旅僕咖啡 (已結業)

都幾失望吓，連意粉都唔太好食，仲等九個字，同埋收多錢。完全無心做咁。真心無下次了。去到已經唔多人，但可能多外賣，叫我地等10-15分鐘，但係最後等左45分鐘。意粉只是水煮完，撈落去，無味，之後用芝士同煙肉蓋住，但意粉係無味。意粉水多過汁。本以為40-60左右嘅意粉，幾抵食下，但食完就知，真係得4分左右（10分滿分）。順帶一提，沙律同湯另加錢。So disappointed.真心，意粉好難唔好食，但佢做到了唔知點解咁多人話ok.完全唔推介。臨走先知是轉手再經營，唔怪之得。太平洋貿易中心嘅第二中伏地方。

話說今日黎呢個工廈上one day course，完全未試過觀塘返工真係好擔心晏就飯會唔會爆多人，工廠區會唔會無咩好食，所以上堂前就做左少少功課，睇下附近有咩好食。一搵之下，搵到呢間旅僕咖啡，剛好就係我上堂既大廈，感覺應該幾方便，睇相都ok，於是就黎試下。黎到既時候都仲有位，lunch時間唔算好full。本身諗住叫卡邦尼，點知原來有款叫是日精選，牛油果吞拿魚意粉，本身覺得牛油果幾健康，又中意食，就叫左。個賣相係唔錯既，味道就覺得一般，係健康既味道，其實都係配合返牛油果。跟餐可以揀小食或者蘑菇湯，我揀左湯。呢個蘑菇湯好creamy，有蘑菇粒，幾好味。野飲就加錢叫左蜜糖紅茶，幾好味，係滋潤既感覺。整體黎講唔算好平，味道還可以，附近返工都係個唔錯既選擇。如果再黎上堂應該會再食既。

呢間Cafe整體質素真係唔錯，佢嘅缺點亦係佢嘅優點，就係個location比較唔就腳，不過正正因為係咁，所以可以真係靜靜地嘆番杯咖啡，又可以睇吓佢D旅遊書，Hea吓Hea吓好舒適，而且佢D咖啡同食物都幾好，而且好平，行遠D都係值得嘅。今日飲Black Coffee，我鍾意熱飲，因為會香D，佢呢隻咖啡豆唔錯，味道好Balance。另外揀咗個胡麻田園沙律，份量比想像中大，咁樣都只係賣$30，簡直就係抗通脹好選擇。雖然係價錢平，但係佢D用料又真係唔馬虎，D蔬菜都真係幾新鮮。個Main Course我揀咗明太子忌廉蘑菇煙肉意粉，佢個紫菜加香草絲又同個意粉幾夾，落少少明太子吊一吊味真係唔錯。三款野夾埋先至係$83，嚇我一跳，仲同侍應有無計漏(我事後先睇到個餐牌的價錢)。

剛剛轉換了新既工作，仍在適應期當中，每日lunch time 前都同同事們苦惱一間食咩好，到了lunch 時間，行下行下 突然望到遠處有間cafe的廣告牌，就一起上去探索究竟。Cafe內的裝飾很細緻，給人很舒適的感覺。最後每人點了一個set ，最讚既係佢既沙律好fresh，菠蘿，車厘茄，生菜，粟米都很新鮮。食完這個lunch後，感覺成個人都健康左，最後帶住愉快既心情回去公司繼續工作。

返咗三個月新工，周圍搵吓有咩好嘢食，無意中發現呢間工廈既cafe跟午餐包一杯檸茶，重可以喺自助沙律吧取一次沙律，有蔬菜都新鮮、仲有菠蘿、粟米、車厘茄、生菜、同碎蛋，味道中上，午餐人均80

周圍環境都配合返餐廳主題，全部都係旅遊嘅資訊，感覺就好似去到一間民宿，旅途中嘅其中一個補給站麵包係普通白麵包，牛油果醬近似配墨西哥脆片嘅牛油果莎莎醬，頂層仲有水波蛋同煙肉脆脆，混合一齊食頗有異國風情，港式早餐比較少見餐飲可以轉 latte ，係正常cafe級數，雖然唔係裝修得好豪華，但就有一種溫馨感覺，有一份自在

