明星海鮮燒鵝專門店

營業中

休息中

今日同朋友去飲下午茶， 平日好快搵到位， 食客唔算太多， 坐低order點心， 蘿蔔糕拼芋頭糕、鮮蝦腸粉、南乳豬手、燒賣、 棉花雞、山竹牛肉、燒鵝瀨粉， 點心及燒鵝瀨粉正正常常，不過不失， 價錢算平抵食。

今次食飯真係好差，無論服務態度定係食物質素都令人好失望，絕對唔會再嚟呢間分店，亦都唔會推薦俾任何人。服務態度： 一入到店就感受到個男部長好冷漠，全程黑口黑面，完全冇笑容，甚至對我哋嘅問題表現得好唔耐煩。咁嘅服務態度真係令人好難接受，完全唔符合一間餐廳應有嘅專業水準。食物質素： 我哋點咗幾款小菜。雞肉質好乾好柴，完全冇應有嘅鮮嫩多汁，皮又唔脆，味道好一般。整體嚟講，食物質素同價錢完全唔成正比，性價比好低。衛生問題： 最令人接受唔到嘅係，食完之後我哋6個人全部肚屙，明顯係食物衛生出咗問題。呢個情況令我哋懷疑餐廳嘅食材處理同衛生標準係咪合格，真係好令人擔心。總結： 今次食飯體驗真係好差，無論服務態度、食物質素定係衛生問題都令人好不滿。希望餐廳管理層可以正視呢啲問題，改善服務質素同食物衛生，否則只會流失更多客人。我哋絕對唔會再嚟呢間分店，亦都唔建議其他人嚟試。

明星海鮮酒家新蒲崗爵祿街86號明星商埸1樓A號舖酒家推出超值大優惠，家人約我食晚飯，我地食左2隻紅燒乳鴿、雙冬枝竹羊腩煲、酸湯魚腐浸肥牛、蒜蓉粉絲蒸龍蝦、花膠水魚雞鍋。整體黎講係經濟實惠，菜餚可口，唯是龍蝦未夠新鮮彈牙。

第一次幫襯，只見班侍應時常掛住傾偈，睇電話，招呼客人態度傲慢，揮了幾次手都無人理，問洗手間在那裏，答：出面咪有囉！！！🙄問送遞食物嘅職員攞多碟喼汁，又扮聽唔到，落單又落漏單，叫了隻紅燒乳鴿，嚟到隻乳鴿是凍的，似是炸完放了很久；最唔滿意的是，收銀處戴眼鏡女收銀員態度超差，俾完錢問攞單，黑住面回應話：要攞單就早啲出聲啦！！！話哂都係客人！！！佢咁唔滿意嘅可以唔做㗎，有冇需要用呢種態度去對人呢？永遠不會再幫襯，亦不會建議朋友去幫襯！！！

明星海鮮燒鵝專門店，位於新蒲崗爵祿街86號明星商場1樓A號舖。 店內裝修有點舊，但見到有很多熟客。 點心種類多，價錢經濟。午餐 ～ 叉燒飯$35、明星點心拼盤$34.8、牛肉滑腸粉$31、午市茶位費兩位$26 。    ▫️叉燒飯 ～ 叉燒半肥瘦，充滿蜜汁味，甜甜地幾好食。 ▫️明星點心拼盤 ～ 拼盤有六款點心， 送上枱的時候熱辣辣，我最喜歡蝦餃，皮薄餡靚，蝦肉彈牙大粒。▫️牛肉滑腸粉 ～ 軟滑牛肉腸， 一碟有六件。 整體點心味道正常，價錢合理😊。 🏷️溫馨提示～ 整個用餐體驗均屬個人分享意見， 只作參考😊。

