日泰郎放題料理 (已結業)

10/5/2014 Sat一行4人食放題! 第一次食日式 +泰式 + 港式放題由於母親節前夕多booking, 我地唯有提早食晚飯，17：00入座，用餐2個鐘。原來5點都有唔入少人食緊，多數係一家大細。呢個魚生拼盆係送嘅，冰盤 + 出哂煙，食落新鮮~本來對沙爹串燒充滿期待，但失望! 味道OK，賣相唔吸引~壽司三文魚、玉子、熟蝦都OK，曼魚難食~曼魚炒飯，味道唔錯~甜品OK!大讚南瓜天婦羅，蕃薯仔 及 鯖魚!

今日考完一個溫左好耐ge試,決定鬆一鬆,同幾個朋友去放題一下!好耐冇放題啦,知道呢間好食,所以再黎!book左位第二個時段!仲有卡位!一黎到tick野食,竟然冇左我最鍾意ge軟殼蟹天婦羅,非常之失望!!!!!先黎左少少魚生!佢有一張特別ge紙係for有煙出ge魚生拼盤!由於有一個朋友未到,遲少少先用!魚生呢,唔錯播!三文魚都係厚切ge,真係好厚好肥美!好甜!連我D朋友都讚好!甜蝦好新鮮,我地一次過起碼叫3-40條!呢兩個最popular ge都做得有水準!不過三文魚實在太厚,不宜狂吃,唔係好快飽!特別果盤ge甜蝦仲係全隻上!雖然要剝殼,不過好好好大隻,好正!火炙三文魚係我ge最愛,最鍾意佢D飯唔係大大舊咁,唔會食到人地好快飽晒!細細舊飯亦突顯上邊火炙三文魚ge美味!有個叫辣味火炙三文魚,個醬唔係好太食,配埋落去唔match,可以唔叫!連我個無辣不歡ge朋友都極力唔推介!栗火係好好好好食架,又熱又甜!一開始係我叫ge,D朋友仲話邊個叫呢樣,但係試完之後都話好食!仲叫左D蝦天婦羅,雞軟骨等食物,炸得幾好,D野食普遍都好食!無辣不歡ge朋友為左健康,叫左3碟菜...除左最後呢碟馬拉盞炒通菜係

第三次食呢間。平 令 正。刺身唔會走數，黎得足，有時會有三文魚腩，蝦會連埋個頭的。野飲我次次都會叫檸檬茶。但依家無左芝士年糕，多左個芝士魚餅，都幾好味。但如果出番芝士年糕就好了。打邊爐+金邊粉好正，但叫既打邊爐料黎既同order既唔同，有啲少有啲多但無出錯野食。一口牛都係一個值得推介既野食，都好好味~甜品只係可以order一次，好多都想試，但無奈一人只可以簡一樣。

星期六中午 ，兩個人食放題。選擇唔算多，但可以接受。眼見午餐時間得幾張台有人，心諗應該可以好快有得食。一黎當然試一下刺身，然後要呢雞翼等熟食。遞單到野食黎大概十五分鐘 好啦，接受住先啦。三文魚刺身真係正到冇朋友，切到厚又長！甜蝦ok..本身以為得果幾張台應該唔會漏單。  然後呢，除左炸蝦天婦羅，其他熟食完全冇黎！之後再點過。同樣地，除左魚生，天婦羅，炒和牛同甜品之外乜鬼都冇黎過！真係食到把幾火！真係唔會有下次！

今日去左依間日泰郎食放題食下,平時食開日本野,依間有埋泰式唔知感覺係點呢,雖然無訂到位,但一上到去即刻有位，唔錯唔錯,睇左一陣有咩食就緊係即刻落order，等左一陣就有野食,等得唔算耐，非常好。首先上枱既係個刺身冰盤，賣相好靚 幾新鮮，象拔蚌好爽口，幾好味,真係唔係好多地方放題有得食象拔蚌，白肉拖羅好重魚油味，入口即溶，之後就有個炒蜆同個胡椒蝦,兩個都夠哂入味，如果你食得辣既一定要試下佢個雞腳同埋皮蛋,真係好好食因為佢唔係一味得個辣字，仲要好惹味，真係好正，之後仲有天婦羅,夠脆口，炸粉岩岩好唔算厚，仲有得打邊爐，食左好多蝦同肥牛，野食係放題黎講真係好多款，食一次無可能試唔哂，侍應服務都幾好，價錢環境都好好,值得一試。

