豬....該部長馬上向下單的員工回答沒有本人正想追問為何名稱叫「乳豬龍躉餐」但沒有乳豬....他一言不發就離去本人再向下單的職員詢問該部長的姓名及要求取一張有他姓名的卡片....但得到該員工的回應是該部長說他沒有卡片的本人想清楚說明...沒有事先看清楚該菜單有沒有乳豬本人點菜之家人本身有部份責任....但明顯不過是菜單確有問題如不是刻意誤導客人為何該菜單會用「乳豬龍躉餐」的名我本想詢問是否菜單寫漏了...還是菜單名稱忘了更改...如有問題，應馬上改正，以免其他客人亦有所誤會....愛理不理的態度實在令本人相信此菜單是用來欺騙客人最後補充...食物味道一般某些部長職員態度差劣...不值得再食…查看更多

今年初三揀左食明星，上菜速度超快七點準時上菜首先係乳豬全體再黎再黎炸大蝦🍤，不過食到一平先記得影相🤣🤣因為大吸引啦。就到鮑魚仔啦😋😋魚蒸得岩岩好👍炸子雞脆皮內滑👍😋正最後係糯米飯味道適中甜品係杏仁味既蓮蓉包😋好味👍…查看更多

每次回香港都必定食明星酒家,一黎近,二黎我的確鐘意點心,晚餐叫送食飯都抵。不過壞處就真係人多幾吵雜。提提大家五個人以上先可以夜晚訂枱,呢次我地得三條友就要等位啦。三個人叫三樣菜,叫左白灼蝦、蒜蓉粉絲蒜蟶子、仲有個翠玉瓜炒花枝蚌,夠晒。蝦超級新鮮大隻,超好味。埋單先三百幾四百左右。…查看更多

琴晚做冬同屋企人食飯，一早落左訂同訂定時間，老人家去到同知客講訂左位，個知客第一句就同老人家講:「你姓乜名乜吖？拎飛等位喇！」態度極之惡劣。第一，我訂位比埋訂金都仲要等位係咩玩法？入面未滿架喎！第二，其實等唔係問題，但係果一句“你姓乜名乜吖？”就真係谷氣！仲要係節日咁對老人家講嘢？！全程乜服務都冇，我地book 左一圍，湯黎到一直放係一邊冇碗冇侍應理，唔好以為係因為忙，係一個二個扮睇唔到。食到一半突然又話黎收張訂單！我得一張訂單你到時唔認數咁點？成間野真係不值一提！埋單八位三千蚊，咁嘅價錢同服務真係把鬼！…查看更多

同屋企人嚟咗明星海鮮酒家食飯慶祝生日，六人入座，可以用$38食到半隻燒雞，如果七個人或以上可以叫一隻燒雞，燒雞味道幾好。片皮鴨嫩滑多汁，仲可以加錢兩食。芝士龍蝦伊麵就一般，188蚊黎講質素麻麻。…查看更多

屋企人都幾鍾意黎明星開餐，貪佢容易搵位，啲嘢食好抵食，份量都好足夠，每次黎都要點芝士蝦伊麵，想食片皮鴨或者蒸魚都會諗起黎明星! 晚市埋單前，仲會自動自覺送生果盤，真係抵食之選擇!!!…查看更多

屯門明星第一次來，竟然唔使等位，樓底好矮，不是感覺好舒服，叉燒瀨粉，叉燒都幾瘦，不過d粉係冇味的。百花釀魚肚，好大個籠，蝦膠有蟹子，夠彈牙夠爽口，有紹菜，魚肚好淋又入味，好juicy！蘿蔔糕也是一樣好味，多料，不會只是粉，煎到香口的，也是淋身的，唔會硬實實。鴨腳扎也是大隻的，有芋頭同肉。夠淋夠入味。紅豆沙好多豆，同埋都夠沙呀，食完好飽。這裏的美食亭是在廁所門口，所以我一d興趣也沒有……所以也冇攞嘢食…查看更多

今日同舅父去飲茶當然走去附近的酒樓喇，今次去咗市中心附近的酒樓，不用等位搭枱就可以有得食，因為可能因為下午茶比較晚嘅原因，所以嘢食都可能要耐少少，今次就叫咗一個拼盤，每款有一個味道都ok，但可能因為蒸得太耐的關係，所以就偏比較濕咗少少，牛肉味道都唔錯口感都保持到，唔會話太淋。豬潤魚腩粥粥底都ok，唔會話好水，豬潤口感就比較偏硬身。鴨腳扎腐皮就太油，但係芋頭幾好食，鴨腳就正常冇乜特別。整返嚟講已這個價錢下午茶心便宜，所以都有時都會同爸爸過來吃。…查看更多

中秋節🏮假期去飲茶，心諗一定多人到嘔🤮，點知竟然有位，仲可以自己去揀，正👍🏻！從來未試過可以假期去飲茶唔使搵位！一坐低當然叫點心啦！先黎個素腸粉、棉花雞🐥，鴨腳扎，暗春蛋燒賣呢啲都係好平常都會叫的，再叫多碗魚🐟腩粥竟然係用煲仔上，熱辣辣啲粥，又幾香幾滑可能落咗魚🐟腩所以好甜，呢個值得一試，再叫我多咗個菠蘿🍍叉燒包，又幾好食，再見到好懷舊嘅紅豆糕，好耐冇食過啦！當然要試吓啦！好食又唔會太甜好香好滑！推介！嘢食係幾好嘅，不過服務就比較差啲！不過假期去飲茶就係咁㗎啦！😼…查看更多

