旮旯 (已搬遷) 新店位置

早幾日要返母校同啲師弟師妹補課，成朝都喺度備課，去到4點幾先食野，突然想食下啲煙煙韌韌嘅野，記得附近有間主要食咧類嘅就走咗去試下葛餅（黃豆粉/抹茶）（$28） 8.5/10葛餅多數都係會配黑蜜，佢除咗黑糖之外仲有煉奶。原本葛餅係無味，淨係有黃豆粉嘅香味，所以要點黑蜜食。葛餅食落去好軟熟，連叉都唔容易叉得起。🤣黃豆粉嘅香味都幾濃，配埋黑糖簡直絕配🤤🤤不過如果佢本身入面有少少甜味就更加好啦茶餅（紅豆餡）（$32） 9/10茶餅入面係配紅豆餡，佢有得揀紅豆餡或者無餡，因為佢個size唔細，紅豆餡會比較好食。無餡嘅話可能會太寡，但係紅豆餡甜甜哋，所以食落就唔會好淡，咧個就算唔需要點糖都好味～

講起麥糍, 相信吃貨們都唔會陌生, 之前超紅既IG網店終於係深水步西九龍開左實體店, 仲要成日賣斷市。.估唔到一間咁紅既鋪頭, 最終都要結業, 睇黎生意真係好難做! 好彩既係佢地遲D會係元朗開返, 不過就暫時未公佈詳情.好在我之前都有去佢地鋪頭報到, 未開返之前就貼住圖回憶下先!______________________________抹茶麥糍(細) $38/9粒未見到實物之前, 心諗$39有9粒呢, 真係一D都唔貴, 仲好抵tim. 但收到個刻我真係呆左, 一盒9粒既size係手掌心大少少@@我仲要即刻打開黎睇, 真係有9粒! 可能因為平時見慣長州糯米糍咁大, 所以覺得反差咁大.調整完心態, 再望返其實係幾吸引, 整齊既九宮格排列, 每粒麥糍都沾滿左抹茶粉, 連D糯米糍既外皮都加入左抹茶粉。用店家附上既木叉輕輕一督, 糯米糍真係有夠軟糯, 有圖有真相，佢既外皮真係有彈性，咬落亦好煙韌，不過睇size 都知糯米糍唔會好厚，煙靭控表示唔夠皮！.煙靭既皮包裹住脆脆既牛奶朱古力麥提莎，呢種反差我真係超級大愛，仲要麥提莎含耐左會有一股甜甜既朱古力奶香，同抹茶既味道互相交織，係好味既。.唯一美

一直都知道呢間糯米滋好出名！之前特登去過唔係冇開就賣晒😭終於食到佢啦！👉🏿✨抹茶糯米滋（細）Hkd 38💸📌老實講糯米滋都買到幾貴，仲要係超細粒😂拎到個時完全呆左，估唔到係咁細一盒。味道食落都唔錯既～真係好煙un，抹茶都會回甘，加埋麥提莎，又苦又甜都正架😀但價格調整番小小就更好啦～唔係唔好食，只係有啲貴🤨🔥聽店員講佢地係深水埗做埋12月就會搬鋪啦，至於搬去邊就要睇番佢地Facebook~想食既快啲去買啦！

今日木嘴黎到深水埗覓食，偶而得知呢度有間野賣麥糍，本身我聽到呢個名都黑人問號，肚臍就聽得多，麥糍究竟係乜東東？了解之後，先知道麥糍係指麥提莎糯米糍，聽落又幾有新意幾吸引喎，就即管試下你有咩咁巴閉。包裝靚靚仔仔，間野叫旮旯，文盲如我番屋企查下字典先知道原來係角落咁既意思，至於點發音唔記得左，有邊讀邊當住佢讀日九或者九日或者日日或者九九先啦下。買盒野既同時呢間舖頭好貼心咁附上食用方法添，有誠意，我鐘意。麥糍賣$58 16粒，有黑芝麻、抹茶、雲呢拿揀，本來見到食評話好快賣晒都好擔心，好彩木嘴我平時食野唔洗等位之外，連野食都唔會咁快賣晒。呢日6點幾去到所有味都仲有貨，最後揀左黑芝麻同抹茶。食落口個皮幾煙韌，抹茶味就稍帶抹茶既苦澀味但唔會太苦，夾埋麥提莎既甜味就岩岩好。黑芝麻既話，一開始其實唔係好食到黑芝麻味，係食到後面先愈黎愈濃黑芝麻味。如果要我揀就覺得抹茶好食d。木嘴一向都好支持小店，以小店黎講做得好有誠意，賣既野又有gimmick，買黎送禮又好自己食黎打卡又好，都係一個唔錯既選擇。

