影片
營業時間
今日營業
12:00 - 15:30
18:00 - 22:30
星期一至五
12:00 - 15:00
18:00 - 22:30
星期六至日
12:00 - 15:30
18:00 - 22:30
以上資料只供參考, 請與餐廳確認詳情
有關獎賞計劃
同朋友慶生去咗日山位於灣仔合和嘅新店。餐廳入面嘅裝潢都非常有特色，除咗大廳係以「村上美術館」為概念，擺滿唔同風格嘅畫作，包廂嘅房間亦各有特色。好似「鶴」房就擺放咗由東京總店運過嚟嘅屏風同畫等珍貴原裝百年古董。而另一間需要預先預約嘅「秘」房就設有獨立omakase吧台，師傅會喺客人面前即席烹調，可以近距離欣賞到師傅嘅手勢。我哋分別叫咗七道菜嘅「松」($1298)同六道菜嘅「竹」($998)兩款套餐，套餐除咗有主打嘅A5和牛壽喜燒，仲有前菜、刺身/壽司、蒸物/溫物、飯/烏冬、甘味等嘢食，非常豐富。前菜「松」嘅季節前菜有四款，「竹」就有三款，每款都睇得出用咗好多心思配搭炮製，好似係清涼開胃嘅梅酒jelly 同沖繩水雲，用高湯焯過爽彈鮮甜嘅白梅貝、煙燻八爪魚刺身、黑松露和牛肉碎脆波波同鹹香Parma Ham芝士卷。刺身/壽司「松」嘅刺身三品盛有爽口甘香嘅兵庫縣黃金武士生蠔、幼滑鮮甜北海道海膽同吞拿魚。而「竹」就有三件唔同部位嘅和牛壽司，鵝肝A5和牛壽司用嘅係低溫烤焗嘅牛肩胛，肉味香濃，加埋火炙過嘅鵝肝，牛同鵝肝嘅油脂融合埋一齊，油香飽滿。海膽A5和牛散壽司用咗切成細粒嘅和牛西冷配搭creamy海膽，口感層次豐富。魚子醬和牛卷用上肉眼部位，魚子醬嘅鮮味進一步提升咗和牛壽司嘅味道層次。蒸物/溫物「松」套餐包咗清酒蒸鱈場蟹，蟹腳非常鮮甜，又有淡淡嘅清酒香。「竹」套餐雖然冇蟹腳，但都有青海苔汁煮鮑魚、車海老、蘿蔔同白舞茸。酢物「松」套餐另外仲有跟酢物，赤貝同車海老配搭柚子jelly同蔬菜，喺食壽喜燒之前可以先清一清味蕾。壽喜燒主菜嘅壽喜燒，師傅喺我哋面前即席烹調，無論係「松」嘅肉眼定「竹」嘅西冷，肉質都非常腍嫩，油香同肉香融為一體。跟壽喜燒仲有野菜五品，有日本大蔥、豆腐、粉絲、香菇、荷蘭豆、洋蔥等蔬菜。師傅會將蔬菜配搭埋和牛一齊上，加埋蛋汁真係非常好味。跟餐可以揀飯、熱或者冷烏冬，我哋就叫咗一熱一冬嘅烏冬，烏冬係扁身嘅稻庭烏冬，口感彈牙。甘味最後嘅甜品就有靜岡蜜瓜、沖繩黃金菠蘿配柚子雪葩，水果新鮮又夠甜，雪葩好香柚子味，酸酸甜甜勁消暑。話說喺商場去餐廳既時候會先經過一條模仿東京淺草鷲神社嘅隱蔽小路，入面仲擺咗象徵好運來嘅巨型吉祥熊手。好適合同朋友去餐廳食飯時打卡呀。。。日山 (灣仔)灣仔堅尼地道15號合和商場4樓416號舖。。
繼續閱讀
之前食過尖沙咀嗰間，今日試吓灣仔新開嗰間，位置有點難搵，裝修跟尖沙咀有點不同，比較新潮，侍應服務很好，有親切感，不過每張枱距離比較近，感覺不太好，壽喜燒食物質素保持良好，總括來說，今天的用餐體驗不錯。
繼續閱讀