很少到新蒲崗，第一次光顧這酒樓。十二點半到達，幸好因為這酒樓面積大，座位多，無需等候便可直接入座。燒鵝瀨粉：$36一碗，湯頭比較清淡，味道不突出，瀨粉爽口彈牙，不過份量不多，最有驚喜的是燒鵝，一隻大大的燒鵝髀，外加三件燒鵝胸肉。燒鵝肉多，有鵝味，可惜鵝皮不脆，不過以這價錢來說，已算超值。點心拼盤：包括蝦餃、燒賣、粉果、雞包仔、雜糧糕和紅棗糕，共六款點心。蝦餃內有大量蝦肉，好吃。燒賣是朋友吃的，他說沒什麼特別。粉果餡料豐富，不錯。粗糧糕的粗糧不多，味道微甜，比較一般。紅棗糕微甜，紅棗味不特別突出，但作為甜品，也算合格。重點是這點心拼盤只需$34.8 ，也是超值。小籠包：這也是特價點心， $10.8有4個小籠包，價錢便宜，不過質素一般。小籠包送上時，全部的包皮都已塌陷，內裏有肉汁，餡料不多，但味道也算不錯。以這價錢來說，也算合格。這次還點了臘腸卷， $27有兩個，麵包質感柔軟，但臘腸肥肉太多，下次不會再點。

平民抵食又好味酒樓——明星海鮮燒鵝專門店夠女朋友屋企人飲早茶，通常都係嚟新蒲崗明星海鮮燒鵝專門店，佢屋企人覺得好食又抵食。的確係，一班人5-6個人食次次都埋單$300-$400，抵到爛。前排母親節飲早茶都係食啲例牌會點嘅點心，包括特式三色包、奶黃包（今次仲要見到有豬仔公仔，好有誠意！🤣）、炸両、春卷、鳳爪排骨飯、蝦餃、紅棗糕拼薑汁糕。全部都好正😋個個2星期都去捧場咁濟。推介指數：💛💛💛💛💛

每個禮拜都會同屋企人嚟呢度飲茶，今次兩個人叫左5樣點心。有燒賣、蝦餃、藥膳鳳爪、牛雜、同埋牛肉球。蝦餃燒賣味道正常，藥膳鳳爪同埋牛雜都幾好食，但係今日啲牛肉球唔係幾好食，啲肉唔係太新鮮。呢度環境都正正常常，但係服務偏差，叫極都冇侍應，通常都越叫越走，坐低成10分鐘都冇人嚟開茶。但勝在好抵食，下午茶點心好多都係10幾蚊，下午茶點心選擇又多，就咁兩個人食五樣嘢，埋單先$150。如果追求服務質素嘅話呢就麻麻哋，但係性價比嚟講算唔錯。

等了三十分鐘終於可以入到去，前台接待安排左4人枱比我地，入到我樓面姐姐調左我地3次枱，安排非常混亂，沒有系統，又沒有通知前台接待處安排不同客人的坐位，而後續既客人亦被樓面姐姐調枱導致無位坐，各人都因調枱事直而引發不滿，與侍應爭執發給取建議，但無奈也沒有收到任何到道歉，收枱姐姐亦發脾氣掉簿，侍應又不收點餐紙，只顧聊天，最後是前台接待處收點餐紙，非常差的飲食體驗，食物質素亦一般，總括而言服務態度參差，食物普通，不會次再光顧！

12月天氣凍，冬天就係想食打邊爐或者食番個暖笠笠既麻辣雞煲🤭🤭🤭🤭住新蒲崗咁耐，呢間明星同屋企人都黎過好多次，貪近近地，呢區舊區重建知道就快結業，就黎食多次鮑魚雞煲，味道唔錯👍🏻

