24
16
5
所有分店 (13)
電話號碼
2660 7882
營業時間
星期一至日:06:00-00:00
付款方式
Visa Master 現金
座位數目
800
其他資料
酒精飲品
泊車 詳細介紹
電話訂座
加一服務費
電視播放
食評 (52)
等級3 2017-01-29
216 瀏覽
放假啦,今早大仔叫去飲茶,還自動請纓去找位,大埔明星雖然很大,但假日例必人多等位,難得亞仔話去排隊。一家四口,明星裝修後,以前有泰式點心,小食,甜點已經沒有,大排擋的小巧小食也沒有了,懷念以前的特色!但廚房依然保持水準,不會太走様。 叫了差不多10款點心,每款都ok嘅!今次個人較喜歡鮮竹卷,蒸得很軟熟,入味。還有煎芋頭餅,芋頭切幼條撈粘米粉蒸後煎香,口感很好,調味適中。😋其餘幾款煎焗點心都不錯。當然其他蒸籠點心保持水準嘅!大家食得開心! 繼續閱讀
(以上食評乃用戶個人意見 , 並不代表OpenRice之觀點。)
等級3 2016-11-28
618 瀏覽
約攞餅飲下午茶真係好多人等位等到兩三點到仲要排隊真係好生意,誇張坐低tick點心發覺都幾抵10幾蚊一碗臘腸雞飯跟住好lazy嘅我又唔想trouble 叫咗個點心拼盤$40已經有蝦餃燒賣算係咁再叫多個孖寶都係20幾蚊飲茶一定要食山竹牛肉先至有feel 繼續閱讀
(以上食評乃用戶個人意見 , 並不代表OpenRice之觀點。)
等級1 2016-10-20
666 瀏覽
星期日9點前去拎位, 唔算多人, 等一陣就有得坐。 環境係街坊啲, 服務都普普通通, 點心紙冇哂要追幾次先拎張紙黎...煎腸粉, 唔似煎,睇落都冇金黃色,食落又唔香脆😑點心拼盤,蝦餃 燒賣 奶黃包 都有,得三個人食叫拼盤就岩哂, 燒賣好差, 冇味奶黃包, 次次都流沙👍🏻雖然只有好少咸蛋黃味,不過包質地好實, 唔鬆軟 繼續閱讀
(以上食評乃用戶個人意見 , 並不代表OpenRice之觀點。)
等級4 2016-05-27
1642 瀏覽
屋企無人煮飯, 所以是但去左酒樓食. 附近有間明星價錢較平, 而且夠家常便飯, 唔洗太花巧.先要個燒腩仔例牌, 例牌份量不多, 每人得幾舊. 燒腩仔個皮夠脆, 食落索索聲, 脆卜卜. 燒肉部份唔算太咸, 肉幾嫩, 舊舊都唔會太肥.上湯海蝦焗伊麵, 海蝦不算太新鮮, 細細隻, 無咩蝦味. 伊麵唔夠上湯, 所以有D乾, 一PAT PAT咁, 不過味道清清地還可以, 份量亦算多, 每人兩碗都夠飽. 繼續閱讀
(以上食評乃用戶個人意見 , 並不代表OpenRice之觀點。)
等級4 2016-01-06
1360 瀏覽
