日昇快餐

營業中

休息中

係觀塘做完野，到下午茶時間緊係周圍搵下邊到有平靚正既茶餐食，上網見呢間餐廳都幾平，$19-$30不等，真係好似連鎖快餐店咁，掛左水牌係收銀檯隔離，凍飲都只係加$1，真係幾平🙈.環境好大，好空曠，個段時間去冇咩客人，加左單比姐姐好快就整好食物.炸雞脾薯條 $30 7/10交左飛比店員之後，佢先真係開始落鑊炸雞脾同埋薯條，食得出係翻炸，因為3分鐘左右就有得食😂兩者都好香脆，但薯條偏咸，落左好多鹽，雞脾外皮脆口，唔多肥膏，炸完唔會成隻碟都係油，肉都幾嫩滑，呢個價錢仲包埋杯飲品，算不錯👍🏻

係樓上返工，同事極力推介日昇快餐既燒味飯，特別係蜜汁雞脾返。因為唔多鐘意食肉，所以以前好小食燒味飯，估唔到試左呢個飯令我開始每一個月總會有兩三次想嚟買雞脾飯食。 佢個雞脾肉好滑 皮有小小脆，仲有就係蜜汁勁香甜，加埋香蔥同甜鼓油的確一流，師傅比既飯都好多，次次都好大碟，岩哂我呢d食極都唔飽既人。師傅態度好好，成為左熟客之後好有親切感😜*燒腩仔都好好味*佢地既早餐銀針粉都值得一試希望佢地朝早多d賣銀針粉，每次去既時候都賣哂😌

五月上旬•炎熱炎暑盛夏，往巡視「業務」。想起這工友食堂，來吃叉燒飯。標明燒味「自家」製，水準真的比同區的好一截。叉燒肉質好，不過腍也不靭。味不過甜，也有香味，以$31連例湯的燒味飯（加煎雙蛋同價）來説，交足功課。其實也不敢吃一次就推介，已經在此吃過三次了，都滿意。值得一提的是這裡的阿姐們服務唔錯，你吃叉燒飯佢會問要唔要薑蓉，盛起了待拿的例湯會不時換上熱的，一點不「hea做」。

星期六，半公半私的又陪了太太出走觀塘。也是我去尋訪觀塘工廠飯堂的好時光。這一日，太太建議了日昇中心的這一家飯堂，原因是便宜，而且比較佬，沒有我相陪也不太願意一個人入來的地方。喜愛尋幽的我當然同意，來試一試好壞也不是壤事。工廠飯堂，地方絕對不華麗，但絕對是夠大，絕對有空間去容納大半棟工廠大廈的工友用餐。有不同的取食物處，有中有西，也有燒臘，先購票後取食的形式，十分之傳統。而這一個飯堂又是那個什麼 Ga Ga 集團經營，這又是 "GaGa Ooh lala" 的一餐麼? Ooh lala 事件沒有發生在我身上，茹素的太太要的芝士蛋三文治竟然要做三次才做得對。起初是火腿蛋，之後變，冇變過回來，第三之拿回去，說要等一等，發現到水吧的三個阿姐，你推我推，冇人肯認是誰的錯，結果芝士蛋治出來了，那麵包依然是夾過火腿的那一片方包，Ooh lala! 太太說算了，吃了一半受不了殘餘的葷味而最後讓我去解決這三文治。而我就如常地食個公仔麵，這兒果然是一個快餐的飯堂，呢頭拿了張單去水吧，果頭我的麵已經整好，雞扒，雞蛋相信是一早煎好，"chok" 好個麵，加上了麵包內