旺記冰室 (九龍中心大廈)

營業中

休息中

聖誕假日的下午想吃下午茶，想起到亞士厘道一家茶餐廳經常有顧客排隊，反正有時間便去一趟。餐廳15:00-18:00提供下午茶餐，看到餐牌上多款美食都頗特別，點了炸南乳雞脾餐。這裡配餐可選炸薯條或炸薯餅。由於大部分餐廳都配薯條，所以我選了炸薯餅。等了大概15分鐘，炸雞脾餐來了！雞腿炸得金黃，值得一讚的是下午茶餐都有配沙律菜，感覺健康。店員提供了兩包亨氏茄汁，所以趁熱先吃了一口薯餅，有點油膻味，味道一般。再吃一下雞脾鬆脆，雞肉多汁嫰滑，南乳稍欠入味，但味道不錯。熱奶茶選用黑白淡奶，入口順滑卻差一點奶茶獨特的澀味，不過整體來說還是不錯的。看到輪桌的顧客吃滑蛋飯吃得津津有味，看看下次我要再來一試。下午茶得選擇眾多且特別 ，份量也不少假日下午都有不少顧客光顧人頭湧湧。間中還要排隊入座，如果想一試的看來還是要預好時間。

嗰日行過尖沙咀發現呢一間冰室咁多人排隊就試吓排下睇下係咪真係咁好食之前已經聽講過呢度嘅滑蛋叉燒飯好正但係今次我就冇嗌到。反而我就係呢個午餐時間嗌咗一個鮮薑汁豬膶鮮雞湯通粉配沙律個沙律啲菜都算幾新鮮但係個滑蛋真係冇得彈好滑好香蛋味令人想一食再食。個通粉嘅湯底都算唔錯要讚嘅係佢嘅豬潤切得好厚身，一啲都唔鞋。整體係幾好食，下次就要試埋佢個叉燒飯先得。

今日我同朋友一齊出尖沙咀買聖誕禮物，之後到食午飯我哋就上網搵吓有咩食啦，咁岩又比我搵到呢間食叉蛋飯嘅鋪頭＂旺記冰室＂，叉蛋飯係我嘅至愛，所以我就會去不同鋪頭試吓唔同嘅叉蛋飯睇吓邊間最好。旺記冰室喺尖沙咀九龍公園附近位置好方便好容易搵一去到就見到好多人排隊呀，通常我都會去試一啲多人排隊嘅鋪頭因為會比較有保證，證明係好食嘅先多人排隊。我哋大約排左10分鐘到就可以入到去坐啦，由於個餐牌嘅圖片好吸引啦咁我就試叉蛋飯之外仲要埋蝦蛋，黎個雙拼飯😋！個飯嚟到好吸引，好香，色香味俱全，食落去啲啲蛋好滑，然之後啲豉油係甜甜地嘅，幾好味，而且啲飯仲好爽口唔會好林，飯同埋蛋嘅份量啱啱好可以一啖飯配埋一口蛋，非常滿足。至於杯凍檸茶檸檬嘅份量足夠而且啊我叫少甜，唔會太甜，容易入口，另外而且佢有少許位置比我地放喼，如果旅客一來到未去酒店放低行李嘅都可以拉喼去嗰度食，不過只係有少量位置擺放。

因為本人是個蛋控餐餐都食蛋都無問題的朋友介紹呢間旺記冰室係必試之選假日即刻同個朋友子黎試下先得係地鐵站A出口附近都好容易去黎到人流唔係好多 好多就有位了我今次目標係叉燒滑蛋飯點知原來係Lunch先有架無得食有d失落最後我簡左滑蛋蝦仁飯我同朋友兩個都簡呢碟因為呢碟好似最正哈哈同埋見隔離台都係每人一碟咁咁我地都一人一碟啦 唔駛爭期待已久終於上台個蛋真係好滑 同埋蝦仁好新鮮啊蝦仁食落爽口的 加分下次想中午黎試試個叉燒滑蛋飯應該都好正

呢間真係Book Mark 咗好耐，終於有時間嚟食啦，中午時間都唔需要等太耐，好好彩，梗係要試佢出名嗰個自家製叉燒日本滑蛋飯 $54真係滑一滑嘅蛋蛋，撈飯完全一流，配埋佢個自家製甜醬油無得頂啦，個叉燒完全可以企埋一邊，綠葉搶哂分