個個隊友都係諗住開飯先到埋,費事悶麻。我第一個到場,人未到啤先到 ﹗一早已經放定 set 生力啤係枱面,真夠朋友,怕我地唔夠飲啦。八點喇隊友們,您地在那啊?好明顯一早已經係 Baby 度隊緊酒。大家都好尊重我地既傳統,一圍埋就黎劈過您死我活喇 ﹗以酒會友,大家黎 hot hot 口先,十三張一支七,thank you ﹗未開席先飲醉啦,真係機乎每次都係咁,哈哈。我唔要飲咁多呀,食唔落野喇。我原本只想飲壼靚靚鐵觀音等開飯,最後都被迫上梁山呢 ﹗係都要人玩埋一份,勁飲大賽咩。好 ﹗唔係您死就我亡,殺殺殺 ﹗飲飲飲 ﹗上湯脆肉瓜蝦球伊麵,咁快有伊麵喇,頭盤係麵﹗有創意,從來未試過,非常體貼,怕您地班您班餓鬼餓親,先黎個伊麵醫醫肚先。晨早黎個伊麵您食先,到最後再整多伊麵,唔怕您唔飽啦 ﹗奇怪,伊麵同芡汁真係完全無味架喎,唯有狂落豆瓣醬。整個麵真係非常清淡喎,無味既?要勁落豆瓣醬先有返少少味道囉,有 XO 醬就更好啦。蝦球味道還可以,應該蝦仁先正確,嫩滑爽彈,無煮過火,不過不失,肉質微彈有鮮蝦味,唔係霉肉已好開心喇。麵質有點過腍,不過還可接受既。燒味併盤,百鳥歸巢都幾雜喎,有乾硬叉燒、特咸燒肉、激油燒鵝、勁肥油雞呢 ﹗油雞、滷水鴨、叉燒、燒肉、豬腳仔,份量好少,唔夠分。油雞無雞味,肉質乾鞋,仲好鬼咸。滷水鴨正常,無特別。叉燒硬屈屈,不香不甜。燒肉肥騰騰,皮不脆且硬,救命。豬腳仔最好食,多肉彈牙,味道剛剛好,好味。大家餓到鼓噪,等到九點幾終於飯,咩都食住先啦 ﹗搶呀,光速消失 ﹗什菌炒雞柳,無鑊氣,暖暖地送到,轉頭已凍冰冰。最好味係蜜糖豆,又爽又甜又多汁。雞柳無味、本菇無味、秀真菇無味。炸蟹鉗,由細到大我都好鍾意食酒樓既炸蟹鉗架 ﹗外層炸得金黃香口又鬆化,咬落索一聲架。蝦膠超級彈牙,好有口感 ﹗鮮蝦味濃郁。加埋浙醋同吃,非常開胃,真係好想食多幾舊呀 ﹗花膠瘦肉煲雞湯,隻雞已經餚到又散又鞋又無味,試一舊點豉油食先,一舊夠喇 ﹗放棄。花膠瘦肉煲雞湯,雖然無翅無鮑魚,但依個湯係全晚最好味架,大家都非常滿足 ﹗搶隻雞髀食下先,好采搶得到,雞髀肉質好少少啦,但都係無味道。湯汁特濃雞味,黏口帶膠,香甜濃縮,好好飲。花膠滑溜又嚥韌,充滿骨膠原,男人都要補下架,我唔客氣喇。清蒸老虎斑,次次都一樣,每個朋友仔都好鍾意食斑,條魚一放低就即時身首異處 ﹗迅間已經完全消滅掉,剩得一條骨剩係度乍,秒殺。縱使味道不是太好,只是免強合格,不過不失,但食飽先講啦。麵筋豆卜炆鮑魚菇,其實我唔多估到係咩送黎囉,齋菜?麵筋同豆卜都係索汁高手,蠔汁帶甜不過咸亦不嗆,都幾好味,滿意。炸子雞,真係炸子雞咩?外皮腍劈劈,炆雞黎喎。油淋淋又肥騰騰,油到滴出黎,肉質乾鞋而且毫無雞味。溫度只係暖暖地乍,仲好鬼咸添,入唔到口呀。荷葉飯,我本身非常鍾意食荷葉飯架,十分期待,但令我好失望呢 ﹗濕淋淋,炒得唔香亦無荷葉既清香味道,依個飯味道單調,配料又勁少,淡而無味,差差差。奶皇包,食左咁多度微暖唔熱既餸菜後,最尾都比返個熱野我食。熱辣辣既奶皇包,清甜不過火,滿意。 繼續閱讀
(以上食評乃用戶個人意見 , 並不代表OpenRice之觀點。)