系雜誌見到呢間甜品店宣傳, 系特色既麥提沙糯米糍.簡單黎講, 就係麥提沙加糯米糍. 直覺講畀我聽, 其實都系普普通通麥提沙一粒. 但係有著“人要我又要,人食我又食”態度, 決定去兜個圈,買黎試下.其實鋪系西九龍商場入面, 那層都很多食鋪, 人比較多, 認真望先搵到. 店外系小小日式擺設, 較為特出,而系墻邊都貼了價錢. 嗌了一個抹茶麥提沙糍, 當我order時候, 竟然暫時冇貨, 所以要等20分鐘, 我唯有兜圈等20分鐘. 因為我怕系伏, 所以系了$38/盒 單味. 終於等到啦！ staff 交畀我一個細細盒, 包裝畀我. 小小驚訝,原來系咁細盒的.不過包裝都頗有特色同精緻. 一攞到手,即刻打開 試食. 細細粒,而且每黎都淋上抹茶粉, 食落好, QQ感覺, 糯米糍系冇味的 到再要埋粒麥提沙, 出返d 甜味. 感覺幾有趣,.覺得佢 系食物包裝上花了不少心思, 但係我覺得食材質量可以提高返小小, 因為覺得那個抹茶一d 都唔香, 味道不是好好味,

這家麥糍真係百吃不厭，繼抹茶，雲呢嗱味之後，黑芝麻麥糍又係最近嘅新作，亦都愛上了，而蕃薯卷蛋又係另一驚喜，還有嶡餅，都係值得推介而家仲有得預訂添，可店舖自取或交收，超方便，唔怕食唔到啦，不過只係22同24兩日試行形式，要視乎反應再作安排了。

朋友推介之下第一次試. 綠茶味剛剛好, 唔會話大多茶粉令到有茶嘅苦澀味. 入面嘅麥提莎的確係有驚喜. 另外包裝得好用心. 可能係即場制作, 所以準備嘅時間會長少少.

放工黎開深水埗就記起呢間食糯米糍好出名 網上搵下資料咁岩今日七點鐘會出爐就所以去碰下運氣去到岩岩好七點只係淨返抹茶味 買左$38/9粒等左1陣好快就有 個包裝好靚 仲有張食用方法小提示其實講真食落冇咩特別 用其他地方食到既麥糍分別唔大只可以話佢既抹茶味糯米皮中和返麥提莎既甜度因為比較細粒 個皮算簿 唔係好食到煙韌既口感見佢得指定時間先出爐 仲要唔係日日有得賣都抱住幾大期望黎 所以都有d失望如果再有機會經過附近 可能下次試下葛餅啦

D留言太兩極，抱住平常心黎試，睇下伏定唔伏😂買左3樣野：麥糍+葛餅+抹茶卷蛋我帶返屋企同細佬食，三樣野都再即放雪櫃雪返凍少少。先打開麥糍個盒，見到抹茶隻色好綠，以為加左色素，但最後食落口時，食得出係濃濃抹茶味，d皮仲係軟既，之前自己整過糯米皮，雪完都比較硬，好好奇佢地個製皮食譜。（雲呢拿味更正，似雪米糍果隻皮）之後食葛餅，我細佬話似水，因為口感冰涼水嫩，幾清淡，連食三件不膩。我不嚐甜，店主俾左包糖漿我只係落左幾滴，都唔會冇味，因為外層既黃豆粉d烘烤味好夾，同我去日本食果隻正宗葛餅無異。最後試抹茶卷蛋，好怕食唔落，厚切一大件，我同細佬諗緊點叉，最後都係分幾次大大啖擺入口，連埋吉士有陣蕃薯味mix紅豆，令抹茶卷既茶味變得fresh，最後2人KO。下次試埋蕃薯卷蛋。中肯d黎講，真係幾好食，整體我地都好滿意，無伏到，甜品小店黎講，價錢可接受。下次想試埋飲品。

平時都係食開D平野，去親西九都係去food court 買幾蚊既雪糕球食。今日再路過西九，囡囡知道我係西九就話叫我買呢間野D野食俾佢食下，話係好出名，咁我就聽左佢話買左幾十蚊試試。去到我聽佢話要買糯米磁，同葛餅雙色糯米磁16粒 $58做乜張相倒轉唔到?平時我就未必會買，但囡囡叫到，買下都無所謂。呢間店既女店主好後生，買個陣又勁熱情咁介紹食物，突然之間覺得物有所值。佢話抺茶味既糯米磁係用日本丸久小山園既抹茶粉整(由於我係抺茶控，所以都識識地)。返到屋企同囡囡一齊食，粒粒都好有茶味，我心諗粒粒都咁綠色，粒粒都咁有茶味，又要用日本貨，都真係幾多成本。個皮比起一般糯米磁軟，唔會覺得一舊粉團咁，好快就同麥提莎混埋左，好夾。另外白色個隻係雲喱拿味，個味似奶味咁，都好味，囡囡鍾意白色，我就鍾意綠色。$58蚊，粒粒人手整出黎，又用咁貴既料，對我呢個平時凍飲都唔肯加$2既人黎講都覺得買得過。$15葛餅做乜張相又倒轉唔到?買個陣真係唔知乜黎，仲要有包好似豉油既野(其實係黑糖) ，但食落真係好特別，我本身以為一咬落去食舊粉團黎，但點知係滑到係個口都游黎游去咁。黃豆粉同黑糖個味個味完左之後就似係食緊個水味既物

