影片
港鐵黃埔站 B 出口, 步行約5分鐘
繼續閱讀
電話號碼
66761236
營業時間
今日營業
12:00 - 15:30
17:30 - 21:30
星期一至日
12:00 - 15:30
17:30 - 21:30
*截單時間：21:00
以上資料只供參考, 請與餐廳確認詳情
今日（5-4-2025 Sat）老公嘅男友人IN爸爸設靈，我哋嚟呢喥食個晚飯先，時間仍早，但都已有3枱客，我哋被安排坐最後嗰張二人枱，我哋掃code落單，就要$268.00嘅自由選擇二人套餐，已配有北海道帶子，磯燒鮑魚，要咗：3. 熱桂花烏龍茶係茶包嚟，味道消清清地，唔錯。4. 熱苿莉花茶竟然有玫瑰花，飲落味道同樣係清清地，舒服。1. 藥膳濃湯稻庭烏冬，加$28.00嘅銀鱈魚西京燒， 青蘋果紫薯球，加$4.00嘅芝麻紅豆福餅睇見份量唔算多，稻庭烏冬可以揀湯底，而佢嘅口感開始偏腍但啱我，藥膳濃湯味道淡，同似豬骨濃湯多啲，會唔會俾錯咗？但我唔記得攞張單。2分青蘋果紫薯球好靚，而原來青蘋果粒藏咗喺紫薯蓉入面，紫薯蓉唔太甜，夾咗微酸嘅青蘋果粒，又幾得意。3分北海道帶子係啱啱熟，唔會嚡。5分磯燒鮑魚就食到啲燶味，但口感係正常唔錯。4分銀鱈魚西京燒魚肉嫩滑冇問題。3分芝麻紅豆福餅口感亦正常又唔太甜，ok嘅。4分2. 冷蕎麥麵，慢煮鴨胸，南瓜佃煮南瓜佃煮，普通唔覺有咩特別。3分冷蕎麥麵冇味係正常，要沾汁同食，冇乜問題。3分睇見鴨胸皮下脂肪都唔薄，食落，鴨肉嫩滑，唔錯。4分環境：我哋一開門，就已經感覺冷氣都幾凍，但坐低後，廚房開始整嘢，油煙就大咗，所以冷氣要開大啲，但好彩空間都合理。3.5分服務：好基本，唔係話特別好亦唔係特別差，因為當俾menu同餐具時，都唔會同客人講聲唔好意思，只係放低飲品，嘢食時問邊位客人嘅。3.5分其他：最低消費每人一個套餐。
繼續閱讀
談到日式料理🇯🇵除了壽司、拉麵外，暖心的家常定食亦同樣能俘虜不少人的胃口❣️這次到訪的小店位於紅磡，主打慢煮料理😚一直的默默耕耘令它廣納粉絲，成為紅磡美食名店之一😎———————————————————————這裡的定食套餐包括兩份手工沙律、一份主菜、一份主食和一碗湯品，以大約$100的價錢來說，性價比相當吸引😍豬肉肉味濃而且肉汁豐富🐽雖然脂肪比例低但質感依然厚實有彈性😋與清新解膩的肉桂蘋果蓉可說是天作之合😊經慢煮後的封門柳大約五成熟🐮外層有少許焦香🔥內裡肉質保持嫩滑😌在沒有太多調味下，牛味相當凸出🤩將封門柳肉味濃的特色發揮得淋漓盡致👍🏻紫薯蓉壓得非常細膩，口感十分綿密😊味道清甜😋青蘋果粒的混合添加了爽脆口感😳其酸酸甜甜的味道亦令沙律更加清新🌿茄子質感軟爛，有淡淡味噌香氣😌鹹甜交雜😆加上木魚絲，味道充滿日式風味🇯🇵南瓜同樣煮得軟爛綿密☺️但調味方面稍甜🤨令南瓜本身的清甜味道略嫌被掩蓋😗———————————————————————從前菜至主食，日嚐都一一用心處理💕雖然沒有什麼驚為天人的味道，但其心思已能經食物傳達給食客🥳
繼續閱讀
