33
3
3
港鐵銅鑼灣站 F1 出口, 步行約8分鐘 繼續閱讀
電話號碼
21569888
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 AE
座位數目
50
其他資料
VIP房 詳細介紹
加一服務費
食評 (46)
等級6 2020-07-22
1788 瀏覽
限聚令放寬後,一向好客嘅數字Auntie即約會肥肥家族去食鐵板燒,仲專登揀咗間佢相熟而座上客都未聽過嘅「旭」。隱蔽於希雲街尾嘅日本餐廳門面係一個車房,招牌巧妙地於暗黑中猶如店名中之旭日亮起,甚有意思。打開趟門,即發現光線充裕嘅室內寬廣開揚,裝潢時尚有氣派。用餐大堂分為右方嘅壽司吧及左方嘅鐵板區,而中間長長嘅餐桌似乎暫作為分隔一點五米之二至四人散座。裝修嘅唯一及最大問題就係個洗手間設計,因為以可容納五十位食客黎講,全店只有一個男格及一個女格實在係唔夠用。九人派對被安排於店內唯一嘅一間廂房內進行,私隱度及空間感足,厚墊椅櫈舒適好坐;廂房最低消費額為午市$4,000、晚市$8,000。主人家早已交托老闆之一兼當晚嘅大廚Ken哥為晚宴自訂餐單。食材包括生猛嘅海鮮、紅潤嘅美國和牛及彩艷嘅蔬菜,豐盛得很。嘻嘻,有佳餚就當然要配美酒啦!自攜佳釀嘅開瓶費一律為$200/樽,大小同價。如果喺六頁酒牌中叫酒飲的話,則叫一樽免一樽開瓶費。XO仔出名八,未有食物嘅時間先攞咗份金光閃閃嘅餐牌研究。魚生廚師發辦及鐵板燒套餐均有三款可選。其餘單點項目都有兩頁之多。據悉,餐店開業至今已有四年半,一直都冇收取加一服務費,只係近期因受到疫情影響及加租下先開始收5%服務費。廂房內有專人服務,自動換碟及加酒之速度都相當理想,服務生態度誠懇友善,有求必應,絕對值得嘉許。座位均圍繞著師傅嘅大舞台,餐桌上擺有齊備嘅自用餐具、調味汁、餐巾、濕紙巾及口罩套,簡潔衛生。晚餐正式由兩款沙律及前菜作序。鐵碗中嘅沙律清新爽脆,另上嘅芝麻汁亦香甜惹味。正當師傅忙碌地燒煮食物時,佢就安排咗啲香口小食俾貴客送酒。幾款中個人最愛如紙般巧薄、入口鬆脆嘅鱈魚乾。為鐵板菜式打響頭炮嘅澳洲鮑魚活生生地於殼上扭動著,舞出其真材實料。喺廚房去殼兼洗埋白白後,Ken哥將鮑魚喺鐵板上一邊切片一邊燒煮,加上調味及擺盤後即大功告成。鮮鮑由大大隻搖身一變成金邊白肉嘅鮑片,質感脆薄中仍帶有微微彈性,以紫蘇花點綴即能於鮮甜中增添幾分芳香,細膩得很!墊底嘅蘆筍清脆幼嫩,同樣高質。有睇開細佬食評嘅朋友一定會好驚訝,因為接棒嘅銀鱈魚竟然可成為整頓晚宴之最!如下圖所示,銀鱈魚肉及魚皮係分開處理嘅,雪白嘅銀鱈魚肉慢慢燒至金黃奪目,外觀十分精緻。燒至拱起嘅魚皮乾巧輕盈,不過高潮位係件銀鱈魚肉!嘻嘻,當晚好幸運地冇中「骨頭」奬之外,第一口咬落面層嘅魚肉時,先覺得燒魚超級鬆化香脆,但當食到底層嘅魚肉時其質感卻為香軟嫩滑,XO仔都係首次食到同時擁有兩種口感嘅銀鱈魚,單憑肉眼根本冇可能睇得到,所以入口更覺奇妙!