明星海鮮酒家 (已結業)

7點去到, 時間可能尚早, 所以唔洗等位一行4人, 總共叫左5樣野, 片皮鴨兩食,南乳齋煲,金菇肥牛煲,枝竹魚腩煲片皮鴨: 可能因為好平, 好多人叫, 我諗阿師父已經切到傻左, 求其切, 我食到好多都係好多肉, 唔覺得係食緊片皮鴨, 味道一般片皮鴨(肉身): 切件去炒, 一定有呃走D, 無理由會咁小, 我老豆食到有雪味, 我食唔到, 因為個汁勁濃, 個人覺得肉還肉,汁還汁,真係係咁易羅去炒一炒, 我覺得呢個開始接近差南乳齋煲:一般, 因為我食唔到咩味, 如果佢賣點係清清地相信係好成功金菇肥牛煲: 正確應該係叫金菇粉絲煲, 入面既肥牛我諗吉野家既細牛係佢既3~4倍, 味道一般枝竹魚腩煲: 呢個無食 唔太清楚服務OK, 加水都OK快手, 無咩特別唔好既地方埋單總共347.5其實真係麻麻地, 一人要八十幾我寧願比多D去食其他野, 不過始終老人家鐘意酒樓, 而且佢又覺得OK如果10分滿分, 我最多比4, 未至於差, 但係OK又唔到LO~

賀節,不傷腦筋,最簡單就是選套餐.所以就選了這個"花好月圓"套餐花好月圓拼盆 - 內容有乳豬,燒鵝,油雞,叉燒,汾蹄,海浙,全部燒味味道及質素都不錯!上湯大明蝦球伊麵底 - 這個有水準,麵多入味蝦大亦滑.碧綠彩鳳花枝 - 西蘭花和雞柳都O.K.,花枝片大大塊,但邊硬.黃金海鮮卷 - 外皮炸得香脆,不過沒甚麼饀.龍皇魚肚燴翅 - 沒料的芡汁羮.金瑤扒雙蔬 - 金菇,草菇扒菜膽,清清淡淡,做中和幾好!清蒸大青班 - 魚的質素和火候都不錯!明星脆皮燒雞 - 皮香脆,雞肉不恭維!鮮蝦荷葉飯 - 冇食不知.蟠桃壽包 - O.K.合時生果(西瓜) - 不甜.此宴包 6汽水, 6啤酒, 及茶介,加一.承惠$1988.以近節日來說,價錢算是便宜,而每道菜都夠大碟,相信16人進食也足夠;但質素,個人就覺得差少小.如何取捨,這就視乎個人!(惠顧此宴,提前落訂作實,還會送吊燒雞一隻)

由於遷就老人家的關係，因此偶爾要到明星吃晚餐，但每當聽到這個名字，家中幾名成員無不皺眉。無他，全因食物水準實在另人難以接受。只選了幾款大路食品，但水準卻是一個差。白灼蝦是既不彈牙，更有不少死蝦在當中，一整只的肉質是"梅"的。一碟普通的抄菜可以是"白哂哂"，像用白開水煮熟了就上台。近期明星集團在做推廣，甚麼客味鹽焗雞外賣只賣$38。不幸地又上了當，買了一只回來，味道是一整個的咸還算了，那位斬雞師傅看來佛心來了，雞也無力斬了。我還是第一次看到雞脾與雞胸難捨難離，雞翼又與雞頸緊纏在一起。一整只雞只有幾件正常體積的雞件，其餘都是大得不合理的連體怪雞！只能怪自己貪少便宜，誤信黑店，真金白銀花的換來一肚氣。唯望挘文能避免下位消費者再受如此的氣。

是日難得幾個朋友都一齊放假.所以就相約一齊飲下午茶聚聚.人流都好多,每次都要等位但地方夠大,所以唔需要等好耐食物款式,依然好多選擇但沒有了那個印度薄餅既位置點心出品...有輕微下流蒸腸粉上<木台>時只覺有少少既微溫.流沙奶皇飽依然美味最唔明白叫個芒果西米露原來就係芋茸西米+少量芒果粒學得連一D誠意都沒有不如唔賣好過.

見好耐未飲過茶..就和媽媽,弟弟到明星海鮮酒家嘆個早茶!等左差不多半個鐘,入座啦....記得中學時很喜歡到這飲茶夠近...首先來2籠小籠包 - 皮薄餡靚,又有湯...最愛的!黑椒爽肚 - 很入味~夠爽!金錢肚 - 爽爽地又帶點辣味...正!腸粉 - 不夠鄉土風情的滑....鴨腳扎 - 料較少!味道一般...千層糕 - 很鬆軟....做得很出色! 推介....其實飲茶都係同屋企人多...借住飲茶的時間彼此了解一下大家...傾下計...不用食大魚大肉....其實都很開心...

想約埋一家人食餐飯,原來真係唔容易.難得呢日大家都齊人,所以預早慶祝Father's Day海底椰雞腳螺角燉湯:抵飲,又大盅五個人,一人飲2碗,但都仲有剩而且價錢又唔太貴,又足料.海鮮套餐:灼海蝦1斤/蒸扇貝6隻/蒸海魚(約15兩)鍾意食海鮮就覺得抵食二百幾蚊,就又三種海鮮而且大部份都係新鮮既.清蒸鮑魚仔6隻:雖然細細隻,但味道都ok,值得一試.片皮鴨兩食:加埋都唔需要$200.抵呀!!最鍾意包住食,但略嫌塊皮厚左少少.二食係醬爆鴨件,雖然只需要加$20,但份量都有好多,而且個汁仲煮得好好味.馬拉盞炒通菜:失色之作,最容易煮...最容易出錯全晚最咸既一個菜式