日日行過哩間鋪頭，都好full下，今日收工早少少，睇到有位快D試試。店鋪唔大，得幾張台，以原木裝修為主，都幾溫馨。晚餐提供數款日式套餐，平平地已經有埋兩款手工沙律，餐湯，主菜同主食。可樂，係套餐搭配，會搭配埋冰杯，唔錯。慢煮美國封門柳，搭配柚子胡椒醬同越光米飯。封門柳大約5成熟，外面焦香，內裡仲要紅色。食落肉質軟嫩，牛味好香好juice。越光米好高質，米飯煮到粒粒分明，有韌性又好甜。南瓜佃煮同蘋果紫薯球，南瓜綿密香甜，紫薯細膩似甜品多D。酸忌廉煙肉薯仔沙律，酸忌廉唔會好酸，同薯仔都幾搭下。裡面加咗洋蔥同煙肉，味道好豐富。慢煮和牛舌，牛舌勁厚一件，用慢煮方式烹飪牛舌，食落唔會覺得un, 反而覺得軟嫩爽口。稻庭烏冬揀咗昆布木魚湯，烏冬食落好彈牙。木魚湯用咗好多木魚花同昆布煲制，清澈透亮，同烏冬好夾。柚子青瓜漬同和風茄子，青瓜漬酸甜爽口，茄子軟嫩味增味濃，兩款小菜都唔錯。
繼續閱讀
#MC帶你去紅磡 #MC帶你去黃埔.每次經過黃埔，都總會發現依間日式小店排曬長龍，今日終於得閒試一試！➖✨ 日嚐.餐廳位於紅磡明安街寶石戲院樓下，主打日式定食套餐；店內裝潢以木系為主，走日系簡約素色風格，用餐環境舒適。➖🥢 慢煮美國封門柳 ｜$118 ✨人氣之選✨🥢 配越光大米；加配醬油蛋（加配 $8）.封門柳呈粉嫩色，大約五成熟，脂肪少肉味好濃厚；醬油蛋汁與日本越光米飯拌勻，醬油加上香濃蛋汁，超級加分！➖🥢 慢煮泰式雞配泰式辣汁｜$88 ✨推介✨🥢 配稻庭烏冬 .雞肉經過慢煮後，肉質非常嫩滑，搭配泰式辣汁，辣辣地好開胃；稻庭烏冬口感煙煙靭靭，細妯碗份量啱啱好。➖🥢 季節沙津｜酸忌廉煙肉薯仔沙律.用了薯仔、生紫洋蔥、蔥花、煙肉等而成，質感比較濃稠，材料簡單但味道好好！➖🥢 季節沙津｜日式大根.蘿蔔深色入味，味道清甜又無渣。➖🥢 季節沙津｜和風茄子 .茄子肉十分軟腍，加上日式味增調味，味道鹹鹹甜甜。➖🥢 季節沙津｜柚子青瓜漬.青瓜口感爽脆，以柚子及日式味增醃漬，超級入味。➖🥢 季節沙津｜話梅漬番茄.話梅味十分突出，加上番茄水潤酸甜，非常清新開胃。➖🥢 跟餐飲品｜茉莉花茶（熱）.➖🥢 跟餐飲品｜桂花烏龍茶（熱）.➖➖➖➖➖➖➖➖➖➖➖➖➖➖#Ming_Course #九龍城區美食 #紅磡美食 #黃埔美食 #紅磡好去處 #香港美食 #香港探店 #紅磡 #日嚐
繼續閱讀
今次同家姐嚟到紅磡行街，經過一間日式餐廳，睇到門口嘅餐牌都好吸引呢～而且午市套餐真係超抵食，人均都係 $100左右，選擇又豐富，可以根據自己嘅口味組合唔同嘅主食同手工沙律，決定係門口排隊等一陣。餐廳主打慢煮同手工料理，由主菜到配菜都充滿心思，而且份量都好多呢。主菜方面，特別推薦慢煮封門柳，肉質軟嫩濃郁，搭配埋青蘋果紫薯球，清新開胃之餘，口感豐富。我哋仲追加咗一份小食廣島蠔，蠔肉滑嫩鮮甜，yumyum 🤤另一道份主食係慢煮黑毛豬配肉桂蘋果蓉，肉質嫩滑多汁，外層帶有焦香，加埋肉桂蘋果蓉，甜味同肉香配合得啱啱好，完全無油膩感。甜品嘅蜜瓜福餅甜度適中，口感軟滑，亦有淡淡嘅蜜瓜清香。✨ 慢煮美國封門柳配稻庭烏冬青蘋果紫薯球✨ 慢煮黑毛豬配肉桂蘋果蓉配越光米飯✨ 廣島蠔✨ 陳皮檸檬茶✨ 蜜瓜福餅
繼續閱讀
您可能會有興趣的...