又一班朋友去揾好嘢食，日泰郎放題料理又幾抵食！圖上左上角是每人限定一客三文魚、墨魚剌生，味道不錯！圖上右是天婦羅新鮮炸好上枱熱辣辣，蝦肉爽！圖中是三文魚櫻花卷，三文魚櫻花卷朋友們都吃得津津有味，我還是喜歡小碟的清爽開胃沙律。圖下是炸蝦餅和札肉米線都不錯，沒想到札肉米線份量都不少！圖上是鮑魚生菜和椒鹽豆腐，鮑魚相信副製品因為沒有鮮味，$99放題不能要求有鮮味鮑魚啦！椒鹽豆腐外酥內軟好吃到「安哥」！圖中是炒蜆和沙津，炒蜆好味但獻汁很糊口！圖下是冬陰功湯、叉燒、札肉米線，另一款我沒有吃也忘記是什麼了！ 圖上是肉片炒烏冬和炸大腸，肉片夠淋滑烏冬又有味道，炸大腸我唔啱。圖中沙爹牛、豬、雞串燒趁要熱食才好食。圖下多款壽司都無試，蒜蓉炒菜大大碟夠味道。圖上串燒、壽司和香口惹味煎中蝦。圖中甜點桂花、椰汁西米糕、芝士餅、圖下是糊口不是爽口的千層糕、濃郁味噌湯。

兩個幾月冇約出黎，終於搵晚大家得閒食食食XD雖然係平日，但照理訂左位保障D架朋友話佢訂位時staff既態度唔太友善，不過算啦都係訂位姐，serve應該唔係果個人一入座，staff就好詳細咁解釋收費、份量、規則同選擇講得快同語調平d姐，冇事既刺身首輪先會有冰盤，不過講真有冇又咪咁食xd冰盤送上時d煙加埋整體感覺好有趣XDDDD，我地笑左好耐就咁睇樣，色水合格擺放合格，過到關以下係我個人既心水：三文魚真係厚切又長切，感覺好超值食落冇腥味冇雪味，油香較淡，相對地食落唔會好膩雖則大大件，但又唔會切到一忽忽，仲要冇筋唔難咬白肉拖羅油香味甘，都係厚切冇筋質感似凍左既油膏，粉中帶實，唔會覺得腥膩其他熟食由於放題限時，同埋上得好快，要清枱，所以冇點影到略略講下我中意食既菜式啦豬軟骨非常入味，冇雪冇腥係基本但佢係入味到稔到入口即化味道同感覺都同去味千果d食拉麵既豬軟骨有至少八成似佢唔係脆口版，係膠質版炸雞軟骨夠爽脆，炸粉唔厚我地點左兩次，都係一兜七成滿同埋冇粉粒（姐係淨炸漿冇料同埋真係細細粒又香口，不知不覺食好多串燒都好食燒得焦香而不苦醬汁香濃，加上份量適中唔會蓋左食材味道同太濃味我個人中意燒牛肉同雞肉

行行下突然想食任食.見到依間有日式及泰式即管試試...服務 :上到去都好嘈下, 唔太舒適, 裝修格局有D茶餐廳FEEL... 侍應態度算係咁!日式食物 :刺身都幾新鮮，冇怪味或腥味~~有頭甜蝦幾正, 大大隻又新鮮! 但希靈魚唔太得好淡味 , 其他(吞拿魚, 八爪魚,魷魚,鱆紅,鮑片,白肉拖羅,赤鯛)都算正正常常~~壽司麻麻地，D飯淋左D比較爛~~冇乜邊款比較好，所以唔多講~~蟹籽沙律算OK! 都夠凍，如果青瓜絲再幼D就好啦.海老天婦羅唔油喎，香脆唔油幾好.泰式食物: 蝦餅魚餅 - 普普通通 , 唔算有特色~雞亦 - 幾大隻但唔太熟~炸薯角 - 好淋唔熱~整理炸野油左D~豬頸肉 - 算唔差, 但瘦左D, 如果肥番D及燶左D~豬軟骨 - 炆得幾淋幾夠味~炒蜆 - 味道算唔錯, 唔太辣亦冇乜沙~沙爹串燒 - 叫左雞牛豬, 但沙爹醬蓋住晒分唔到,  串燒牛太生. 其他都OK! 味道唔差~冬陰公湯 - 得個辣唔夠酸, 亦冇冬陰公基本香味~泰式鳳爪 - 唔多得....只有辣! 冇酸味. 鳳爪唔夠爽....甜品:有雀巢雪糕任食. 另外一人一件甜品. Tiramisu 係全晚最滿意既食物! 幼滑香濃!

一大班人最好係食放題.book左位去到唔洗等.刺身拼盤: 象拔蚌都幾新鮮, 口感幾好; 其他刺身都好鮮味.炒蜆: 唔錯, 有大排檔8成水準.胡椒蝦: 做得夠入味, 好開胃.天婦羅: 炸得唔錯, 又唔會太多粉. 好味.泰式生蝦: 估唔到有得食, 蝦肉ok, 最主要個汁好好味.大部份食物都有一定水準, 而且係任飲！一班人一定會再黎.

