明悅軒 (已結業)

平時屋企唔煮飯都會間中過黎食，因為真係幾抵食同埋啲員工都唔錯咁，支持下小店。但今晚真係失望，玻璃心嘅細路唔會再回頭！是咁的，今晚落完菜，佢照舊比碗湯你。然後我一望碗湯就見到有隻類似蟻嘅浮屍喺度，攪多幾下撈起左三隻，仲有啲已經被分屍嘅（因為見到粒黑點有觸鬚突出黎，所以知係同類）。蟻其實都冇咩所謂，唔係老鼠曱甴就得，最多放埋一邊唔飲，但見對間嘢印象唔錯，諗住提下佢，唔好比到啲有昆蟲嘅湯其他客人。可能我娘親老人家比較囉唆，我講完佢又重複講左一兩次。之後過左一陣，樓面個女仔突然行過黎，用倔擂槌嘅語氣淨係講左句：「咁唔好飲啦！」，直接拎走左我個碗。而當時我等餸黎，又唔想飲蟻，所以喺度用匙羹研究緊碗湯睇下仲有冇其他殘肢。首先，突然伸隻手過黎，打斷緊人地做嘢（雖然係無聊嘢）係好冇禮貌。其次，唔好意思都冇句，無論係話佢知有小昆蟲定拎走我個碗時，頭也不回咁走左。仲要係當時得我地一枱客（晚市第一枱客），又唔係話忙🙄 食物都仲係熱到噴煙，好有誠意，好足料。廚師同水吧姐姐都仲係好nice。但玻璃心又小心眼嘅細路唔想再去感受負能量，唔想再好心但比人黑面了。再見！🌚

平時都會係屋企附近試吓唔同餐廳，而今期我就愛上呢間小店。呢間小店種類真係相當多，打邊爐、排檔風味嘅小炒都有，而食過兩次都覺得食物水準相當穩定，唔錯味。順德小炒王一開始就點了呢個順德小炒王，呢個菜送啤酒真係一流，啱哂同朋友一邊吹水一邊食，而且小炒王鑊氣十足，特別喜歡佢嘅韭菜花相當爽脆。而且店員其實安排我哋坐底之後同時就送上自家製湯水，味道滋潤，啱哂平時冇湯水飲嘅我。招牌羊腩煲呢個羊腩煲相當出色，羊腩都好大件而且份量好多。食埋佢送埋嘅一碟西生菜，真係飽到八成。椒鹽豬仔脾最後就點埋呢個菜式，豬仔脾啖啖肉，肉嫩多汁，相當惹味。整體呢間餐廳味道真係唔錯，特別佢個羊腩煲真係抵食。

經過禽日lunch 一役，都係要搵下邊度有齋食。都係食 羅漢齋飯。一入到去間餐廳就問下有無齋食先～例如無肉既齋菜飯。因為小店同無咩人手既關係，所以出菜時間自己衡量，我地有既係時間同埋早去^^所以係ok de食物質素不錯～因為齋飯叫左小油～^0^健康少少，間唔中聽到後鑊炒嘢d 聲好正～～有紫菜湯d 肉仔幾好味～～有求必應～其實個飯係有d 細碗～我地加左個飯。^^ 齋菜飯d 汁都好好味～可以汁送飯。豆腐火腩男人的浪漫應該無味精～正～尤魚蒸肉餅加左蒜頭喺面～

凍凍地屋企人話想食羊腩煲，醒起附近有間小菜館好似有就同佢哋去試下我哋夜晚8點幾到，都有8成滿，好彩唔洗等就可以入去好貼心嘅老闆，一坐低就送碗湯，可以邊飲邊睇菜單。我哋6個人叫咗6個餸，等咗10分鐘左右就有得食黑椒牛仔骨大大件啖啖肉，連啲洋蔥都炒得好爽甜，唔會太腍椒鹽鮮魷即炸嘅魷魚勁脆口羊腩煲(細)勁足料，成煲都係羊肉，原本想叫個大煲，但老闆見我哋叫咗幾個小菜就建議轉細煲，6個人食啱啱好。啲羊肉唔太騷，炆到啱啱好不過食到最後就有小小老，應該要快啲食曬啲肉先有枝竹馬蹄吸汁，配飯一流，仲送一碟生菜不過腐乳太多油，唔多點到腐乳醬炒芥蘭雞蛋焗魚腸屋企人好鍾意，話係功夫菜，魚腸長過隻筷子，小小腍帶有陣魚鮮味蟲草花蒸雞雞肉唔算滑，有屋企整嘅感覺食完飯最後仲送咗碗芝麻糊賣相 3/5口感 4/5味道 5/5番食率 4/5