近期在幾間燒臘茶餐廳或飯店，食燒味瀨粉都唔滿意，主因唔係啲燒味唔得，而係個碗瀨粉個湯底同七八十年代嘅湯底相比係兩樣嘢，根本就唔係用淥鷄水嚟做湯底，所以攪到碗燒味瀨粉倫不類，在10月31日揾食肥華卻在此店食到碗，湯底有淥鷄水味道嘅燒鵝瀬粉，雖然此店燒鵝並不突出，但仍算可以而個瀨粉及湯底則令肥華有驚喜，食咗第一啖粉和湯，竟令肥華食到有在七八十年代，在街邊大排檔食燒鵝瀨粉嘅味道及感覺，真係重拾當年美味，反而今朝所柯打嘅其他點心食品就毫無驚喜，好食就唔講得，難食又冇佢份，若肥華再到此店用餐，都係為咗個碗瀬粉而來😋😋😋

1月4日，一家四口在這間，以燒鵝及海鮮作為排頭的，明星酒楼食晚飯，當然要一試此店嘅，招牌燒鵝及清蒸海鮮，當晚合共點了8個餸菜，最先出場係此店號稱嘅，金牌燒鵝，但此碟鵝一擺上枱，我就心知不妙，個外觀完全唔討好，D鵝肉扁撻撻，個皮一睇就知係淋嘅，果然一食落口，大，细仔仔，及靚媽都都此碟燒鹅，極度失望，除咗鹅肉温度夠熱，其他就一無事處，此店嘅招牌燒鹅，祇值E级評分，至於跟住陸續上枱嘅小菜，都有C+至B级水準，至於此店另一招牌菜海鮮，就壓軸出場，當晚我點咗條東星班，可能真係，好物尋歸底，此條魚蒸得非常出色，火候，時間恰可，魚肉嫩滑又夠熱度，係全晚最精彩嘅菜色，有A++評分，總結此店，地方闊落，坐位舒適，侍應招呼到位，除燒鹅外，我對今晚各款餸菜，都算滿意，加上價錢親民，到此店食晚飯亦是一個錯的選擇

✨✨抵食全包宴✨✨將近冬至，同屋企人食冬至飯，近近地揀左呢間明星酒樓😆😆⭐️$1688 半圍全包宴，有龍蝦🦞伊麵，好大隻，d肉好彈牙👍🏻👍🏻伊麵都好大碟，一d都唔似係半圍⭐️乳豬併盤，隻乳豬好大舊，好脆，好好食🤤😒🤤⭐️花膠海皇翅，啖啖花膠，唔錯喎👍🏻👍🏻⭐️蒸沙斑龍躉，唔算大條，但都好滑，小朋友最鍾意食❤️⭐️炸蟹鉗，炸得好脆，好香好好食😆仲有炸子雞、糯米飯、蒸糕，好飽好滿足👍🏻👍🏻

放假可以有咩做，梗係去飲茶啦。同屋企人去飲茶就可以嘆番個正宗燒鵝瀨粉。環境乾淨，服務態度好，四人為一枱，仲有間夾板。大家唔使怕交叉感染。🙌🏻🙌🏻一入酒樓，已經feel到啲冷氣好涼爽。如果怕凍嘅朋友，記得帶番件外套。😌😌1, 正宗燒鵝瀨粉🍜最近新出左我最鍾意嘅正宗燒鵝瀨粉，個燒鵝皮好脆，肉質嫩滑，只係28.8/碗。星期一至五仲有超值價19.8/碗😉😉2, 時令蔬菜🥬唐生菜好新鮮，好清甜，而且係即叫即煮㗎。燒鵝瀨粉配翻碟唐山菜就Perfect match☺️☺️3, 鳳爪排骨煲仔飯🍚4, 蝦餃拼菜苗餃🥟5, 藥材雞腳🐓🍗(因為同屋企人一齊去，啲嘢食一嚟到已經好新鮮熱辣，嗱嗱臨搶住食，所以影唔切相。😔😔)

為家人慶生，去左家人平日飲茶地方方便下老人家好味。疫情下易訂位，又無咩人。叫左個6人餐，有得送每人對半乳鴿食。星斑餐$988上湯西澳洲龍蝦伊面清蒸東星斑翡翠北菰玉掌煲明星靚炖湯至尊燒鵝燒汁野菌牛柳粒