影片
作為一個美食愛好者，我經常尋找獨特而美味的料理，並且一直對燒飯團保持著濃厚的興趣。就在最近的一次尋找中，我有幸品嚐了明日花餐廳的燒飯團，並對這家餐廳的創意和味道深深著迷。首先，讓我談談這道燒飯團的外觀。明日花餐廳非常重視食物的視覺效果，他們在燒飯團的外觀設計上下足了功夫。每個燒飯團都精心呈現，形狀有趣，給人一種無法抗拒的食慾。接下來，我們來談談這道燒飯團的口感。每一個燒飯團都包裹著鮮嫩多汁的飯粒，每一口都充滿了對食材的品味。飯粒外層烤得外酥內軟，點綴著微妙的焦香，咬一口時立即釋放出濃郁的香氣。總的來說，明日花的食物 從菜品外觀到口感，再到創意組合，這裡總能帶給您驚喜和滿足。如果您是一個日本菜的愛好者，我強烈推薦您來這家餐廳一試，您絕對不會後悔！
繼續閱讀
姐姐同事請佢去食Farewell飯，仲要超好請埋妹妹去😍！黐餐成功，順便出篇文記錄一吓！間鋪細細間，冇室內座位，今次去就開咗張摺枱係巷仔坐老細們都超好傾，好吹得🤣.📍三文魚✨聽講呢個係有三文魚番先有，一至兩日就會賣晒🙈想食就要留意佢哋IG🤭外層燒香中間仲keep到軟滑嘅刺身口感配上柚子酸汁同香蔥真心好食❣️.📍燒特級牛舌芯($88/1串;$160/2串）牛舌芯軟嫰肥美，表面燒香，非常惹味👅.📍燒極上牛肉眼(約15安士)($388)份量超多，夠3-4人分享😆肉眼大概5成熟，中間顏色嫰紅而且有牛味帶少少牛脂唔會乾柴🥩.📍鹽燒五花腩（$28/1串; $54/2串）五花腩就冇咁有驚喜如果可以燒多陣令油脂迫多啲出嚟會更香🐷.📍清酒煮蜆(需早一天預定）($68)花甲王好大隻，口感唔錯味道鮮甜配埋個清酒湯好食🍶！.📍雞中翼 鹽燒(2隻1 客)($24/1串;$46/2串）正常發揮，外皮薄脆.📍水蜜桃紅茶($23）夠晒大杯，飲落清爽微甜🍑👍🏻
繼續閱讀
天氣開始無咁熱，又係開始可以坐喺街邊食飯飲酒吹水嘅時間喇。 唔呃人嘅， 當初有留意到呢間餐廳，絕對係因為行經附近被佢嘅店名吸引到～ 佢嘅位置係喺巷口，本身餐廳係無入內嘅座位嘅，只有少量室外座位，店員另外開左一張摺枱畀我地，都好耐無坐喺街邊食飯，一邊坐喺度一邊望住天慢慢黑， 有人放狗有人去打波有人去跑步咁，其實都幾 chill。食物方面，主要係日式嘅串燒，價錢唔貴，質素亦絕對對得住個價，試左佢地好多唔同嘅野食， 其中 例如：多春魚、牛舌芯、燒白鱔、燒牛柳 同啲 炸物 等等 都做得幾好，送酒一流。 酒除左帶左清酒，仲帶左挪威酒廠 Amundsen Brewery 嘅黑啤 “Cool Beans” 本身串燒比較濃味襯返啲濃味嘅啤，加埋濃厚嘅黑啤 室溫飲都絕對無問題，咁就坐街食都唔怕啦~ 過多個零月， 再涼啲，又帶酒去再 chill 下~
繼續閱讀
偶然發現大角咀新開咗間日式燒烤店，設計到屋台咁款！個名仲幾有趣😂環境嚟講算係咁，始終戶外地方，店主都好貼心ready咗冷風機同驅蚊器🙈怕熱嘅我夜晚去都唔會覺太熱原來除咗堂食仲可以叫外賣，即叫即燒嚟講算好快手，而且用料好實在！價錢又唔算太貴，店主得閒仲會嚟問下意見，用嚟提升下質素咁話！佢有埋台式手搖飲品，荔枝鳥龍真係唔錯，有荔枝之餘，唔會搶到茶味，岩岩好，怕甜可以叫少甜。試咗佢汁燒同鹽燒雞翼，鹽燒皮脆肉滑，好正！汁燒都好食，但個人鐘意脆皮多啲🤤燒茄子同燒粟米直頭係大愛🤤🤤茄子係加蒜蓉燒，口感非常正！燒粟米調味岩岩好，切得都方便食嘅🙈最近仲試咗佢新出嘅牛扒，依個好癲！啲牛油入口就溶，肉部分牛味好出🤤會配埋一個醬同少少菜底，點咗/包住嚟食好解膩。不過佢係要預定同埋唔係成日有🥲店主話提早落先夠時間解凍喎🙈同埋最好2個人以上先好嗌，份量有啲大🤣整體嚟講，依個價錢嚟講超哂班！估唔到舖仔細細咁有水準就真🙈同朋友過嚟夜晚/宵夜吹水一流！
繼續閱讀
每次跳完舞基本上都冇咩野食，點知比我發現屋企附近開左間日式串燒，嗱嗱臨揾埋d 同學仔一齊試。😏😏😏最愛個三文魚，口感柔潤， 魚油味十足，酸酸地加埋有少少蔥，清新得黎又開胃。 👍👍免治雞肉棒同出面既有少少唔同，雞肉彈牙有口感，加埋雞蛋嘅圓潤，無得頂😋五花腩油香滿瀉，外皮焦嫩， 食落一d 都唔漏。 係人都知道香港食牛肉貴得黎，又未必好食，呢到個炭燒牛肉，牛味十足，每一口都係享受。😬我大愛- 鹽燒雞翼同燒粟米，我已經詞窮，唔識形容。粟米一上就比我地食左，冇影相，都係果句，自己黎試下。😎仲有原來烏龍荔枝茶同串燒真係幾配架😳😳總括而言，食品質素同cp值高，個老細都好nice，好好笑😆下次上完堂可以拉大隊過黎食😂
繼續閱讀