206
21
11
港鐵黃埔站 D1 出口, 步行約1分鐘 繼續閱讀
所有分店 (2)
電話號碼
31522866
開飯介紹
餐廳裝潢走型格路線,較受歡迎的菜式有火車頭湯河、生蝦刺身及軟殼蟹米紙卷。 繼續閱讀
營業時間
今日營業
11:30 - 22:00
星期一至日
11:30 - 22:00
付款方式
Visa Master 現金 銀聯
座位數目
88
其他資料
Wi-Fi
酒精飲品
外賣服務
加一服務費
食評 (265)
等級4 2019-09-13
546 瀏覽
自從poly畢業之後都無去過黃埔 今晚去食飯 同以前一樣有咁多選擇😆 我地去左超多食肆既黃埔天地美食坊 每次去旅行前我地都會係香港食下個種菜式先 所以今次就食左越南菜啦😂 呢到裝修都幾有特式 我特別鍾意佢地有霓虹燈寫住PHO既廚房😊呢到食物選擇好多 淨係set dinner已經有18個option😱 我地揀左峴港酸辣海鮮湯黑粉絲同越式海鮮蝦膏炒飯😋 峴港酸辣海鮮湯黑粉絲酸辣度係固定既 味道都幾岩我地 唔係好辣 好惹味 入面既海鮮有蝦 魷魚 青口 帶子 就好似海鮮冬陰功加粉絲 粉絲好彈牙 吸埋d湯好正👍🏻越式海鮮蝦膏炒飯既海鮮都係差不多 唯獨係加左蝦膏 見到一片片蝦膏既炒飯真係令人好興奮😆 飯粒炒得夠乾身 粒粒分明帶金黃色 味道不錯👅我地仲揀左2個小食 分別係炸蝦餅同蒜蓉牛油雞翼🤤 炸蝦餅份量好多 唔會好熱氣 蝦餅好彈牙😋 蒜蓉牛油雞翼新鮮炸起熱辣辣 面頭鋪滿炸蒜蓉 每啖都係牛油既香味😍Set dinner仲包埋飲品 我地飲左椰汁三色冰同龍眼冰 2杯都唔會好甜 而且仲唔駛加錢 好抵食丫🌟 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-27
488 瀏覽
約左朋友買野🛍,買完去左港鐵附近嘅美食坊搵食。越南野喎,好耐無食啦,有晚市套餐喎!?包埋飲品價錢唔算貴,餐廳空間闊落,玩味年青嘅餐廳設計,ok,go!🔆青木瓜沙律 Green Papaya Salad $56 - 爽脆木瓜絲酸酸地,有d花生碎,香口又腥胃,份量都幾多,抵食!🔆辣椒膏炒雜菜🥦🥬 Assorted Vegetables Stir-Fly $66 - 唔辣架!剩係食到少少辣椒香味同惹味調味,雜菜都炒得幾混循爽口,不過不失。🔆越式海鮮蝦膏炒飯 Fried Rice with Shrimp, Vietnamese Salami and Shrimp Paste $88 - 略帶香料同蝦膏味嘅炒飯,每啖都有少少海鮮同蝦膏嘅汁滲出黎,用料豐富爽口,有蝦🦐、青口、魷魚🦑,係一個頗濃味嘅炒飯😋~🔆峴港酸辣海鮮湯黑粉絲 Da Nang Seafood with Black Glass Noodle in Sour and Chili Soup $73 - 佢唔係冬蔭公,但有類似酸辣度,係惹味嘅酸辣;用上類似韓式粉絲,索哂湯汁有咬口,海鮮一樣都係有蝦🦐、青口、魷魚🦑等等😋~🔆餐飲叫左椰汁三色冰、鹹檸可樂🍹🍹,兩杯都走冰,味道更加濃,三色冰變左珍多冰😆,糯米粉製作嘅珍多質感爽滑,味道清甜,仲有紅豆、綠豆,超飽肚!鹹檸可樂嘅鹹檸切片上,味道ok,不過我都係鍾意飲平時一整粒嘅鹹檸多d🤭。✌🏻食飽飽攞住戰利品,行5分鐘唔洗就到港鐵,真係方便! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-14
464 瀏覽
