118
39
39
港鐵佐敦站 A 出口, 步行約2分鐘 繼續閱讀
電話號碼
2788 4333
65114148 (Whatsapp訂位)
營業時間
星期一至日
12:00-23:30
付款方式
Visa Master 現金
座位數目
250
其他資料
電話訂座 詳細介紹
加一服務費
電視播放
招牌菜
天婦羅 冬蔭功火鍋 刺身料理 魚翅濃湯雲吞
食評 (212)
盡情『蟹』逅 焦點食評
等級4 2016-11-07
1737 瀏覽
秋天來了,代表吃大閘蟹的季節來臨了。一向愛吃蟹的我卻未嘗在家吃大閘蟹,因為媽媽總嫌處理麻煩,所以為了滿足口腹之慾,最方便還是出街搵食。可是出面吃大閘蟹,價錢一定不便宜,想不到這天男友在佐敦發現了大閘蟹放題,$338一位,任食2.5小時,除了大閘蟹,還有中日泰多款菜式,我倆立即改變地點,今晚一於『蟹』逅大閘蟹!飲品選擇頗多,有許多口味的紙包飲品,汽水,果汁,還可以自製珍多冰!最驚喜的是莫過於連梅酒和sake都有,各試了一杯,味道不差啊!刺身款式甚為多元化,共有11款選擇,我們會樣都貪心地要了幾片,餐廳完全沒有漏單。刺身味道新鮮,沒有我最怕的雪味,而且非常慷慨,每樣都十分厚切,口感十足,絕對不是部分放題店般小家。我最喜歡的仍然是三文魚,紋理漂亮,肥美得很。希靈魚亦很爽脆。壽司方面最特別是有不少創意壽司,例如:海膽三色花之戀、帶子鵝肝壽司、火焰和牛壽司,全部都極其吸引!一些普通的壽司亦有,我比較喜歡較特別的蟹肉蟹膏軍艦,頗有驚喜,蟹肉堆得滿滿。海膽蝦壽司的海膽亦不會腥,加上名貴的海膽可見餐廳的誠意。泰式料理方面有冬蔭功。金邊粉,沙爹串燒等,我們只點了泰式生蝦,任點任食真的非常開心,但泰式生蝦辣度極高,我們都並非太食得辣又一次過點了6隻,最後有人堅持不浪費真的吃到差點流淚,哈哈燒物點了牛仔骨和羊架,調味不錯,不會太鹹。蒜蓉扇貝加上蒜蓉去蒸,味道惹味,但扇貝就比較細隻。燒日本蕃薯和菠蘿亦不錯。這兒還可以打邊爐,我還是第一次放題打邊爐呢!合心意的火鍋材料不多,我只點了肥牛,粟米,魚皮餃和一些丸類,味道發揮正常。吃到差不多,主角太湖大閘蟹終於來了!雖然蟹膏不算飽滿,但亦有橙黃的蟹油泛起,味道香濃。雖然我們每人只吃了3隻就停手了,但已經十分滿足,少吃滋味好嘛!餐廳亦備有薑茶,非常貼心,吃完大閘蟹一定要喝一杯!甜品選擇亦很多,甜品控的每樣都想試。較為驚喜的是榴槤糯米糍真材實料,真的塞滿榴槤蓉,雖然榴槤不算太香太優質,但放題質素來說收貨有餘。我反而最喜歡泰式西米糕、桂花糕等一眾糕點,味道甜美怡人。雪糕牌子是雀巢,原先也不太想吃,誰知竟然有芝麻味,那就要了一杯吧,哈哈,perfect!餐廳還有promotion,送龍躉湯,不過我怕會和薑茶相撞就沒有喝了。另外還有沙律,不過我就沒有肚去食了。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-21
1342 瀏覽
除咗出奇蛋,日泰郎都可以一次過滿足你三個願意,日式佢有,泰式又有,最勁係連大閘蟹都有! 問你服未? 2.5小時任飲任食放題。日式放題當然有刺身啦,三文魚,帶子,甜蝦。仲有M佬最愛嘅螺肉,中華沙律等前菜。泰式生蝦可以算係皇牌之一,不過用冰㡳上會好好多,依家唔夠凍!秋風起,大家仲可以加錢食埋大閘蟹,每人每次可以叫3隻。因為即叫即蒸,大家預落單後30分鐘會嚟。我哋建議大家每人每次叫2隻,否則凍咗唔好食。每隻大閘蟹都有3.5至4兩重,唔係好非常大隻,不過勝在隻隻都有好多膏,一開嗰蟹蓋,啲香味出晒嚟!最後,當然要食埋雪糕先啦 繼續閱讀
