日舍便當 (已結業)

突然想食日本野，公司附近買左個平價魚生飯返公司食。衣間外賣店都好似幾多選擇咁，魚生飯仲可以自己揀款tim。我揀左自選4款魚生（三文魚，赤海蝦2隻，北寄貝）3款刺身都好鮮味，由其係2隻蝦🤭好鮮甜，仲要好大隻，$68都幾親民價既。同事因為唔食生野，佢就點左泡菜豚肉飯，就咁睇佢個貌相都唔錯咁，試食左一啖都幾野味既，而且佢份量算幾多👍$49幾抵食價錢：唔貴，個人覺得算親民價種類：都幾多，見佢有慢煮牛扒，炸物份量：個人覺得飯量都幾多，細食既女仔可以要求佢少飯服務：建議唔想等既人可以預先wtsapp佢地落單，因為lunch時間可能要等一陣

依加先知億利個邊開左間新日式便當外賣店🫣同事食過佢哋嘅刺身飯話唔錯喎！！所以決定lunch去試下本身想買刺身飯的，但見到門口寫住期間限定有慢煮牛筋肉飯，好似好吸引🤩🤩仲要好平，49蚊😱 已經比佢吸引左了。我自己再加埋溫泉蛋$5。total 都係50幾。個飯本身跟埋一枝野飲架，但我自己就轉加可樂。個飯超多粒牛筋肉，而且煮得好嫩滑一d都唔韌，牛味都幾香又唔蘇，d肉真係比得好多，夠哂食，呢個價錢真心抵。溫泉蛋唔洗講啦，撈飯好好食🤤🤤🤤

上星期經過已經想試下佢地既慢煮牛肉飯…佢地有慢煮西冷牛肉飯同汁燒封門柳飯…今次試左西冷牛肉飯先…$68好抵….牛肉既份量都好多…..好香牛味👍 中間仲係粉粉嫩嫩咁....好好食。佢地個飯仲有個醬汁….小小酸酸甜甜咁….好開胃 （有小小似柚子咁既味…😹)另外加左$8試埋自家製橙茶…幾好飲..唔會太甜😋😋 可以一試….對於依間新開外賣小店既慢煮牛..我覺得幾有驚喜…下次要試埋汁燒封門柳飯同吉烈牛肉飯。