幾年前黎過飲荼，不好經驗仍未散去，本來唔想黎食，但友人話食完上樓上栢麗方便，便一心打算比多次機會自己對呢間嘢改觀下。點知...先講取位，絕對有問題，對待不一，（看來平機會與消費者委員會要多留意及審視酒樓呢類情況）非熟客門口取票，熟客非搭枱區自動有位！同朋友正議論時有個樓面細細聲搭咀，話人哋日日黎，仲話人哋幫襯買月餅同新年買糕，到到都係咁，無得講！（看來廉政公署要調查）佢哋（指門口那些知客）都唔旨在！賣到啲月餅同糕佢哋有錢分架！咁咪即係有利益衝突囉！並非以客為先，某啲樓面態度差，視而不見，借咗聾耳陳對耳，聽到都扮聽唔到，見到行過望都唔望一眼！向經理投訴竟然回答一個「得」字！都唔想了解！greeting更加唔使講！無！再講食物，一般而已，但點可能全部點心即叫即蒸，（海關商品與說明條例）！ 比錢出黎消費，唔係要比錢受罪！永不幫襯！…查看更多

好日唔來呢間飲茶，結果係D野食水準好唔惦，但服務好添茶快都係扣晒分! 叫咗兩碟炸㸃，炸春卷，凍D，唔係熱辣辣，有油益味，D皮開始腍，入面D料唔好食，煎埋也有油益味呀，個皮好柴皮，凍食真好難頂! 㸃心只係奶店皇包比較好味，起碼係熱，奶皇OK無死甜! 炒野叫左碟牛柳絲炒麵 ，麵底夠脆，但係好咸呀D獻汁，D牛柳唔新鮮，肉質麻麻，太多咸獻汁，食到想死了! 芝士蝦伊麵，啲芝土汁又係好咸，蝦又霉，都唔知廚師係咪大整古，重有D伊麵煮得太生，索唔到汁，食到乾哽哽基評分: *味道(基基)**外貌*(基基)*抵食(基基基)**服務(基基基)*最後基言:價錢上來說，真的有點貴，呢餐飯食到叫救命，集團式食物真要改善下啦!…查看更多

今日同爸爸 去市中心飲茶, 因為今日都好做嘅關係，所以唔使等好耐位就可以入去，因為都比較早，所以仲有早茶優惠，我哋最後嗌咗幾籠點心加埋茶兩個人， 合共 $86 價錢都唔算貴 。但係嘢食質素就有少少失望。炒米粉冇乜味道，好彩配料比較多。雞包仔如果叫做素包可能會更加好，但係都係味道欠奉。三色糕蘿蔔糕和芋頭糕未夾已經開始有啲爛，馬蹄糕嘅味有少少怪 ，小籠包都 保持到水準 。反而最好味係鮮竹卷味道都算幾清，配料都好多，味道啱啱好，其他就比較一般，幸好佢哋坐得都比較舒服而且將電視機，同埋茶既味道都比較好整體上都算係抵食。…查看更多

載滾水的水樽好多水積，叫樓面換，他回答，個個一樣，無得換，其實見到感覺極之嘔心，要求換另一個，但又換來這個答案，令人失望，真係唔想飲呢D滾水，其實茶壼亦好多漬在蓋邊，可惜我唔記得影相，食物麻麻，但衞生極差！下次唔會再去！失望！…查看更多

今日放工收早做埋啲私人野，搞一搞就兩點幾，中午飯都未食，見肚餓就入咗去明星食下午茶，首先就嚟咗碗叉燒米線，叉燒都好足料，切得又夠厚，嗱嗱聲食個肚都飽左一半，跟住就黎左碟牛肉腸粉食落有啲凍，冇乜牛肉餡，麻麻地😒，再之後就黎左牛肉球同燒賣就熱辣辣啦，整體來講食落都唔錯，不過啲碗碟就有啲污跡，呢度就要扣分啦，埋單六十幾蚊，算係咁架啦。…查看更多

一家十幾口去食一餐生日飯，本來満心歡喜，點知卻一肚氣！蒜蓉開邊龍蝦居然是霉爛龍蝦，有一大半吃唔到，另一半則勉強地吃下去！由於家人不想搞大件事，所以那霉爛出水的龍蝦，由得它浪費地放在抬上，待應只叫我們出去投訴，沒有任何行動或內疚！現在只有在這種情況及環境下投訴！另外其他食物，也在水平之下，如乳鴿及片皮鴨是凍的，我還以爲自己叫咗凍鴿鴨，大斑兩味也是霉和感覺不熟的，兩碟菜我自己炒也比他好！我一家十幾口誓言永不再光顧！令人失望的一個酒家，希望大家有所警惕！…查看更多