話說Bookmark咗一段時間，由於第五波疫情嘅關係，一直都Work from home，呢日難得返公司，Check定咗IG佢話已經開返，就一於上去碰一碰運氣。2點鐘黎到堂食位置只有一個人嘆緊咖啡，唉。。。小店們都有夠吃力的～喺點餐位置order咗一份堂食午餐P $79前菜5選1 >>> 牛油果醬粟米片主菜18選1 >>> 旅僕手撕雞伴刀削麵 (胡麻)跟餐飲品6選1 >>> 任飲是日冰果茶自己斟咗杯冰茶，返去堂食位置坐低，好快店員就送上我的前菜，我真係好鍾意食牛油果醬的，Nachos亦冇漏氣 慢慢食等到主食來了，挑選咗胡麻口味自以為會係日本芝麻醬嘅味，食入口有把嘴巴麻醉了的感覺，姐係平時食麻辣嘅麻呀，有驚喜地開胃。

呢間cafe好抵食，價格實惠得嚟啲嘢食質素都新鮮唔錯。仲可以全日任飲飲品（白桃冰茶）同雪糕，staff態度都好好！cafe入面位置有沙發、或者室外露台可以揀，都冇限離座時間！

疫情關係搬去沙漠offer, 係兒童醫生鈄對面,咁就唯有近近地去呢間cafe買外賣食啦,因為之前都有去堂食,環境同食物都幾好,重點係lunch set加$10就可以加個沙律,沙律吧係可以自己想要幾多就攞幾多,有青瓜,蕃茄,粟米,蕃茄仔,重中之重嘅係薯仔碎蛋沙律其實我都係為咗食佢個薯仔碎蛋沙律,超好食今日叫咗個灸燒芝士磨菇雞皇飯,個汁味道都似胡蘇叔叔嘅磨菇飯,但係冇佢咁咸,都可以嘅,我通常食完個沙律都唔係點食得落盒飯,有時可以食2餐 如果細食嘅lady,可以叫一個餐加沙律開心share,佢跟餐都有杯熱茶或者凍果茶,其其他嘅就要再加錢,而家咁樣有飯有沙律加埋嘢飲都係59蚊,重要叫好食,算唔錯啦

Geo條👅評分：⭐️⭐️ ⭐️ ⭐️(5⭐️最高）煙三文魚酸忌廉焗薯+蘑菇湯 $84 黑椒鹹牛肉焗薯+沙律 $78雞胸冷拌蕎麥麵 +雪糕 $72Oreo雪糕窩夫 $唔記得咗🤣早排去九龍灣搵吓搵吓就嚟到呢間cafe，cafe個環境都幾得意又有broad game玩吓，嘢飲就半自助形式可以自己拎，整體感覺都幾chill😊同埋附近泊車超抵，好似$10定$15一個鐘(星期六)😂嘢食方面，我就覺得佢哋啲焗薯幾吸引，所以叫咗一個煙三文魚焗薯，一個鹹牛肉薯，焗薯都幾大個，焗得幾香口，煙三文魚果個有酸忌廉好開胃好好食，鹹牛肉嗰個就比較惹味👍🏻仲有一個雞胸蕎麥麵，個蕎麥麵配上芝麻醬，凍凍地加埋雞胸食落去個感覺幾好同埋幾健康😊我哋仲叫咗一個Oreo雪糕窩夫，呢個窩夫又整得唔錯啵，雪糕就係Oreo果啲啦，但佢果窩夫唔會太過硬，軟硬度適中，因為我好怕食到一啲好硬窩夫😂如果想靜靜哋chill吓，呢間cafe都唔錯😊

市區愈來愈多餐廳午餐時間限時90 分鐘，又或者已經好full兼且有人係門口排緊隊攪到你都吾好意思坐咁耐。香港地想比幾十蚊食飽飽又任飲任hea 又不用受店員白眼既地方真係唔多。最近比我係九龍灣發現一個平靚正又可以任hea 嘅勝地——旅僕咖啡。餐廳以旅遊為主題，有一排旅遊書比客人自由選讀，一邊牆擺設左世界各地嘅紀念品，另一邊牆則掛左個立體世界地圖。餐廳仲有好多board games比客人玩，即係預咗你坐幾粒點都冇問題。午餐有十幾款揀，包自助沙律（一次）或蘑茹湯/雪條/甜筒/牛油果醬粟米片。想要曬兩款加+$10。自助沙律係必食，雖然話只取一次，但個碗好大好深。各款蔬菜都好新鮮，薯仔沙律好食。另外，仲有自助冷熱紅茶。主菜我點左蜜糖香草慢煮雞胸，出乎意料的好食😋雞胸簡單地加鹽、黑胡椒、香草、蜜糖調味，調味嘅份量恰到好處，清清地能突顯雞的原味。雞胸多數嚡口，但呢度嘅雞胸既滑且嫩又juicy，加配新鮮羅馬生菜係完美嘅低脂低鈉低卡路里但又不失美味嘅組合。唔使驚份量小吾飽肚，自助沙律攞返d薯仔沙律、螺絲粉、雞蛋等，包夠飽！$64吾使加一，食得健康又經濟。朋友點嘅main dish 係黑椒蘑菇雞肉飯，呢個