跟住上場嘅車海老體積巨大,如果要試多幾道菜式的話,九人只需三隻份量已好夠。師傅快速地於鐵板上為巨蝦去殼除腸,手勢純熟得很。白肉橙邊嘅蝦肉鬆爽彈牙,伴配彩美嘅蕃茄仔及秋葵直令視覺效果生色不少。食完頭輪海鮮後,即有清脆爽甜又多汁嘅北海道粟米間場,以便大家可為味蕾洗滌一番。食粟米時,有師傅即場表演生炒蒜片,由白雪雪炒至金光閃爍,實在精彩!蒜片甘香脆口,惹味非常,最開心就係任食唔嬲,無限添加!當晚嘅厚切及薄切牛肉均選用美國和牛。厚切嘅和牛分別以片狀及粒狀燒出,個人覺得前者嘅肉質較為鬆潤,肉汁亦更為豐腴,後者則帶微微粗嚡。以美國和牛肉眼切出嘅和牛薄片色澤紅潤,雲石紋理分明,邊燒邊捲入蔥蒜,三兩吓即搞掂!熱辣辣嘅蒜蔥和牛卷半溶於口腔,外層軟熟,餡心香脆,輕輕點上柚子醋可助分解油膩,簡單可口。之前食完珍寶級車海老嘅蝦身,大廚將蝦頭先抽出蝦膏,混入蛋蛋及雜菜粒炒製出香濃橙美嘅蝦膏炒飯。再將剩餘嘅蝦頭煲出鮮甜暖胃嘅熱湯。另配爽脆嘅漬物。及少量嘅炒雜菜。甜品小肥揀咗甘香醇濃、柔軟滑溜嘅抹茶奶凍,連同奶凍面幾粒脆潤嘅紅豆食即倍添清新。橫街裡的盡頭有「旭」日式料理閃出光環,餐店環境格調高雅,闊落通爽,抽氣充足,服務生友善體貼。鐵板菜式用材高質,當中各式海產尤其新鮮味佳,擁有雙重口感之鐵板銀鱈魚更是亮點,難得可把握得到於疫情稍為緩和之時聚一聚,非常感激數字Auntie盛設款待! 繼續閱讀
等級3 2021-01-04
0 瀏覽
我地foodtaster嘅聖誕大餐😬▪️霁 - 二人lunch set▪️$1100野食嘅次序🔸前菜🥗🍵🔹銀鱈魚🐟:油脂豐富,肉質嫩滑juicy,兩面煎香,魚皮好脆身,唔使點任何汁都好好食。食完食粒龍珠果,小番茄外接,實際味道好接近士多啤梨,好新奇,又清新。🔸鮑魚:好新鮮,仲識郁。微微爽口,口感岩岩好,唔韌,配上綠色唔知係咩嘅汁,有少少唔夾。🔹龍蝦🦞:每人半邊龍蝦,新鮮爽口,龍蝦鮮甜。湯汁有用龍蝦膏,唔算濃,但都好香口鮮甜,要飲哂佢🤤🔸薄燒牛肉🥓:外面一層牛肉,包住好多餡,牛肉入口即融,調味口感超級好,超好食😋配炸蒜片,香口。🔹厚燒牛柳🥩:medium嘅牛柳都超級多汁軟滑,媲美和牛。配炸蒜片,好食好食。同樣呢個鐵板燒有得加錢揀和牛,但真係唔需要加😬🔸龍蝦腳味噌湯🍲:味噌湯多咗陣龍蝦味,幾好飲。但我地已經開始飽飽地,我冇飲得哂☹️🔹炒飯:加咗牛肉粒炒飯,啖啖有菜有肉,唔會膩,有鑊氣,調味好適中,飯炒得唔濕唔乾,粒粒分明,好食。我食咗一半先記得影相🤭🔸炒雜菜🥙:香甜,有適當嘅油份,食完好飽岩岩好清一清。唔記得咗影😎🔹隱藏甜品-焦糖牛油多士🍞:唔太甜又脆卜卜😚🔸柚子雪芭🍨:正常柚子味冰type雪糕。 繼續閱讀
(以上食評乃用戶個人意見 , 並不代表OpenRice之觀點。)