最近香港開始湧現冰室熱潮，差唔多每隔一兩條街就出現一間，而真正好食既真係少之又少。今日咁岩跟男友經過尖沙咀，見到街尾一間餐廳擠滿人潮，於是係好奇心驅使下決定一試等左約半小時，終於入座了！打開餐單，見到款款美食都好想試，最後決定試試馳名嘅自家製叉燒滑蛋飯($54)同蝦仁滑蛋飯($56)不消五分鐘，熱辣辣既滑蛋飯就送到了！叉燒既份量非常多，大大舊，不太肥亦不太瘦，十分適合大眾口味至於蝦仁亦十分爽口，但我最愛都係佢既滑蛋，餐廳標明了使用日本雞蛋製造，果然特別香滑呢！最後不得不提就當然係佢既甜豉油，再配合滑蛋蛋汁，整件事配合得天衣無縫總括來說，呢間餐廳既滑蛋飯非常好食，用料高質認真，價錢合理。假若餐廳開係我公司附近，相信係我每日必去既飯堂

位於尖沙咀的旺記冰室，是一間超有人氣的茶餐廳。我很喜歡去茶餐廳，可惜長大後很難找到喜歡吃茶記的食伴，我又不太習慣獨自吃飯，所以一年只會光顧兩三次。旺記冰室，已在我的MUST EAT LIST中有一段好長的時間了，今晩終於找到人陪我去啦。滑牛肉蝦仁日本滑蛋雙拼飯$58主角只需五分鐘已熱辣辣送上，合乎茶記的光速風格。滑蛋飯賣相吸引，採用日本雞蛋，炒至八成熟，保留蛋汁，質感滑嫩嫩濕潤，不過蛋味不算濃郁，幸好蛋中有加入香蔥，令味道不至單調味淡。滑牛肉頗大片，蝦仁爽囗彈牙，若沒有蝦腸就更好啦。白飯扁身鬆散，早已淋上甜醬油，調味後更加好啦。基乎全間餐廳的九成客人勻點滑蛋飯，平均在十多分鐘內吃完，忽然覺得，香港人真辛苦呀。收銀服務員的服務有待改善呀。

Food came out fast and tasted very good. An hour later and I was throwing up and non stop in the bathroom. I had not eaten anything else before or afterwards so I’m confident that it was their food that made me sick. My dining companion also felt sick but not as severe as myself. This place is too busy and they’re under cooking the food. Will never eat here again.

黎到排長龍港式冰室(旺記冰室) ，短時內開左好多間，尖沙咀呢間叫做新新地，不過佢間間都好爆場。依家新開既冰室，其實只能當新派茶記，同傳統既冰室有明顯分別。改個名叫冰室，打下懷舊牌，吸引人注意，價錢又可以賣貴少少，都可以話係近年既潮流。一段時間之後，就會一街都係冰室，到時間返間叫做乜乜茶餐廳，生意一定好到爆。自家製叉燒日本滑蛋飯(午餐)+ 凍檸茶$54, 鮮薑汁豬潤鮮雞湯通粉(午餐)+ 凍奶茶$46,炸南乳雞脾餐(下午茶)$34呢度招牌菜係叉燒滑蛋飯，呢碟野，九成茶餐廳都有做。但整得好食既，五隻手指數得曬。先講下個白飯，唔錯喎！粒粒分明，軟硬適中。飯量就比正常略少，我就岩岩夠。有需要可以叫多飯或者少飯，係免費既。炒滑蛋，用日本蛋加牛奶，功夫唔錯，真係炒得幾滑。生熟程度岩岩好，好怕有D餐廳怕炒老隻蛋，好生就上碟，成碟都係蛋漿，好似未炒起咁。呢度就無呢個問題。叉燒竟然係自家製，好多出名叉燒滑蛋飯既茶餐廳既叉燒都係出面買既。有D仲話明係某店出既叉燒。旺記既叉燒，肥瘦適中又夠淋。最後講埋個汁，用日本豉油做底，加左D蔬菜湯落去，無一般茶記既甜豉油咁濃味同咸。有D甘甜既感覺，幾好味既！跟餐有野飲，凍

同朋友行行下尖沙咀 佢話餓 又唔想食太貴 就帶左佢黎呢到食我嗌左個番茄湯滑蛋牛出前一丁滑蛋一如往常咁好食 落落湯麵都唔會散哂牛肉多又彈牙出前一丁無咩好講 三樣普通既野加埋係好味不過佢個湯唔算濃 同番茄味唔夠重