武漢肺炎之後, 我地成日LUNCH 都食外賣, 呢間旅僕CAFE 我地都食咗好多次, 佢真係好方便, WHATSAPP 落單, 之後過去拎, 唔駛等, 直接去SALAD BAR, 正~ 整完SALAD 啱啱好拎得個主菜, 返去就慢慢食~ 真係快靚正呀~我地平均一個星期都食一次, 佢呢排轉咗MENU, 有D新嘢試, 我就緊係試新嘢啦~ 我今次叫咗佢既香草鴨腿伴飯配經典洋葱汁, 當然唔少得佢既自助SALAD BAR, 我最鍾意食佢既薯仔沙律, 羽衣甘藍, 麻香椰菜etc, 佢既SALAD 真係好多CHOICE, 一定要加SALAD!! 一定要加SALAD!! 一定要加SALAD呀!!! (重要既事情要講3 次~)佢個香草鴨腿伴飯配經典洋葱汁都好有誠意, 個底勁多洋葱, 絶對唔係HEA你, 成隻鴨腿, 見到就已經好開心~ 好好味, D 鴨味好濃, 正呀!!! 呢間旅僕會繼續係我地既飯堂~ YEAH~~

前幾日咁啱lunch時間比較長，同事建議試吓新野，經佢帶路嚟到呢間旅僕咖啡，一開始聽個名以為係女僕咖啡😂，黎到發現係旅僕唔係女僕小失望😮‍💨。當日冇乜點影到個環境，不過餐廳起工業大廈貌似有兩個單位，而我哋起副單位內就餐。副單位裝修比較簡陋，唔太感受到旅遊嘅氛圍。另外疫情期間可能員工人數比較少，有啲顧客食完嘅嘢隔咗好耐都冇人清理，令到個畫面唔係太靚😂而等嘢食送黎嘅時間比較長，不過好在餐廳有唔少嘅board game免費提供比顧客玩住等，所以等待既時間都變得好開心👍🏻👍🏻嘢食方面點左個雞卷配薯角，賣相同味道都好好👍🏻雞卷煎得幾香，裏面包住蔬菜🥬，食落去有層次唔太乾總結呢間野可以再戰

放假特登黎呢間以旅遊為主題既café，地方幾闊落，位都算多，想喺度舒舒服服食野同埋hea下，食既野唔算多，不過份量一啲都唔少 香草肉醬鴨胸焗長通粉 ($74)份量算多，有好幾塊煙鴨胸，好多香草同肉醬，用心製作凱撒沙律 都係好大份，完全唔吝嗇沙律醬，麵包粒好脆架～唐揚炸雞配蜜糖芥末 ($68)下午茶時段有送薯角，啱啱炸起夠熱又夠晒脆口，好好食。炸雞充滿肉汁好juicy，配蜜糖芥末簡直一流啊窩夫叉能柱 ($68)個底係一塊窩夫，喺限定時間內將雪糕球砌上去，以自己能力砌到幾高就可以食幾多，玩得又食得。好好彩地我地有人夠力”筆”到啲雪糕，最後食到好多球而且呢度坐得耐都唔會趕人走，服務態度又好，下次要再黎

減緊肥，戒澱粉！ 人都Mun!今日星期五想好好食個早餐滿足下自己，突然想起平時好想食呢間早餐，嘩嘩嘩！多士呀！仲要厚架! 唔理，食左先講！勁多味揀，一係唔食，一食就食個最邪惡嘅，朱古力加花生醬! 加杯Latte就有個perfect morning !OMG,媽咪~係粗粒花生醬! 好好味呀！行多幾個圈，下星期再黎！