平日滿坐,好多人都叫一人餐咁。裝修暗暗地,有d地下風咁。青木瓜沙律 $56Green papaya salad混合左青瓜同胡蘿蔔,青木瓜多d比例就好。青瓜帶出juucy同炸蒜多香口。一人餐都多選擇,有d特色飲品都免費。青咖哩香茅豬扒飯 $78Green curry lemon grass pork chop with rice青椒片,大大件豬扒!豬扒好厚又香茅味,少少辣帶甜。混哂飯,奶味重。越式又幾好味。鮮茄海鮮湯檬 $73Seafood with homemade tomato sauce with noodle in soup洋蔥、蕃茄同多蔥多芫茜!多蔥多芫茜好重味。檬粉多份量,通透掛湯,蕃茄湯好濃飲哂!鮮魷、蝦、青口同帶子,海鮮多類型!再多d就好,哈哈!鮮魷最好食,好爽口!檸檬柚子蜜Citrus tea越南鐵杯風,柚子沉哂底,搞搞佢先!桂花香蜜Osmanthus honey勁香,全枱香哂!多蜂蜜好甜好香,估唔到特色飲杯都唔哂加錢。最後一飲到盡飲哂d花!近來openrice常卡文,咁岩有keep單up埋,有keep係因為留單下次有88折,哈哈! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-19
792 瀏覽
原來坐地鐵入黃埔係好方便嘅,黃埔住宅多,自然野食都多,今日就去會左一會呢間早安越南嘅晚餐。一入去就覺得好特別,一D都無越南餐廳嘅感覺,因為鋪面唔係用一貫越南餐廳嘅綠色白色風扇咁,而係好似落左酒吧嘅感覺,深色裝修,紅色霓虹燈,好cyber ,但光線充足嘅,唔會係黑到睇唔到。嗌野食啦,一縱越南美食都有得揀,我地就order左蝦多士、蒜蓉炒貴妃苗、牛柳粒紅飯、串燒撈檬。蝦多士係最快上枱嘅,落單後大概十幾分鐘就上枱啦,係用法包上面鋪左d蝦肉然後炸嘅,好脆口,不過係蝦嘅味道少左D同油膩左少少,應該係麵包sok油。牛柳粒紅飯上枱係好香嘅,牛柳粒係正嘅,炒得好好味,少少敗筆係個紅飯味道稍淡,獨立食麻麻,要配埋牛粒一齊食先夾啦。炒貴妃苗我自己就會覺得炒得好香,蒜味十足,不過偏鹹嘅,配左岩岩嘅紅飯就ok啦。反而最正係份串燒撈檬,係最耐嘅,店員解釋係串燒要即燒所以花時間。今日係order曬牛豬雞三款,牛同豬我食到有香茅醃果勁香,食落勁野味,肉汁鎖曬起入面,個雞就配埋個燒烤汁就perfect。個檬粉呢係好fresh,有抵消串燒嘅功效,而個檬粉汁我自己會比出面嘅辣同酸,反而唔係好甜,唔食得辣嘅就唔好落咁多啦。最後飲埋杯龍眼冰感覺所有熱氣都清新曬,杯龍眼冰有果肉咬唔會太甜多糖水果種,不過我會嫌龍眼陣味唔太出,唔知係咪嗌左少冰嘅關係,水多左淡左呢。最後價錢上面呢,唔係超平民價嘅,5個order再加一要三百中,兩個人食分量同價錢都中規中矩嘅。可能下次來試埋個tea。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-06
798 瀏覽
平日經常到步伐急促的尖沙咀、銅鑼灣食飯,間中都想慢活一下,所以早日收工就到黃埔早安越南慢慢享受一餐充滿越式情懷的晚飯。食店位於黃埔天地美食坊,鄰近港鐵站,交通方面,用上半開放式設計,充滿空間感,感覺十分舒服。裝修極具特色,將越南國旗的星星、越南少女等等滲入全店每個角落,把我們瞬間帶到越南,置身其中,整個人即時心情輕鬆,減慢步伐。這裡推出的【晚市一人套餐】都像越南般抵食,除有多款選擇外,價錢由HKD50+起,仲包埋冷/熱飲品一杯,性價比超高!今次我們叫了一個小食及兩個【晚市一人套餐】。越式炸拼盤 (炸扎肉 / 炸蝦餅) (HKD88)賣相超吸引,size超乎意料,以為圓形細細件,怎料扎肉跟蝦餅都大件夾抵食,仲彈牙有咬口。隨拼盤有碟甜酸醬,沾一點味道層次會更豐富。 法式牛柳粒紅飯 (HKD93)一口牛柳粒被微酸醬汁包著,入口鬆軟唔會韌,配搭唔辣的紅飯,整體不錯。鵝肝醬帶子炒飯 (HKD93)表面上這是個普通炒飯,但原來驚喜在其中,除有鵝肝醬香味,仲幾乎每匙羹都見到大大粒帶子,豐富了炒飯口感,抵食!嗜辣者可於食物中加點特色辣椒醬,我沾了點綠辣椒醬在炒飯中,味道即添惹味!(左):凍龍眼水味道少甜帶清淡,但可滋潤喉嚨。(右):凍鹹檸可樂味道酸酸地,配合可樂感透心涼。 繼續閱讀
(以上食評乃用戶個人意見 , 並不代表OpenRice之觀點。)