長輩生日,揀左一輪,決定去呢間經常經過每次都話試下但就唔記得左無左件事既鐵板燒。之前想試純粹係經過希雲街既時候,見到覺得佢應該唔錯。店方好配合我地大大細細一行九人既安排,係鐵板燒枱用透明膠板做間隔,令我地依然有一家人食飯既氣氛。我地六大三小,細嗰三個唔駛點花巧,叫左一啲壽司小卷同幾碗烏冬就搞掂。六個大人呢,就聽個侍應建議,唔需要一人叫一個餐,叫左兩個二人餐再加一啲其他野就夠。加左每入一件燒銀鱈魚,同埋四款刺身,分別係左口魚、秋刀魚、拖羅同埋海膽。先上刺身,每一款都好鮮甜,令我會想下次黎試下佢地既壽司刺身。跟住就黎鐵板燒喇…簡單啲講就係每一樣食材都好靚,而個師傅每一樣都煮得好好,把握到個火喉好啱,每樣野食都又鮮又好食。會 encore。 繼續閱讀
(以上食評乃用戶個人意見 , 並不代表OpenRice之觀點。)
Teppanyaki Lunch set ~ 霁 二人前特別推薦大家✅Cod Fish 銀雪魚✅Abalone 鮑魚✅Lobster 龍蝦✅Beef Fillet 牛柳✅Fried Rice 炒飯《Cod Fish》超級好食、好香、油脂感好重、好正‼️魚皮好脆身,魚肉好嫩滑🐟🐟,食完銀雪魚食返粒酸酸地嘅龍珠果即刻fresh哂 《Abalone》好新鮮、爽口,配合個清清嘅海草醬調味,又唔會搶哂鮑魚本身嘅鮮味🤩Jengggggg《Lobster》龍蝦有開邊半隻食落鮮甜彈牙,個汁用咗龍蝦本身d蝦膏嚟烹調,龍蝦味十足🦞😌《Beef Fillet》廚師整到Medium rare🥩,食落好淋身、好香口,加埋蒜片食仲正🙊《Fried Rice》個飯炒得勁香,加左紅椒黃椒所以食落完全唔’漏’,食完個肚仲好舒服唔會頂住🍚🤫*如果單數人去都可以叫依個餐架,個價錢係exactly一半,唔會要比多**Miso Soup有舊龍蝦係入面🦞 ,令到個麵豉湯鮮甜好多🤤💰霁 二人前: $1100/2p, $550/1p (no extra charge) 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-31
2621 瀏覽
🍣Lunch Omakase🍣👉🏻Murasaki Sushi💲540• salad🥗• steamed egg• twelve pieces of sushi🍣• soup• udon / soba🍜• coffee☕️ / ice cream🍨邊個話食omakase唔飽🤨呢個set包十二件壽司仲有麵同湯 飽到唔洗食dinner🤣omakase lunch真係好抵😗鮟鱇魚肝重口味得嚟好好食😆鰻魚勁肥勁冧!而家呢個季節係食池魚同鰻魚嘅最佳時候 肉質特別肥 不過我覺得個鰻魚太冧 鍾意食有口感啲😛鱈魚炭燒味香得嚟唔會搶咗魚鮮味勁好食😙紫海膽雖然冇馬糞海膽咁甜但鮮味重啲😗我哋仲帶咗支黃水仙同師傅一路飲一路食🤣 @mnmnmn_m 好nice又幾好傾😗宜家冇得食dinner唯有lunch食好啲😋〰️〰️〰️〰️〰️〰️〰️〰️〰️旭 (銅鑼灣)📍銅鑼灣希雲街38號地下2號舖🔗#7eating銅鑼灣#7eating日本菜 繼續閱讀
(以上食評乃用戶個人意見 , 並不代表OpenRice之觀點。)