旺角海鮮菜館

營業中

休息中

約了幾個朋友食飯，朋友S之前試過這間的避風塘海鮮，說味道不錯，帶我們來試下。避風塘炒大蜆多收蜆肉都無沙，蜆肉很大隻，肉質鮮甜，避風塘炒感覺似落了辣椒醬，比較濕，不算太辣。避風塘炒辣蟹唔係個個食蟹所以叫了一隻，所以份量不多，食得辣的我認為辣味不夠，但蟹肉味鮮肉實。杏汁燉豬肺湯杏汁味香濃，但豬肺有陣SO味，湯內有娃娃菜，煲得非常甜而且無油。旺角風沙雞雞肉嫩滑，雞皮香脆，油份不多，雖然不是新鮮雞，但吃不出有雪味，加上炸蒜味，味道不錯。松露野菌炆伊麵係時候食返D飽肚野，店員介紹食伊麵，我見隔離枱都好多人叫，所以試試，松露味香，還有很多菇，但伊麵有些腍，整體味道不錯。綠豆沙一上枱已經聞到好香的臭草味，綠豆沙煲得很綿，不會太甜。

今晚跟屋企人訂了枱吃飯，約七點到達，店內已經坐滿了大半。店舖地方不太，能容納約十枱客人，所以最好先訂位，免得白去一場。旺角滋味六小碟有海蜤、魷魚、粉腸、豬肚、豬脷、韮菜花。海蜤有很香的麻油味，非常爽口；韮菜花爽脆無渣。魷魚非常爽脆；豬脷原汁原味，但有少許豬的臊味。粉腸無食到，但家人形容好腍；豬肚有少許苦味，質感爽口。杏汁燉豬肺湯我的至愛，飲到少許杏汁味，但湯帶黃油在面，豬肺很淋但帶有豬臊味，煲得非常鮮甜，飲左兩碗。新鮮菠蘿咕嚕肉咕嚕肉炸得香脆，外面的粉醬不多，裏面全面肉排，非常腍，菠蘿酸酸甜甜，加上紅黃椒洋蔥等配料，配飯一流。黑椒炒波士頓龍蝦個人不喜波士頓龍蝦，嫌牠味淡加上肉少，只有兩隻鉗，身短肉少，食都嫌浪費時間，奈何外出多數都是這個款式，今次這個龍蝦用黑胡椒炒製，做法非常新鮮，有別傳統的上湯及芝士做法，味道非常香口，加上胡椒辣味，跟龍蝦非常夾，可惜都是肉太少。松露野菌炆伊麵有很濃郁的松露香味，加上雞比菇，秀珍菇等雜菇，菌味十足，而伊麵爽口，不會太油膩。綠豆沙甜度適中，加上很香的臭草味，綠豆煲到開花，有綠豆咬同時又腍，非常完滿的一餐。

今晚屋企唔煮飯，就出去旺角食晚飯，屋企人中意食海鮮，就去左呢間有海鮮既菜館食啦門口放置左一個大水缸，好多好生猛既海鮮，好似好正咁枱面上已經放左一碟合桃係到，仲有d芝麻係上面，食落特別香口杏汁炖豬肺湯:個湯好濃郁，豬肺好爽口，而且處理得好乾淨企理，仲有娃娃菜增加左湯既甜味，好飲黑胡椒波士頓龍蝦，龍蝦啖啖肉，食落好爽口，吸哂d汁好濃味，黑胡椒味好出，成個龍蝦好惹味避風塘炒蟹：隻蟹好大隻，好多肉，而且新鮮彈牙，啲蒜炒得好香，都幾辣下，配埋鮮甜嘅蟹肉好夾風沙雞：隻雞皮脆肉滑，食落唔會好油膩，配埋炸蒜，增加左成隻雞嘅口感，送飯一流咕嚕肉：外皮炸得好香脆，裏面嘅肉質好林，酸酸甜甜好開胃白松露油野菌炒伊面:未食已經聞到好香，伊麵炒得好煙韌，唔會覺得油膩，而且好香白松露味，惹菌炒得爽口，同伊麵好夾最後仲有飯後甜品綠豆沙，好足料，好多材料係個碗入面，甜度啱啱好，唔會覺得漏。