之前已經食過旺記但喺尖沙咀呢間就第一次，可能呢到遊客比較多，所以都喺門口等咗一陣先行入得。本來想食返上次嘅叉燒滑蛋飯，但估唔到原來夜晚無呢個餐，本來好失望啊，但見到menu有個類似嘅，只好點了滑蛋牛肉飯，結果都好好食！可以先到餐廳起碼用咗三隻蛋嘅份量，炒到好滑，仲有牛肉同蝦仁！牛肉好滑，蝦仁好爽！仲有啲鼓油汁撈飯！係港式味道啊～本來食得唔多嘅我都不自覺食哂成碟飯！結果食到一餐好驚喜嘅茶餐廳！只係$58! 抵哂！

有外國朋友黎到香港點可以唔食local food呢😆記得之前一直想試灣仔店, 但午餐時間永遠都好多人😿是晚約了朋友於尖沙嘴的旺記冰室食飯, 終於試到喇!!冰室內幾光猛, 目測可以坐30-40人左右, 我同兩位朋友大概7:15到, 嗰時冰室入面唔太多人, 我地被安排坐卡位位置, 直到接近7點嘅尾聲先見外面有人開始排隊。我地三個都肚餓, 毫不猶豫就叫左三個滑蛋牛肉飯, 飲品方面外國朋友仲嘗試用佢學左無幾耐嘅廣東話幫我地叫嘢飲: 凍奶茶、忌廉咖啡&鴛鴦☕️飯嘅蛋炒得非常滑, 半生熟, 仲可以見到蛋漿流出黎, 牛肉唔老, 加埋個秘製豉油正, 可以一隻勺食晒成碗飯👍🏻可惜叉燒滑蛋飯6點前先有, 下次會再試試🍴😋

隨便走入一間茶記食飯，想不到反而有驚喜！裡面是一貫的冰室茶餐廳格局，但位置就相對鬆動得多，雖然人多，但坐著也不覺迫挾～滑牛肉蝦仁 雙拼滑蛋飯 $58由店外未入來已想好了要吃這個飯，招牌我碟頭飯，雙拼牛肉+蝦仁是豐盛版本，平日吃多數只有單拼其中一款。滑蛋用了日本蛋去炒，滑蛋的熟度和滑溜度可說是完美，吃下去是一絲絲的質感混和著純正的蛋味，媲美不少老字號的滑蛋！滑牛也是相當出色！薄切的牛肉十分嫩滑，完全沒有肉絲一般的滑，本來想叫叉燒的，但吃了牛肉後反而覺得幸好叫錯了，錯有錯著！跟餐+$4叫了鮮薑汁奶茶，平日已經幾乎每天都喝奶茶，難得見到有特別的薑汁奶茶，當然要試試～第一口飲會明顯地嘗到薑汁味，像帶點辛辣的奶茶味，不錯的配搭，但喝到後段，可能是因為冰都開始融了，薑味就相對淡了許多，喜歡這種味道的話要把握時間喝！想不到一間看似平凡的冰室都有好吃的滑蛋飯，加上價錢非常公道，店內還有豬潤麵、常餐都是推薦之列，下次再來就要試試粉麵類！

雞蛋控又出動❤️今次來咗出名食滑蛋叉燒飯嘅旺記冰室夜晚嚟到都幾多人 不過排隊等咗陣好快就入得 客人流量都幾快佢夜晚冇叉燒供應 所以就叫咗個滑蛋牛肉飯 配咗個薑汁凍奶茶滑蛋牛肉飯真心好味 滑蛋炒得有水準唔太老 食到唔少蛋汁👍🏼 炒蛋份量多 佢嘅秘製鼓油都好出色 味道甜甜地 配埋炒蛋同飯一流 而牛肉都煮得幾軟熟 唔會好韌薑汁奶茶幾特別 薑味幾濃突出 冇諗過配上奶茶味道都幾不錯 不過都幾睇個人口味 因為我朋友飲落覺得幾辣 怕味道太濃烈嘅朋友要先考慮再叫整過上 58晚餐食到有水準嘅滑蛋牛肉飯係幾值 不過位置有點難搵到 建議大家開住地圖嘅app搵

友人說叉燒好食，但可惜叉燒個日啱啱好賣曬，就叫左個番茄午餐肉顆通粉，炒蛋加奶油豬。番茄湯底係鹹淡適中，而且午餐肉顆好足，一口食係啖啖肉個種，然後係煎到脆脆的口感，加爽口通粉，番茄清爽加肉感真係好jeng。炒蛋係濕潤，好好食，鍾意佢個奶油豬仔包，正正常常熱同脆口。下次一定會返黎食嘅叉燒飯。