當天本人生日，所以一班朋友幫興祝生日地方係朋友訂嘅，呢間嘢我都係第一次去，食物種類好多，有日式，泰式，仲有火鍋送，我本人最欣賞刺身！頭一盆次身我覺得好靚有煙出，啲刺身都算新鮮，我最鍾意食三文魚，白肉拖羅，泰式食物都唔錯有炒蜆、炒魷魚鬚，胡椒香葱虾，仲有和未一口牛，太多太多，不過都有啲嘢係麻麻，啲雞翼同猪頸肉，太亁，太硬份量太小！！不過總括嚟講都非常滿意！最開心就係一開始就有一個壽司旦糕送

字有D多, 但我真係好有心打, 因為我真係唔想大家中伏!!!!!!望見諒見BEECXXXY 團購$118(加一: $19), 影到咁吸引, 價錢又唔係貴就打算試下, 買前都有黎OPENRICE 睇下. 好壞一半半, 因為見話要食前兩日BOOK, 咁因為諗時決定, 15號打去問可唔可以BOOK 16號5點, 個女人一聽就話OK, 冇問題.. 咁就決定一博,  咁就賴左野!!!!4:50 上到去, 因為落場中, 起門口坐起度等, 因為已經同家姐有共識, 話唔好有咁大期望. 先唔會有失望....所以都抱住平常心去試下, 咁5點入得座, 當時全場得我地兩個人, 已經開始懷疑....因為平日所以冇人食??咁我地仲好樂觀咁去諗, 冇人咁一定唔會漏單啦...不過相對可能D野食冇咁新鮮...但問題就開始出現!!拎D紙出黎睇....野食選擇少得可憐, 同團購網上寫係有出入, 呢樣都算....之後多左兩台人起附近, 加埋我地兩姊妹都唔夠10個人, 第1 ROUND, 想食會食GE都畫左1, 剌身要左三文魚 6 ,甜蝦 20, 象拔蚌 4, 我諗大家食剌食一定會覺得我畫得少, 但眼見後面果台第2盤剌身都到左

與朋友眾會,選擇了這間提供多元化食物的放題環境方面,座位之間的空位間隔不錯,不會像吉壽那樣擠迫服務方面,上菜速度OK,但服務生的態度有待改善 剌身:三文魚,甜蝦等剌身水準不錯,至少沒有那種雪藏的味道.基本上整盤剌身很快就被我們掃清光,好滿足有再追order壽司:朋友說很美味,我沒試料理:雞軟骨,一口牛,炒蜆,炒肉等味道頗佳,其中豆腐我們叫了兩次.不過紅燒魚腩有點失望,很乾身咖哩則一般,可能因為不對眾人口味.天婦羅沒什麼特別,能夠接受的水準小食:非常惹味,春卷,串燒等等均十分開胃飲品:每人入座會送一杯特飲,不過我覺得麻麻地,飲汽水更好味甜品:讚!可惜的是每人只限叫一份,而且份量很小總括而言,整體上的食物水準是可接受的,不過價錢有點不值此質素,如果是以團購價的話我會再來但如果是walkin價的話我就覺得不太值得了,因為同價錢可以食到質素更佳的

之前已經食過依間放題野食都幾多選擇所以決定同朋友再去多次,不過星期六晚都驚多人一早訂定位,訂左8點鐘塞車遲左少少,雖然遲左少少但都好快安排番到座位俾我地~一坐低咩都唔諗就叫左D刺身先,雖然好多人但個刺身唔洗10分鐘就到左外觀仲要唔差,三文魚幾肥幾厚身放題黎講真係唔錯,最令我地驚喜GE係新出既白肉豚好鮮甜而且好肥美之後點左D熟食同飲品都開始上台,叫左D串燒 豬牛雞有齊,個沙嗲汁幾惹味,一口牛夠鑊氣,飛天通菜都唔差, 壽司加左好多款,個芝士年糕一咬落去成口芝士,超滿足既享受!食到尾聲仲有布丁同jelly,總括黎講 侍應既態度都算幾好,今次仲試暈哂佢既新款野, 超級滿足

見到GROUPON有優惠，又系OPENRICE見有唔少好評，於是買來唸住陪另一半慶祝生日！點知所謂既澳洲生蠔一d蠔味都無，仲凍到爆。刺身只有三文魚既質素OK。加$48 order左生蝦刺身（8隻），點知d蝦肉無味不特止，仲要好似接近”梅“既感覺。最衰系返來先發現其實團購可以$28買6隻生蝦刺身！！！但系佢地既人完全無提醒我！最大問題系入10張單，只有2-3張單既野食！BTW，如果WALK-IN其實只要$178/位！！！不過GROUPON既優惠券最平都系$118（+52附加費），即系$170！！！最後，其實質素同兆萬既$100左右既放題相若。是晚總消費$296+$163，平時食元氣都系咁上下咋！以後都絕對唔會再去！

尋日因為公司有同事生日，於是就收工齊齊上左日泰郎食放題慶祝一下一上到去即刻有位，咁就緊係即刻落order，d野食等得唔算耐，首先上枱既係個刺身冰盤，賣相好靚 幾新鮮，象拔蚌好爽口，唔係好多地方放題有得食，白肉拖羅好重魚油味，入口即溶，個炒蜆同個胡椒蝦夠入味，食得辣既絕對要試下個雞腳同埋皮蛋唔係一味得個辣字，好惹味，真係好正，天婦羅夠脆口，炸粉適中唔算厚，又有得打邊爐，要食多啲蝦同肥牛，回本首選，野食真係好多款，大約有成廿百多款，去一次真係試唔齊，侍應效率也不差，收柯打及上菜時間不算耐，真係值得去試下，每位約170大元