今日同朋友聚餐，簡左呢間新開既海鮮菜館😎好肚餓呀，一黎食下呢個甜甜地幾香口既芝麻核桃先～呢個小食既擺盤都好有日式既感覺😆有韭菜心同好爽口既海蜇頭👍🏻未食過呢種size既海蜇😂整碗杏汁豬肺湯先😆個湯係奶黃色嫁！有娃娃菜既甜同豬肺既鮮味，個湯好濃郁好香甜呀👍🏻豬肺幾爽口唔會有味～呢個龍蝦既味食落有啲似新加坡黑胡椒炒蟹個隻味👍🏻黑胡椒好惹味，唔會過咸，龍蝦肉肥美啲會更好～有得食避風塘炒蟹好興奮呀！啲蒜粒偏粗身，炒得好香口，我食左隻蟹鉗勁大舊肉！肉質彈牙仲要超鮮甜😋😋😋呢個風沙雞都好有驚喜！個層皮薄薄地炸得好香口，完全唔會油膩👍🏻雞肉厚實唔韌，配埋炸蒜粒好夾！食埋最愛既伊面就夠哂飽啦！呢個係白松露野菌伊面😍一上枱已經聞到好香濃松露味，雖然食落無聞咁濃味，但淡淡地都唔錯，中和番頭先啲餸菜既濃味👍🏻啲菇菌都好新鮮爽口～下次帶屋企人黎食都唔錯喎🤗

朋友是海鮮痴，慶生不能不吃他的摰愛吧？一心想他今次慶生大概也是到吃海鮮的熱點，倒如鯉魚門等等⋯但今次卻相約在旺角鬧市中心？追問下，佢說原來一直等待店內裝潢完成。小妹實在見識淺薄，十分期待是次的生日宴😍是次主角就是「旺角海鮮菜館」！門面裝飾得大氣，而看到門口的魚缸內有多款生猛海鮮，有波龍（波士頓龍蝦）、肉蟹、沙巴仔等等。見到魚缸雖小但五臟俱全，不同種類的海鮮都有，恰似一個小小的水族館😍環境清幽，店內雖小但其實內裏九曲十三彎，正好可以分隔好每一枱，令每桌的食客有一隱蔽的私人空間。難怪當晚見到有很多名人光顧，有影視紅星、著名的國際運動員等。首先出場當然係蟹！肉質爽嫩鮮甜，蟹身多肉，咬下滿足感十足！蟹吃得出是生炒，並不是坊間的拖水後再炒！吃得出蟹肉富彈性，細味下有避風塘的風味。蒜子炒得乾身，吃下去除了蒜香還有刺激味蕾的辣！辣得不嗆喉卻過癮，令人一口接一口，有朋友更點了一個白飯撈來吃😂部長上菜時要我們留意蒜內的「一條蔥」，該條蔥是這菜餚的靈魂，我們當然要一試，吃下去蔥算嫩但又有著辣蒜香，一眨眼，又被吃清光🙈看餐牌見是一斑兩味，心想又是平日常見的出場樣貌。但一端上桌，全枱人「嘩」！一條魚分兩邊，一

朋友一向喜歡高檔美食，怎料今次竟約我到旺角吃晚餐。我實在感到有點疑惑，沒想到果然非常驚喜。朋友約我晚上7：00來到旺角海鮮菜館，這家餐廳的位置，不太難找，在新世紀附近。從旺角港鐵站出來，上天橋，向新世紀出口走去，在洗衣街落橋，便easy找到。來到旺角海鮮菜館，單看門面已感受到隱隱約約的傳統老香港感覺，走進餐廳，這感覺更是濃厚，裝潢以沉木色為主，柔和的黃燈，透著碧透著碧綠雅緻的琉璃裝飾，格外典雅。於旺角鬧市中，竟存在著如此這般的高格調中菜，實在難得。避風塘炒辣蟹店員向我們推介這款辣蟹，蒜蓉、辣椒、香葱炒至金黃，單單是嗅到香味已經令人口水直流。配料的味道浸入蟹肉中，但又沒有掩蓋蟹肉的鮮甜，不論口感還是味道，層次也是豐富的。不得不提是蟹蓋部分，蟹膏經油浸，甘香濃郁，一試難忘。店員不忘還向我們介紹，配料中的葱段，也是異常甘香，一咬下，葱香溢滿口腔，令人驚艷。傳統花膠杏汁燉豬肺湯避風塘炒辣蟹實在太刺激，我們便點了一個傳統花膠杏汁燉豬肺湯，平衡一下。豬肺難處理人盡皆知，難得此店竟不怕麻煩，誠意可嘉。豬肺湯非常清甜，滿有杏香，豬肺乾淨爽口，我們一碗接一碗，大讚！ 鴛鴦大沙巴龍躉(清蒸及油浸)這款菜式