約了兩個小BB去飲茶，其中一BB爸爸早早去了搵位，所以一去就可以坐。其中一BB係到猛喊，依且不斷出汗，其中一BB爸爸細問侍應後才知道其中一冷氣壞了，所以BB覺不舒服了！食物方面，都頗有水準，但其實點的不多，其中金錢肚不錯，很爽口，味濃。千層糕亦都很軟滑，做得不錯。如果有冷氣足的話，食得更開心。服務方面是不錯的。

第一次來晚宴, 本來上了幾味餸菜都還算可以, 食食吓空氣越來越混濁, 原來對面有數張枱都有人吸煙, 且氣味越來越難頂, 致整晚嘅食慾大減, 仲有d唔舒服兼頭痛. 香港法例已于食肆禁煙超過2年, 而很多服務員, 部長及經理都見到, 點解酒樓還是愛理不理?

我同老婆成日都黎飲早茶所以呢日都唔例外我地就叫左個桂花糕　小籠包　滑雞粥　叉燒腸粉桂花糕：晶螢通透，有淡淡既貴花香味，清清既甜味食落唔會太甜　剛剛好小籠包：樣睇落幾好，皮薄餡靚有超多汁標出黎滑雞粥：雞肉好新鮮，粥底火口剛剛好好好食叉燒腸粉：腸粉皮幼滑：叉燒唔ｕｎ成個早餐都食得好開心真係食過番尋味　

今次都係睇openrice有人話大埔間明星好食, 咁就來試下啦, 真係無令人失望喎.小籠包 皮適中, 唔算太厚, 好濃的肉味流沙包簡直係喜愛奶皇的恩物, 非常好食, 小心熱呀牛肉腸粉麻麻地, 牛肉太少蝦蛟都幾彈牙, 好有蝦味蟹子燒賣麻麻地, 沒什麼肉味

補上月底的食評,哈哈與女友飲下午茶,不嬲貪這裡食物選擇多及很好味XD一起點了 : 咸水角 : 脆身,,,入面很多料,正!!!!!牛仔骨 : 味道十分...GoodGood份量大份泰式面 : 普普通通,,,不要再酒樓嘗到頂級別國食品不過不失,可以一試

星期日拜完山大棚人慣例飲茶, 上次去了稻香, 今次明星裝修完就來明星, 因以經驗所得, 這裡較容易/快有大枱.裝修後多了很多卡座, 大部份食客都喜歡食得有點私隱, 市場需要也. 家人輪流點呀加呀一大堆點心, 食到蝦餃及韭菜餃, 發覺個皮做得比以前甚至比大埔稻香好, 薄而透且不易一夾即爛, 蝦肉爽彈, 其實其他點心賣相及味道都略勝從前, 雖然無細看點心及茶錢單價, 但埋單一除人頭, 人均價明顯比前高了, 雖則加了價, 但環境及食物改善了, 仍有可取之道, 乃快有枱也.

今日同爸爸媽咪黎左明星飲下午茶, 好耐冇試過啦, 覺得好開心 因為有d事黎左大埔, 本來我話去稻香飲茶, 但係爸爸提議去明星, 我當然就佢啦 去到剛剛兩點半, 下午茶時間開始~~ 等左10分鐘就有位啦, 因為間酒樓都幾大, 好鬼多檯. 坐低爸爸就出左去小食檔拎野食, 有釀茄子同芋角, 仲有蘿蔔糕同泰式河粉. 我就點點心紙, order左蒜茸鮮魷, 鳳爪等等......我地三個人食左10碟點心, 其實d野唔係太好食, 冇咩特別記得的味道, 同埋星期日的下午茶又唔係太抵. 但係我真係好開心, 因為同爸爸媽咪飲左成個幾鐘茶, 好珍惜呢d moment...最後想讚的係佢壺香片, 幾好飲ga, 可以加番d分

小弟食評絕不偏私, 好的讚, 差的稍為提點~家中有人生日, 剛巧明星擴建後未去過, 就去試試吧平日(週四)19:30, 晚市, 擴建後環境闊落多了, 地面改鋪返木板, 冇左以前地毯果種霉臭味. 多左K房, 不過去洗手間要小心望真, 因為標誌唔太清晰! 幸好洗手間保持清潔, 去得放心的~叫左個餐同片皮鴨兩食, 餐裡有芝士焗龍蝦, 蒸斑, 炸乳鴿兩只, 瑤柱瓜甫; 片皮鴨肉就用黎炒涼瓜~ 龍蝦個汁較深黄, 但冇乜芝士味; 包片皮鴨的餅皮太厚又黏實, 好難摵得完整,若果同朋友食就尷尬一點; 其他都一般水平, 過得去啦.茶錢每人$8, 鹽焗花生$10, 連加一去到八百幾蚊, 坦白講, 稍嫌太貴, 不過好在環境夠舒適, 若果唔在假日食晚飯都ok的, 否則區內都有不少同類選擇.

上星期五我們一家八人到明星吃晚飯，慶祝父親節。由於是節日緣故，我一早打了電話訂枱，以免一家人白等。晚飯時間只有兩個選擇，一是六時半，一是八時。六時半回到大埔根本是不可能的事，於是我訂了八時的枱。那天妹妹剛好放假，七時半便拖男帶女一家四口到明星等。我們心裡預算要等九個字左右。八時半總可以開飯吧! 可以等了又等，一家九口一直等到八時四十五分。別的人都有枱了，但是我們還是完全沒有跡像。於是爸爸開始問那個知客。那個知客卻回應訂枱原是沒有優先。天啊，如果訂枱是沒有優先的話，我真的不明白會有甚麼人會訂枱?