大圍呢個地方其實真係好多美食，尤其係充滿大排檔風味嘅小炒。而呢間明悅軒經朋友帶我食過一次之後，真係覺得值得一試。除咗食物抵食之外，店員服務都非常好。喜歡店員安排座位同時就送上自家製湯水，味道滋潤唔會覺得有味精。順德小炒王一開始就點了呢個順德小炒王，價錢都相當抵，而呢個小炒王內有韭菜花、魷魚、腰果等特別喜歡佢嘅魷魚好鬆化，唔錯。招牌羊腩煲咁凍嘅天氣當然唔少得食羊腩煲，而呢個羊腩煲真係好正，羊腩份量好多且件件都好大件。而且最重要唔會有羶味，因為我個人就好怕食羊有羶味。而且食埋佢送埋嘅一碟西生菜，已經好飽。椒鹽豬仔脾呢個都係朋友點的菜式，呢個菜式真係相當惹味。而且豬仔脾啖啖肉，飲埋啤酒真係冇得輸。整體呢間餐廳味道真係唔錯，特別佢個羊腩煲真係抵食。

來到冬天總想吃多點暖身菜式，除了打邊爐、食雞煲外，羊腩煲亦是冬天暖身佳品。今次同前同事一齊聚聚，最後就選擇去了他其中一間飯堂，當中呢間餐廳菜式性價比相當高，水準亦唔錯。餐牌內有多款小炒、火鍋菜式，選擇方面都相當多。坐底無耐店員就送上一盅盅靚湯等住你品嚐。咁凍嘅天氣飲一碗熱湯真係好似雪中送炭。而且呢盅湯亦相當鮮甜，真係好有媽媽感覺。招牌羊腩煲羊腩軟熟不帶羶味，熱辣辣一大煲真係好正，最啱同親朋好友齊齊分享，而且仲送埋一碟西生菜。羊腩份量都幾多，今次四個舊同事一齊食細嘅羊腩煲都夠哂，相當唔錯。椒鹽豬仔脾菜式香口，配埋啤酒一齊食真係一流，豬仔脾肉質亦相當嫩滑，亦唔會覺得油膩!順德小炒王食咗咁多肉，大家最後就點了一個小炒王，材料真係相當豐富，當中有爽脆嘅韭菜花、魷魚、腰果、蝦乾等!老實講呢間小店味道真係唔差，特別呢個菜式相當有鑊氣，如果下次再聚真係再值得再去。

星期日的早上，一心從屋企步行10多分鐘到此小店享用早餐，可惜，極度失望而回。2018年11月18日早上11時15分到達，坐下來便落單，一個餐旦麵＋凍檸茶，一份美式早餐（豬扒＋腸仔＋煎旦）＋茶走。約3分鐘內飲品先到，飲品沒有甚麼特別。再過5分鐘，餐旦麵也到了，但未見美式早餐，心想也應不會太久，故沒有即時催促。到太太用了15分鐘完成餐旦麵後，仍未有美式早餐的踪影，即時催促侍應，但由於人手太少，只見她望一望水吧上的單，也沒有入廚房溝通。正當等到第28分鐘的時候，才見三個美式早餐一起出現，此時我想起的就只是廚房刻意花時間等待人客叫餐，集合幾張單才一起煮。我也評估過自己在家煮一塊豬扒、一條腸仔及煎旦，要否前後近30分鐘？綜合經驗，如果你有事要在用餐後做，「請預留足夠時間」！

今晚到田心村明悅軒，老闆Thomas親自招呼我哋，首先一人一碗無味精例湯，好味到我連渣都食埋，連相都唔記得影，蟲草花蒸鳮，夠滑又夠入味，小炒王炒得干身材料十足，水煮魚用的是鯇魚腩，夠香口且味道濃郁，由於飲左幾杯，最後叫左个啫啫介蘭煲超野味，但又冇影到相，十多枱客得一個大廚主廚，廚房師父強哥功力非同小可，總之一定回頭再來呢度，因為呢類小店香港真係買少見少啦！

附近既餐廳都食得七七八八，咁啱見到呢間新開餐廳就同屋企人一齊試下佢一入到去就feel到強勁既冷氣，係夏天黎講已經值得加10分🤩一坐低就送左每人一壺木瓜排骨湯，飲落無乜味精幾清甜到叫野食，門面個妹妹仔推介倉魚，話好新鮮咁話，就叫個蒸倉魚試下。另外叫左椒鹽鮮魷，菠蘿生炒骨。利申啲相全部無加filter就咁用iphone影咋，啲野都好靚而且都大份。推介既倉魚果然新鮮，蒸到啱啱好熟，肉厚又滑，又唔會有平時食到啲冰鮮魚既苦味。生炒骨皮脆夠味，賣相一流。最驚喜係個椒鹽鮮魷，又會大份到咁樣咁抵死🤯鮮魷好厚肉，下次要再叫過。至於會唔會再黎食，唔講啦，呢排飯堂就係佢啦🤫