被全房型設計吸引😙 每間房門口都有佢嘅名，今晚食嘅係「鶴」房，聽完店員介紹先知原來係百年房🫣 神還原日本! 都唔知原來咁有歷史價值👍🏻 呢度全房型設計好啱我同啲朋友嚟💯 食飯傾偈一流!! 唔使怕影響到人😙 啲牛係國寶級牛💖 入口即溶，真係同我喺日本食嘅一模一樣，唔使飛就有呢個享受⭐️ 啲staff 態度好好，好俾心機介紹嘢食🫣 喺香港飲食業好重要….！ 不過最驚喜嘅竟然唔係啲嘢食，我覺得係成個環境好舒服坐得，見到好多嘢都係日本空運到港，感覺有種半去旅行感覺…. 連住個商場去又方便又方便，我覺得除咗同朋友帶屋企人都好適合!!! 會再嚟幫襯🥹🥹
繼續閱讀
襯住朋友生日先有藉口去灣仔合和商場嘅日山試一試一入到間房 就已經比日式懷舊的裝修包圍住未開始食飯之前仲比我地自己揀左自己中意嘅筷子同Sake杯 滿滿嘅情緒價值🤣因為好想食壽司所以我叫左「竹」套餐 價值$998個set 包左前菜+溫物+壽司+壽喜燒牛+飯/烏冬+甜品 前菜+溫物份量都比我想像中多壽司亦都估唔到原來咁大份咁足料！個和牛散壽司加個A5和牛壽司真係好amazing 三款各有特色嘅壽司我都已經食得好開心🥹跟住到個主角壽喜燒和牛出場 完全震撼到我味蕾塊牛勁大塊 仲要有兩塊 記得要配住個日本米飯食原來碗飯用嘅米都有名堂 叫夢美人 最後最後 一間餐廳能唔能夠為食客留低好印象回唔回頭係個甜品到真係可以見真章雖然望落去好似好簡單 係時令水果雪芭但係原來有一舊粉紅色玻蘿 我人生都係第一次食個雪芭都好好食 食完好refreshing 解左啲牛嘅油膩 總括嚟講成餐飯 好豐富 有私人房間個環境好靜好舒服 可以同朋友傾住計 慢慢食 餐廳職員都好有熱誠咁介紹所有食材亦都係細節到感受到師傅完全無手鬆 一啲都唔馬虎 估唔到香港都食到日本人個種細心 日山真係有帶到驚喜比我 特別日子絕對會再翻嚟一戰
繼續閱讀
琴晚慶祝朋友係外國翻黎，上網搵左呢間新開既日山食飯，因為佢主打全房設計岩我地成班朋友傾計都嘈唔到人一早book定網紅打卡個間tatami房，讚👍🏻👍🏻成晚坐係入面食飯真係好有feel，而且原來唔洗真係跪喺地下😂係有凳坐而且坐得幾舒服添其實呢間米芝蓮壽喜燒好耐以前食過尖沙咀嗰間，所以嘢食水準都係喺我預料之上，但係呢度好似更加好玩，啱我呢班朋友，例如我哋飲酒佢又攞一大堆sake杯比我地揀，食飯對筷子又有十幾對真係日本訂返嚟嘅筷子俾我哋揀，因為樣樣都唔同顏色，揀嘅過程都好過癮 由於坐房嘅關係，我哋更加有心機聽佢逐個嘢食慢慢介紹，可以望住佢一路燒個sukiyaki一路比我地影相打卡，而且個同事仲一路比我朋友捉住係咁傾偈😆所以佢應該好multitasking 最後埋尾個甜品唔記得咗影，係個好清新嘅雪芭加好罕有嘅粉紅菠蘿，之前喺朋友屋企食過知道係靚嘢，證明呢間餐廳連飯後水果都唔係馬虎，個人認為值得讚👍🏻👍🏻比較鍾意留意呢啲細節位，真係俾返呢個價錢應該有嘅嘢你，再加埋服務同埋用餐體驗都可以話係物超所值，因為我哋真係食得好開心。
繼續閱讀