難得約齊一班人，想食好野，今次嘅目標係海鮮，但又想交通方便。旺角海鮮菜館，一個平凡嘅店名，但有鮮明嘅主題，滿足晒我哋既目標。近門口位置放滿魚缸，有唔同生猛游水海鮮供選擇。首先上既係前菜-滋味六小福，有魷魚、海蜇頭、豬潤、豬肚、九菜花、粉腸，每一樣都各有特色，做得唔錯避風塘炒辣蟹，必食呀！做得到入味既效果，而配料十分香脆，辣味適中。蟹本身肉質結實，鮮甜，又夠大隻。上菜時，經理介紹記得食埋d葱，真係無介紹錯，另一精華所在！花膠杏汁燉豬肺湯，十分之清甜，在坐每位都讚個不絕。估唔到海鮮店竟然有咁出色既湯水！黑胡椒焗波士頓龍蝦，職員介紹點菜時，已經道出黑胡椒白椒系列係店裏招牌，我地點可以唔揀～唯一係揀白胡椒好定黑胡椒好。最後我地揀左黑胡椒。職員亦見我地已點蟹，介紹我地選擇龍蝦。味道方便，每舊龍蝦都有黑椒汁包住，每啖都十分濃郁，連殼都損埋，肉質亦好結實鴛鴦大沙巴龍𧄌，食海鮮點少得魚，做法係半邊油浸，半邊蒸。比起平時一魚兩味既炒球+蒸頭腩，有另一種新鮮感，賣相亦好靚。白松露西施炒蝦球，滑溜既蛋白配上白松露，每啖都透出濃濃既松露香氣，上面再有大蝦球作點綴，很好既配搭今餐大家都食得好滿足，以後食海鮮又多

暑假來了！其中一個最重要的環節當然是跟同事到處吃吃吃啦！這個晚上我們就來到了旺角洗衣街的旺角海鮮菜館，吃一頓海鮮餐！ 食肆在新世紀廣場附近，頗方便的，它的門口不算大，但進去後感覺非常不錯！雖然地方不大，但裝修明顯有花心思，光線充足，但餐館的色調又給人舒適的感覺，不錯！ 我們點了很多菜，先來頭盤是滋味六小福！別看它們好像小小一碟，份量也挺多的！這張照片是豬肚、韮菜和粉腸。豬肚很爽脆，配上鮮味的醬汁，我吃了好幾件！而韮菜則很鮮嫩，味道不濃烈，很清新。粉腸其實我是不太好的，不過朋友點了，我也試一件，感覺不錯呀！爽口之餘，中間又有一些粉嫩的口感，不會令人抗拒。 而這三小碟則是豬脷、海蜇頭和魷魚。海蜇頭是平常較少機會嘗試的，感覺比普通海蜇更爽口。而魷魚也很鮮味，配上醬汁又是不俗。我最喜愛的一碟就是豬脷啦，清清淡淡的，但又不失應有的肉味；口感亦佳，不薄不厚的一片，我也吃了好幾片呢！ 接下來的避風塘炒辣蟹實在是此頓飯的重點哦！份量非常多您也可以看到，重要的是超惹味，蒜香和辛辣味與蟹配合得天衣無縫！就連蟹殼我也想舔乾淨！那些超多的蒜也是很好吃哦！用來拌飯實在是最好不過，不過要小

