旺記燒味茶餐廳 (已結業)

今日午餐唔知食乜好，亂撞入旺記，呀姐介紹燒鵝飯，望一望個餐牌，數字擺位令我錯覺以為$50，原來係$75（呢個係我睇錯嘅，不過唔知有無人同我一樣咁瀬嘢呢？🤣）碟飯嚟到，嘩！俾隻鵝脾我咁正？我撩咗幾下，見到啲鵝一啲都唔似係鵝，成隻脾一啲肥都無，肉又柴又凍，伏到無朋友😠

【灣仔區】【旺記燒味茶餐廳】啱啱上一篇又走咗去寫岩盤牛扒，某啲人未必明白點解要用三舊幾水買兩個牛扒餐而唔係食碟女僕蛋包飯再買啲相以取悅女僕。始終佢哋成日出入高級食府，唔會明白我呢啲市井 foodie 做乜，等我又講啲茶餐廳嚟高興吓。今次講呢間嘢個背景都有啲攪笑，話說我同家慈去完維多利亞公園參觀「香港花卉展覽 2023」，佢就直接返屋企，我就等開工。咁等開工呢啲咁艱苦嘅時間，當然要趁機食吓嘢，又可以有多一個餐廳素材，應付吓啲稿。去到春園街附近，未諗到食乜，其實都心郁郁想入去金鳳叼碗我至愛嘅花生糊。不過我記得自己確實係打晒成手告急牌嘅無稿人士，為咗每日都可以打文畀我心愛嘅讀者，同埋女同事，我點都要磨鉛策蹇，努力寫啲嘢出嚟。喺附近見到呢間旺記，做燒味嘅，喺呢條街又有新景園又有金鳳，壓力一定大，睇吓佢咩料都好。用 $81 叫咗碗「燒鵝燒腩仔瀨粉」，由於係燒鵝雙拼所以咁貴。不過燒味師傅畀咗隻燒鵝髀我，嫩滑多汁，真係幾好食架喎。另外，個燒腩仔都好好食，啲豬味勁香，熱辣辣，只係略嫌佢調味重手咗少少，我個人覺得有少少鹹。碗瀨粉同啲醬汁就正正常常冇乜特別，而嘢飲我加 $8 飲杯「凍檸茶走甜」，正常茶餐廳

時間大約係6點鐘，正值打工仔準備收工，但食晚餐又有點早嘅時份，諗唔到食乜嘅我，來到了旺記燒味包咗個場。唔係真係包場，只係剛好得我光顧，鑊得全店招呼我嘅貼心招待。下午茶只去到5點半，6點正值尷尬時份。叫咗一碟燒腩仔油雞雙拼$60，加鹹蛋一隻$6，加凍飲$7，總共$73蚊。擺盤整齊賣相靚仔確實有啲意外，比我想像中要好。腩仔皮脆而有好香嘅燒烤味，雞就少肉咗啲，但肉都嫩滑嘅可以接受。鹹蛋唔會話太鹹，搭咗兩條菜感覺上健康啲。

諗唔到晚飯食咩好，又唔想煮，最好都係斬料😅經過見到旺記有外賣孖寶（叉燒、燒肉、貴妃雞、燒鴨）任揀兩款，見啲叉燒幾靚，揀了一份孖寶，要了叉燒半斤拼貴妃雞半隻。叉燒要了半肥瘦，有燶邊，好食👍貴妃雞幾大隻，唔多肥膏，正正常常😀孖寶$140

旺記燒味茶餐廳, 灣仔🐖平時係灣仔如果諗唔到食咩，而又好肚餓既話，我一定會黎呢間食碗燒味飯。個人比較鐘意食叉燒，而佢地既叉燒相當不錯。價錢方便，以灣仔呢個地段都真係算好抵食😋！如果一定要挑剔既話呢，就只可以話地方唔算特別乾淨或者適合你慢慢坐底食。佢實屬係一間普通茶餐廳，滕在快靚正👌🏽灣仔除左呢間當然仲有好出名既再興比你選擇。兩間都試過既話，你地又覺得邊個好食D呢？.單拼飯 $40雙拼飯 $45.📍#灣仔 #春園街 14號地舖 #HappiMuffinHongKong 🌟#HappiMuffin Rating: 8/10💰Price: $50-60 pp

疫情下買外賣，雙拼燒味飯45蚊，每盒飯都各有一大碗湯送(真材實料即日煲既湯)，個日係豬骨粟米湯，真係好抵食買左兩個飯，叉雞飯有雞髀，叉鴨飯又有鴨髀，d肉擺滿晒個飯盒，就快多到跌出黎，我係肥仔都食到好飽雖然d叉燒有d燒得太燶，但每舊都係七成瘦三成肥，亦有少少蜜糖甜味d飯都可以再硬身d，不過我本身偏好都幾硬既飯服務態度亦都幾好，外賣袋擺到好穩陣，再提你點樣揸先唔會漏以外賣燒味飯黎講絕對可以encore

失望！今天路过看到门口挂了一只烧鹅，看起来很好吃就买了半只回家，打开发现有一半都是过夜的烧鹅或者烧鸭？？！200多块只有腿是新鲜的！一半以上的肉都是硬的，不能吃皮是黑的！

