日和屋

兩年前左右啱啱開業就開始幫襯嗰陣嘅雞軟骨同丼飯都好抵食仲要有水準 睇得出係有心機做隔左一年無幫襯過，早兩日買左個三文魚丼飯做宵夜，買完就知道中伏 兩個店員都冇帶手套不特止 明明成間舖得我一個客等緊 兩個都可以坐喺度玩手機 完全見唔到邊個人整緊我個飯，隔咗10分鐘左右我個飯就出現咗(成個情形我喺企咗係佢店前望住)返到屋企打開，第一啖就試三文魚沙律 點知硬到好似石仔咁 我再食啖飯 啲飯係完全黐埋晒一舊嘢咁 仲要硬嘅 ，我再睇佢啲三文魚腩 幾塊都仲係連住皮 咁就收咗我$75 最後我爬哂啲飯就掉左😅雖然唔知有幾多人會睇咗OpenRice食評先去試 但如果想幫襯真係要三思…查看更多

之前成日買呢間小店既刺身飯做宵夜最近加左價貴左唔少就少食左今日下午突然想食下 點知買到返去發現d魚生切得薄左好多🥲一夾就散果隻 呢價呢個水準好唔抵食估唔到加價後水準反而仲差左 好失望…查看更多

壽司整體係低於水平。叫左一個海膽手卷、一個軟殼蟹手卷同埋一個”醬燒三文魚卷”。壽司飯太濕、感覺似食緊爛飯，仲要冇壽司醋味同咸味😵‍💫三文魚都爛蓉蓉，無囗感無咩鮮味⋯(食個卷時好似食緊三文魚粥咁)軟殼蟹手卷炸得太油、無晒口感。。。其實買完等緊時已經覺得出出地事，因為廚房環境非常唔整潔，不至於話污糟，係有啲雜亂無章咁。拎到返屋企打開就知，真係麻麻地🤢🤢🤢希望貴店用心改善 ( 坦白講如果我係做壽司，煲完煲嘅飯係真係會重新煲，唔可能咁樣拎出街賣….)…查看更多

😷疫情關係，買/叫外賣既次數相對都多左🐟三文魚炙燒丼有8片厚切三文魚同三文魚沙律，一半刺身一半炙燒，炙過既三文魚有少少煙味，我自己另外加左飛魚籽，帶子同赤蝦😋😋 飛子籽好卜卜脆，帶子都赤蝦都好新鮮好甜，刺身下面舖左青瓜絲，增加左個口感🌟好欣賞小店既Wasabi係新鮮即磨，豉油唔係普通壽司豉油，係昆布壽司醬油，唔會好咸，做到提鮮既作用，只設外賣，可以提前WhatsApp落單🫶🏻想睇更多食評，記得留意IG __imfoodieb…查看更多

除咗碗仔翅之外，隔離見到一間買手捲嘅鋪頭所以就過咗去買一兩舊手捲嚟食，見到嗰間舖頭其實都有唔少人排隊，證明應該有一定嘅口碑。今次就叫咗個免治吞拿魚手捲。 等咗大概十分鐘就有得食，見有人其實都會直接拎完就即刻食，不過始終防疫問題，我都係買返屋企自己食。佢外賣手捲嘅紫菜係另外獨立包裝，所以唔擔心會變軟。見入面餡同埋飯嘅份量都好多，不過略嫌包飯嘅紫菜比較油，但係都唔影響我嘅食慾，wasabi同豉油都配得好足，下次可以encore。 …查看更多

將軍澳友對尚德宵一定唔會陌生，呢個就有機會再同大家分享🤣今次想講既係係正宵夜檔旁邊既日和屋，只做外賣，主打日式手卷，另有少量丼飯、壽司同小食😋日和屋手卷款式多達40款，由$10-$56不等，定價正常。手卷即叫即做，包裝仔細，誠意十足👍🏻跟埋包裝豉油同芥末，衛生又細心☺️1. 火炙油甘魚 ($22) 🌟3.5/5分三大塊厚切油甘魚，份量十足😍魚肉味道較淡，未至於非常鮮甜，但外面輕微火炙過，加上少量蔥花同芝麻，些少焦香，魚油香突出🤤相信如果可以再燒耐少少，更能做到入口即溶的效果💪🏻飯粒暖暖地，醋的比例恰當，值得一讚👍🏻 如果大家平時食宵檔悶悶地，不如試下日本野緩衝下😂款式咁多，下次食宵我地再試下其他先😜💕…查看更多

第一次幫襯...估唔到咁好味的手卷....三文魚厚切....帆立貝大大粒...餸仲多過飯.....由頭食到落尾都食到三文魚...超值又抵食....只係$22⋯⋯街坊價的隱世美食...下次要試埋佢哋的丼飯…查看更多

唔想煮飯，所以買外賣，見到這間海鮮檔幾吸引，便即管試試。魚生新鮮，分量頗大，價錢唔貴，感覺唔錯，好抵食，街坊值得去幫襯。三文魚炙燒丼 ~ 正海老角切丼～雖然是海老海丼，但只有一隻蝦，主要都是三文魚，不過都好好味…查看更多

試吃過第一次，就有二、三、四、五次……唐揚炸雞，脆嫩多汁，即叫即炸，一定要試!牛肉丼亦好好味，吃過一定會再想食。而且又係即製，超有誠意。軟殼蟹手卷亦無得頂，如果唔想紫菜太淋就要盡快吃!…查看更多

今日入到黎將軍澳，咁啱意外發現好有hearts 既日式手卷壽司小店，d員工好好人推介既野食都好好味👍🏻蟹子沙律手卷 $15 呢個好抵食,諗住試下簡單野,點知意外發現好有Heart,沙律醬同蟹子既比例唔錯，唔會過多既醬，味道岩岩好，感覺好清新鰻魚芝士手卷 $22呢個好正，鍾意食鰻魚既誠意推介，食左兩round都係即興企係度食，個鰻魚係即燒，好好味，再加埋配芝士不過感覺又唔會溜，手卷入面嘅飯好有驚喜😍仲有鰻魚汁係入面，諗真唔錯牛油果軟殼蟹手卷 $21牛油果配軟殼蟹真係必叫，整身呢個配搭都係好matching,呢間既軟殼蟹個炸醬好薄唔會食到成口粉👍🏻入面仲好juicy三文魚海膽手卷 $38三文魚海膽呢個，兩樣材料都新鮮，海膽係我至愛，呢個組合穩陣之選海膽甘蝦手卷 $38甘蝦口感清甜，海膽鮮味，呢個無加鼓油都好好味帆立貝海膽手卷 $38好好彩，老公一叫完下個客人買就賣晒😆個帆立貝好厚切，本身我麻麻地鍾意食帆立貝既都忍唔住偷食左老公叫既呢個手卷幾啖🙈…查看更多