又到朋友聚會的大日子,朋友話今次要食餐似樣海鮮大餐🦐🦀🐟。我們一行十人到新裝修旺角海鮮菜館開餐。餐廳前面有個大魚缸，海鮮應有盡有，海鮮生猛。我見到他們菜牌以避風塘及黑胡椒做招牌，一定至少叫一碟來品賞。👅等到我最期待避風塘炒（$488|per one crab),因為人多我們叫了二隻，肉質彈牙，多汁靚蟹以炒香蒜蓉蔥條來炒蟹，蟹少辣夠曬嘢味就不用説，香蒜同蔥條吸收蟹汁非常鮮甜。我相信自己廚藝有幾叻在家一定做不到這道菜。因為不想浪費炒香蒜蓉同蔥條，我們再點了海鮮炒飯再加上避風塘炒蟹香蒜同蔥條真的一流享受。想要靚靚一定要飲有益養顏湯水。用花膠雞湯及小許杏汁燉湯用湯底再配合豬肺，健脾養顏之選。我連湯渣都食曬。非常甜美飲完二碗都不覺口渴，非常足料湯水。係出面餐廳一定會食過沙巴龍躉，但以鴛鴦整法將魚切雙飛一邊做油炸一面做清蒸非常有特色。尤如一隻雕塑真心不捨得食它呀！清蒸那邊非常滑魚油又香，油炸那边香口甘香。二邊不同味道及感覺可以一次過滿足曬。不能不提他們除了煮海鮮出色，連炸子雞都冇得彈。皮博博脆帶少少油脂，雞味濃及嫩滑入味。非常突顯餐廳老師傅的精進廚藝。最後以一碗不太甜陳皮紅豆沙做總結為今晚盛宴畫上

放假約朋友一聚，友人提議食避風塘炒蟹，以為要到港島區食，殊不知友人告知旺角有間海鮮菜館都有避風塘炒蟹食。我們見近近地，便一致贊成去旺角食。這間菜館近新世紀廣場，交通很方便。雖然這間菜館看似地方很小，但每枱都可自成一角，不會有嘈吵及擠迫的感覺。再看看餐牌，有很多特色的美食。例如：黑/白胡椒蟹或龍蝦、招牌避風塘炒辣蟹等 另外，有個「必點招牌菜~六小福」，既然是招牌菜，我們就叫了這個。當然少不了「避風塘炒辣蟹」，還有「啫啫芥蘭煲」、「新鮮菠蘿咕嚕肉」及炒飯。必點招牌菜~六小福，有白灼豬肚、韭菜花、白灼粉腸、鮮魷魚、海哲頭及白灼豬脷。每碟都各具特色，我比較愛吃海哲頭，夠爽脆。這碟令我又愛又恨的避風塘炒辣蟹！其實我怕辣的，但這碟蟹好味到已忘記了辣，忍不住食完一隻再一隻 侍應極力推介要食內裡的蔥，那一條亳不起眼的蔥意想不到特別好吃！還有那些「碎」，配炒飯一流 一粒粒的炒飯，加上配料已很入味，再灑上避風塘炒蟹的碎，不同層次的味道，非常好吃！新鮮菠蘿咕嚕肉，菠蘿真的很新鮮，不是罐頭菠蘿；咕嚕肉皮夠脆，酸酸甜甜幫助消化。啫啫芥蘭煲，上枱時熱辣辣，有啫啫聲；芥蘭爽脆，肉很入味，不太油。

一直想帶媽咪去旺角海鮮菜館吃晚飯，剛好趁着菜館新裝完成，就去試試。果然，名不虛傳，食物品質佳，味道好，處處都細心周到。新裝後環境令人感覺溫馨舒適，也不失氣派。燈光柔和，裝潢顏色配襯合宜。杯碗放置都一絲不拘，整齊有致。魚缸清潔，海鮮生猛，隻隻都是大件頭的。近門口處還有簽名板，可見應該有不少明星名人光顧。滋味六小福六小碟前菜，有白灼海蜇頭、白灼鮮魷魚、白灼韮菜花、白灼鮮豬肚、白灼鮮豬脷、白灼鮮粉腸。即便是前菜也非常精緻。全家人都不太吃粉腸，甚知大家一試，都讚好，很快就清光一碟。另外，除了粉腸，我最喜歡韮菜花，十分爽甜清脆。避風塘炒辣蟹炒得非常香的蒜覆蓋滿蟹上，蒜非常野味，微微的辣，就連葱也被我們搶着吃。我們甚至把炒蒜拌我們後來點的炒飯吃，讓炒飯的味道完全升級了，香得不得了。炒蟹味香濃，肉質鮮美又鮮甜。份量十足，蟹也斤兩十足，蟹件啖啖是肉。白松露西施炒蝦球媽咪最喜歡這碗蛋白。蛋白由白松露油炒過，啖啖都是香濃的白松露味道，配合淡淡的蛋白味，讓蛋白味更突出。蛋白炒得非常嫩滑，火候剛剛好。蝦球新鮮，肉質爽脆，加上蛋白味和白松露油香，蝦球鮮甜萬分。鴛鴦大沙巴龍躉（清蒸、油浸）龍躉兩吃多是清蒸和燜煮，