(以上食評乃用戶個人意見 , 並不代表OpenRice之觀點。)
等級1 2016-11-09
917 瀏覽
Hope you all enjoy with buffet. It's a little challenge to order sometimes because they rarely talk in English but they tried hard to understand Thank you for welcoming 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-23
1188 瀏覽
秋風起,開始有啲涼意。返工的阿姐已經開始講緊訂大閘蟹,耳濡目染下,心思思又想食。咁啱約左細佬係佐敦幫我拎野返屋企,經過條街見到大大個易拉架寫住大閘蟹放題,好吸引,決定去食返餐。其實幾年前都食過日泰郞放題一次,食物選擇都幾多,所以見佢放題有大閘蟹食,就又去試下啦。7點半入場,$338一位,可以任食2個鐘。7點幾人未算爆人,但人都唔少。汔水櫃、甜品櫃同埋食物counter算係圍住啲座位咁擺,所以拎野食幾方便。汔水除左10幾種罐裝,仲有自助飲品機,椰汁、酸梅湯等。甜品櫃都有成10種甜品,選擇算好多。食物counter有沙律吧,可自製沙律,亦有啲凍品,例如中華沙律、芝麻八爪魚同蝦。又有熱湯及糖水提供。但我地主力都係食蟹,侍應話蟹至少等20分鐘,所以一坐低就即刻order蟹黎食。但佢每次每人最多order3隻,咁未等到蟹之前都要填下肚先。先黎刺身,點左無幾耐就上枱,甜蝦大大隻,無漏單。食緊刺身,熱盤都上枱,雞軟骨、蒜蓉帶子幾好食,芝士年糕熱辣辣,咸咸地,好煙韌。羊架大大塊,燒得唔算乾。天婦羅我最鍾意個番薯仔,因為好甜,食左成5粒。放題黎講,泰式熟食算好豐富,但我地食到飽飽地,要留肚,所以只點左生蝦。生蝦隻醬料好辣,同泰國有得比。千呼萬喚,等左好耐,蟹終於上枱。橙紅色大大隻的好肥美。剪左蟹腳,揭開個蟹蓋,好大陣蟹味,蟹膏算係多,用羹挖出黎食,好似食緊奶黃咁,食完蟹黃香仲係個口停留。因為啲蟹算足両,所以啲腳都好有肉,隻隻都可拮到啲肉黎食。埋單400蚊唔使,食到飽飽,又可以瘋狂食足秤太湖大閘蟹,這大閘蟹放題值得試試! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-10-17
565 瀏覽
依家放題既種類真係層出不窮😳睇黎常見既日式放題已經唔足以滿足貪新鮮既香港人😼呢間放題除左日式泰式既野食之外,最近仲加埋大閘蟹放題🦀🦀🦀平日夜晚既2.5小時大閘蟹放題($338+10%),即叫即蒸保證係熱辣辣,如果唔係凍左就會腥架嘛😣蟹既質素都唔錯,雖然冇多到膏,但幾新鮮香甜,唔夠喉咪食多幾隻搭救囉😼平時放題既食物當然都有啦,唔少得刺身同壽司!炸雞軟骨熱辣辣好香口!泰式小食試左炸魚餅、蝦餅同泰式鳳爪,都唔錯喎。仲有自製珍多冰。椰汁西米糕同榴連糯米糍,榴連有驚喜,都幾香。 繼續閱讀
(以上食評乃用戶個人意見 , 並不代表OpenRice之觀點。)