改左名之後 都未黎食過 比前面啲食評吸引左 再試一次😂.餐廳應該真係轉左老闆 裝飾冇咩大變 淨係樓面嘅叔叔變左後生女 同貼左啲菜式嘅相出黎.另外都同以前一樣 會有湯 但糖水就可能睇下姐姐記唔記得🙈.跟之前啲食評嗌左個 缽仔鷄蛋焗魚腸、蟲草花蒸鷄 同埋苦瓜炆魚腩原來三個餸都需要啲時間去煮😂 師傅出菜比隔離枱嗰時都特登同我地講聲啲餸整緊☺️.鷄蛋焗魚腸：一拎出黎嗰時 個缽仲係勁熱 仲有啲泡泡喺度ja ja 聲😍 面嗰層仲脆嫁😍 喺個面度督 仲好有彈性😂 第一次食魚腸 佢有啲陳皮 蒜 魚腸 潤 喺入面 原來自己唔係好接受到啲腥味🤭.蟲草花紅棗蒸鷄：賣相本身再靚啲 不過開吃左 覺得唔錯先想影相😂 味道啱啱好 啲雞仲係嫩滑🐥🤤👍🏼👍🏼👍🏼.苦瓜炆魚腩：好味又大煲🤤 啲魚唔會厚粉炸 有味又滑☺️ 不嬲唔食苦瓜嘅我 覺得啲瓜好苦 好在冇污染到啲魚🙈 媽媽話好多薑 啲薑愈大塊愈辣 所以諗住叫佢食少啲 但佢又話煮得啲味啱啱好😂.三個人食 好飽🙈 估唔到轉左人 餐牌唔同左 但都唔錯👍🏼 但唔知點解都唔係好多人咁可能仲早掛🤔

大圍街坊小店開店不足兩月，已經有口碑，今天特地來試一試報導過的特色焗魚腸雖然離港鐵站不近，但晚飯時間客人滔滔，相信也是慕名前來品嚐一下這新店子一共點了五款菜式，最後有兩份需要打包，因為份量比想像中多，但價錢也十分相宜即焗的魚腸一出場已經感受到熱力，魚腸份量適中，不過對於我來說就少了點，當然我希望是每一口也包含著甘香美咁的魚腸不過這道菜竟然混入了叉燒，可能是我寡聞，一直以來也沒有吃過有叉燒在內的焗魚腸這一碟椒鹽鮮魷味道恰到好處，香口不至於過鹹，但實在分量太多，打包又會腍，大家有點困惑夾雜少許鮮魷的菜螃蟹，還以爲是炒老了的蛋白，入口原來真的是魷魚肉店員極力推薦的蟲草花蒸雞，只是點了半隻，沒有想到又是一大碟，不過雞很入味，可以伴幾碗飯吃喔總括這小店的鑊氣是值得欣賞，就連簡單的啫啫生菜煲也令人回味

同朋友食飯見到新店開張，就入去試一試，估唔到會有驚喜，一坐底未叫餸就已經每人送一碗例湯，例湯也不是味精湯，是老火靚湯，小菜味道很好，仲好大碟添，叫了幾道小菜全吃光光，因為不想食白飯就叫了一道蝦醬肉碎炒飯，味道真的很好值得推介，上湯餃子也很好吃，一問原來是店家每日新鮮包的真的很有誠意，值得俾一個贊，金沙鮮尤和金沙雞翼 一級捧一定要試試，今餐食得很開心很滿足，估唔到埋單前仲有糖水見費贈送，正，價錢亦很公道

今日同朋友難得一聚就決定去附近餐廳坐耐啲食下一嘢～😋😋😋 第一次嚟呢間明悅軒..雖然係小餐廳但感覺到每道菜式好有心思咁整，味道很好，值得一試 今晚試咗清蒸蒜蓉粉絲貴妃蚌、口水雞、西芹炒斑球、雞蛋焗魚腸口水雞呢碟口水雞完全為鍾意食辣嘅朋友而設，面頭嘅配料完全帶出麻辣嗰種風味因爲我同其他朋友都好鍾意食辣，呢碟滿足到我地要求啦！哈哈全隻雞上，值得一試3個人食嘅份量另外呢碟西芹炒斑球，師傅炒得夠鑊氣，一邊食一邊同朋友傾好耐都唔會好快凍晒最後雞蛋焗魚腸較苦，可能自己對魚腸未有太大與趣，所以覺得普通

同朋友經過就入黎試下，就發現呢間好野😋😋😋可能佢係做街坊生意，唔係好多人，坐得好舒服，坐位夠大！最緊要佢夠大碟，啲野又好食佢個湯係老火湯，唔係出面啲味精湯，呢點十分加分！佢個口水雞真係好好味同朋友叫左半隻，黎到好大碟，好好味！食辣嘅朋友仔一定好鍾意啦！跟住每日有唔同的海鮮特價，今日就係貴妃蚌可以一隻隻咁叫，食多食少可以自己揀👍🏻👍🏻👍🏻海鮮好新鮮，又加分！食食下先知間店原來新開張，質素咁好，一定要支持下呢啲街坊小店！

因為屋企人生日，咁岩同屋企人黎大圍呢頭搵食，經過呢間餐廳見佢有個牌放左出黎話今日有幾款特價既海鮮，就決定試下啦，反正牛我地本身都係想食中餐，佢今日做個薑蔥肉蟹煲同青斑都係$98咋，真心好抵，蟹肉鮮美煮得又好食，另外我地仲叫左幾個小菜質素都唔錯，舖頭入面氣氛唔錯，7點幾去到已經有幾枱客，環境都ok。另外都想讚下佢地d住家湯都幾好飲，一坐低已經每人比一碗湯，好有誠意的小店，食完每人仲有糖水送，服務態度好好！