灣仔食午飯, 一向又多人, 又貴, 又唔抵食。 賣燒臘嘅舖頭其實都幾多, 但係間間都好貴(相比其他區)。今日突然心血來潮, 好想食叉燒、燻蹄, 嚟都呢一間小店, 睇落似老字號, 價錢都ok。坐低都冇睇餐牌, 就叫咗 <叉燒燻蹄雙拼飯> 及一杯 <熱奶茶>。<叉燒燻蹄雙拼飯> 份量尚算ok, 剛剛夠我食飽。叉燒切得細咗啲, 滿足唔到咬口。但味道都ok, 好味。燻蹄都唔錯, 唔會太乾身, 皮肉適中, 爽口, 夠適度的白鹵水味, 加上燻蹄嘅醋汁, 好味。飯就略為硬身咗啲, 唔啱我胃口。師傅落得比較少豉油給我, 但啲飯都有吸收咗啲叉燒味, 夠我食, 我食得比較味啖, 所以冇乜所謂。<熱奶茶> 茶味淡咗少少, 加上冷氣大, 杯奶茶凍得好快。地方淺窄咗少少。 服務唔錯, 街坊風味濃厚。 另外呢度2:30pm後有$35起嘅下午茶餐, 都有好幾樣選擇, 好抵食。

屢次行過，見他的燒味好像很好吃，今日下午茶時間，終於決定一試，叫了乳豬米連鴛鴦少奶，不消十分鐘，食物來了。鴛鴦沒什麼味道，好在夠熱。米粉爽滑，口感很好，湯很清，幸好沒太多味精，到主角乳豬，份量不多，皮薄而脆，但每件都帶肥肉，沒什麼廋肉，吃落很可口，但非常罪惡。因是下午茶時段，埋單55個大洋，不算平。

昨天下午17:00，我諗住食下午茶，就試一試這間X店，坐下我問店員有冇下午茶，他冇回應，還跟我說燒鵝好靚，便試一試，燒鵝瀨，點知賴嘢，餐具污糟，問他有沒有紙巾，他跟我說要＄3，最後埋單$73，燒鵝乾瘦預柴， 瀨粉質感差，湯底無味，之後買單問一問令一店員，有冇下午茶，他說有，感覺非常失望，希望唔好有其他朋友賴嘢

今日返工食晏，見周圍都要排隊，所以就去左乍看無咁多人嘅旺記食燒味。之前食過旺記，一向覺得佢嘅叉燒幾好味。今日都係全場full, 我地等多陣，有位姐姐就叫我地入員工休息室食。本身入到去，見到啲一桶桶未洗嘅碗碟，都覺得衛生環境有點兒唔好，不過無辦法午膳得一小時，又排左少少時間，所以唯有坐低快快脆食。一坐低，周圍嘅蚊滋就開始黎喇想轉枱又無得轉(因為full左), 唯有硬著頭皮食埋落去啦。再講食物質素，其實叉燒係唔錯，我叫左半肥瘦嘅叉燒同燒鴨，叉燒多汁，只係粉嘅湯少左啲。所以大家就算好想食，不妨等多陣，坐返餐廳入面會比較享受到。

食燒味飯就好似抽緊獎咁，如果係雞，咁岩抽到雞比/背位，就發達，如果係乂燒，抽到乾爭爭黑媽媽既邊位，就全碟唔洗食。旺記我食過好幾次，乂燒每一次都係又林又多汁多熱！份量都好多！另外佢有得簡瀨粉

With so many other Chinese BBQ options within steps away, there really is not reason to come here. I ordered a soya chicken rice and the chicken was all skin and fat. It didn’t come with any vegetables or soup like the other restaurants usually do. Definitely won’t come back.

係灣仔返工，有時趕時間就要去食個快飯，燒味飯就最適合！春園街有好多茶餐廳，今日同同事黎食午餐，咁啱唔洗等就有位，快靚正！我叫左個雙拼叉燒同燒肉，同事叫左燒鵝脾同油雞(脾要加錢)，嘢飲&例湯要另外加錢。每樣燒味都好正咁，我本身鍾意食瘦啲嘅所以呢度嘅叉燒同燒肉啱晒我，瘦得黎唔會好乾，個邊邊仲脆嘅👍🏻👍🏻同事嘅油雞夠晒嫩滑，唯獨係個燒鵝脾肥左啲，啱鍾意食肥膏嘅人😋😋🍗🍖🍚下次黎會想試吓燒乳豬🐷，應該會又脆又嫩，佢地都有推薦不過今次無揀😆

下午2:30到春園街午餐，見到呢個餐廳人少少走了入去。殊不知就這樣中伏了。我點了個E餐，係$29的下午茶餐。無期望好多肉但請看圖，係有5粒微肉，兩片係皮咋！成碗係粉＋雪菜。需要賣$29？我一見到就同個侍應說：唔對路喎！人哋叫其他$29蚊嘅都正常有幾塊肉同一碟飯丫。佢話係咁嫁啦⋯⋯之後我埋單向收銀疑似老闆娘投訴，佢又話呢喥十幾萬一個月租，你唔滿意可以去消委會投訴。真係O曬咀，現在啲鋪頭自己無能力去競爭不突止，仲覺得有人投訴都好閒⋯⋯一定無下次！🤬🤬🤬。 個一粒星係個系統自動俾，唔click去唔到next!!!