<綠茶紅豆卷> $50蛋糕比較厚實 而且幾大件 飽足感十足（但個人比較中意海綿蛋糕）紅豆係普通既紅豆粒 如果係同忌廉一齊撈勻會討好啲就咁單食就略嫌太甜太搶味相對地綠茶忌廉比例又少左成個感覺好飽滯 一個人食就稍吃力不過蛋糕本體同忌廉都重綠茶味只係混埋紅豆一齊食就會喧賓奪主左🐒另外就價錢黎講 都幾抵食畢竟我諗佢都有10cm左右有啲貴價餐廳可能都要double價錢🤣有機會會食番原味（不過希望佢個蛋糕可以鬆軟啲）同試下佢個麥滋💛💛💛

90後新開小店日式甜品✨✨✨✨✨✨✨✨✨✨✨✨✨✨葛餅($15) 有五粒 🍡同平時日本食開嘅唔同食落有少少煙韌 佢係用醬汁配煉奶而唔係粉食落有啲普通🙈而且賣相真係唔太吸引👉🏻👈🏻

無，其實本以試_既心態黎食網上有好多廣告宣傳乜乜乜仲諗緊上唔上去試話曬向西九龍food court，山長水又遠算，當做運動行下山走上去試舖如其名有點”旮旯”上到去一出升降機就見到無人排隊，舖面又無人以為舖頭啲人去左廁所申頭打探原來煮緊麵😨一問之下員工好似幫隔離”好難食”睇舖但期間買”好難食”有平十蚊飲到旮旯啲飲品三個員工好似都應付得綽綽有餘我本來買黎當飯後甜品點知原來要即食先好食😨唔理三七廿一買左反去先算買左一份九粒既抹茶麥糍，好似係成名作同兩份葛餅，合共七十蚊，都合理之後收到兩少盒外賣盒，同一張紙原來係外賣提示，有講點keep啲麥糍我當堂安樂晒，慢慢返去先放入雪櫃我照指示將兩盒外賣用密實袋裝完再放雪櫃由七點半唔經唔覺雪到十二點🤦🏻‍♂️拎返出黎室溫放左廿分鐘左右先食開盒睇下有無發毛，開盒發現完全無事🙈試食下味道，麥糍係有皮既麥提莎淺淺既抹茶味皮幾彈連仲脆既麥提莎口感幾得意之後試個葛餅睇過之前食評話唔好落咁多黑糖就係咁噫落少少，煉奶就多少少食落本體清淡，加煉奶真係一流眼見舖面menu向牆上面都有”溫馨提示”提示邊日賣咩，幾點至幾點開，邊日休息就以為已經做得好足，最估你唔到外賣比張建議食用

幾個月前新舖開張，曾經黎過，但總是夾唔岩時間，食旮旯的甜點.... 當時吃了咖哩蛋包飯，蛋很香，咖哩甜甜很好吃的... 可惜現在沒有賣了😭今次再嚟到西九吃晚飯，點選了旮旯旁邊的牛肉麵，看到告示板說買牛肉麵可在旮旯買飲料減$10， 所以順便點選了一杯泰式奶茶！奶茶味道好香好特別👍🏻 有點後悔沒有買加大...😢吃完牛肉麵和奶茶其實已經飽，但還未吃到今天來的重點！！！所以決定買咗d葛餅番大學同朋友開心share啦🤣有d朋友食之前有d猶疑，因為過往經驗覺得葛餅唔好味.... 不過有位朋友一看包裝便認得，說這間在網上好出名！所以大家都一齊試味啦😛葛餅好軟身，係有d難吉，但個個食完都話好好味，又有咬口🤣 大家都話對葛餅改觀曬😝 （抱歉吃葛餅前太興奮，忘記了相機食先🙈）

即叫即製，一打開 嘩咁多粒既 即刻覺得正呀喂，因為即刻製造，糍皮仲好挺身 入口帶住一種剛剛搓成先有既爽口 ，糍皮恰到好處，唔太黏唔太硬、雲呢拿味較清香，或者有人覺得淡，但我就覺得味道愈食愈出。綠茶味剛好甘香，綠茶味唔係好搶個種，唔會覺得澀口，配合埋麥提莎，其實甜得剛剛好、包裝很細心，竹簽也很漂亮呢😊 仲要附上溫馨提示，真係好細心講到尾，睇得出店家都係想大家食到最好味既糯米糍而已😎下次有機會一定去試埋個蛋卷，因為見到人地叫左，個卷好鬼靚仔嘍😍😆