明昇餐廳 (已結業)

之前茶餐廳個位已經變成泰國菜啦, 係以前石塘咀街市2樓熟食中心好出名o個個泰國家庭Phit. 唔見個仔幫手, 仲多o左好多香港人waiter, 不過唔知點解一搬到地鋪, 即刻少o左好多客. 以前係石塘咀街市時成日見到外國人拎住本旅遊書去食, d 書都唔會咁快update, 所以見佢少o左好多客.食物水準跟以前一樣咁好 記住一定要食炸蝦球, 我覺得仲好食過籣桂坊d泰菜好多. 地方環境當然比街市好好多 不過好似o依家冷氣好大, d 食物好快就凍, 冇以前咁熱咁香, 而且以前o係街市一枱一壺茶, o依家要叫先加水雖然佢依家冇咁旺, 不過佢以前d客遲早會知佢搬o左去o你度. 一定會生意興隆!

連續三個食評都我寫，因為我真係欣賞呢間家庭式經營的小店，可惜一而再地，睇見佢地的水準每況愈下。上次吃過一次超鹹龍脷焗飯後，幾個月沒有同老婆再來。今次少奶話要再光顧，就在午飯時間來一次。中西式午餐都是$32，不算便宜。我點了磨菇汁雞扒焗意粉，老婆要菜心炒牛肉連白飯。湯或熱飲只能二選一，我們都只要了熱飲。菜心牛肉先來，賣相不錯，可惜油多了一點，少奶初初食都話ok，但後來覺得愈食愈鹹，但都算啦。再來雞扒焗飯，本來以為這裏的焗飯水準尚可，但今次一看賣相，出事啦。雞扒炸得又乾又硬，再吃一口，莫說是肉汁，就連肉的質感也欠奉，只覺又硬又鹹，根本就是肉乾。磨菇汁更只是在白汁上加了一點芝士，沒有半塊磨菇。幸好意粉尚可。我們絕少浪費食物，但今次的雞扒真的太難吃，勉強吃了幾口便放棄，只吃了意粉便算。和少奶離開這小店之際，大家都很失望，最終作了一個很奈的決定，以後不再光顧。

又係星期日，今日又陪老婆來這裏下午茶。老婆又係叫多士，普普通通啦。我就叫焗龍脷飯，因為平時這裏的焗飯不錯。不過今次出事啦…其實個飯係即焗，熱辣辣，又加了芝士，本應幾好味。但衰在d龍脷好鹹，唔知係咪廚師想用鹽抽走雪魚內的水分，定係想用鹹味蓋過魚鯹，總之就係好鹹。而且d魚好似有少少唔熟，結果就咁浪廢左。另外，熱奶茶飲落有d苦澀，唔知係咪因為泡得太耐。唉，我好鍾意呢間小店，但今次都要比個喊面佢，因為我真係好希望佢地可以改善下，留意下QC啦。

呢間小店都開左幾年，平時午市生意都唔錯 (佢地以前有做埋晚市，但宜家就只做早午市和下午茶)，奇怪一直無乜人寫食評。我都間中黎呢度下午茶，主要係食佢地d焗飯，$28有熱野飲，質素和份量又ok。不過，今次同老婆就黎食其他野，老婆要奶油多($18)，我就要羅宋湯螺絲粉($24)，兩個都連熱飲。奶油多普普通通啦，但塊多士都算厚。羅宋湯螺絲粉的湯不算很濃，但都幾好味，份量也多，但食左一半先記得影相。埋單$42，唔算好平，但整體都滿意既。不過都係焗飯抵食d。後記：尋日同老婆又去食下午餐，老婆要了酸辣米線，但只係有d酸菜，完全無辣，結果要叫阿姐攞辣油。今次就要扣分啦。

家庭經營式的茶餐廳, 經濟實惠、味道一流!!!有中式、西式的套餐可供選擇...在附近上班的人, 全都很喜歡這間茶餐廳的!!我是偶爾發現這間茶餐廳的..但一吃就愛上了..雞扒沙津很好吃!!上次吃了芝士焗雞扒薯菜(本來是餐牌上是寫飯或意粉,但當然可以要求改成薯菜)..結果, 它的芝士焗薯條意外地很好吃..食過翻尋味!!連伙計也難以置信我第二次去, 為何不叫焗飯或意粉, 竟然堅持要叫焗薯條!!哈哈..但唯一是飲品比較遜色..