方姨小廚

營業中

休息中

✨️芒果糯米糍 $17 真係抵食，好大舊芒果😋! 而且糯米皮好薄！但美中不足係芒果吾算甜，無乜味🥲 屋企人食嗰舊仲有啲酸，可能因為而家吾係芒果當造嘅季節，不過都有種清新嘅感覺。而且好天坐出面可以望住個海景食🌊✨️總括而言係吾錯。😆推薦指數：8/10

初入長洲，晚市尋求好野食。行過見二魚類套餐相當之便宜只需要70-80蚊一位就可以食到魚 又有白鱔又有油鎚又有鯇魚咁 而且凍飲仲可以追加沙冰等餐需時因為即叫即做 味道相當之好

在市區完全沒有吃過兩餸飯，反而山長水遠來到離島長洲吃了個兩餸飯套餐$50，價錢足足是市區的兩倍，也沒辦法因為沒有疫苗通行證，原來連室外露天座位也需要疫苗通行證，因此只能買些簡單的外賣吃，坐在海邊望住過海午餐，感覺也不錯😌我們點了椰菜花炒雞柳及雜菜炆豆腐，餐湯有蕃茄薯仔🍅🥔，另有一杯熱飲。餸菜很有住家feel，菜又多，清淡一點也不錯，湯的味道也很好👍

去長洲除咗食大魚蛋另一樣必定要食嘅就係芒果糯米糍啦🥭💫係長洲到處可是售賣芒果糯米糍的店舖因為要去犬茶，剛好路過芳姨小廚，同行朋友話想試，買了一個share多年沒有去長洲，原來糯米糍已經要16蚊一個，認真有點貴。方姨的糯米糍我哋一致認為有糯米嘅香味，口感比較軟糯，有點似麻糬，可以拉絲🤣🤣我哋都幾中意。而且糯米皮同芒果嘅比例岩岩好，唔會太厚皮，搶走芒果嘅口感，入面嘅芒果都保持到濕潤，。十分推介大家試試呀下次再去長洲玩一定會再買

長洲除咗平安包之外，還有兩樣差不多是人所共知的港式街頭美食：大大粒炸魚蛋及芒果糯米糍。前者可說是長洲最歷史悠久的馳名小食；後者原本是市區港式甜品店的必有出品，入到長洲竟然變為街頭小食，但又成功吸引了不少遊人，究竟是那一間小食店第一個引入，已經無從稽考。「方姨小廚」是一間港式茶餐廳，主打兩餸飯，但小店內竟然沒有客人；可能當時正是晚上六點多，尚未到晚飯外賣時段。反而店門外有一條短人龍，排隊等候即席炮製的甜品小吃芒果糯米糍 / 花生糯米糍 / 榴槤糯米糍。臨時搭建的小檔口內有一盤已經預先搓好蒸熟的糯米粉糰及三個大膠箱，分別載了花生椰絲糖霜餡料、麵粉及大大塊芒果。肉眼所見，膠箱內的芒果肉係原隻芒果的左右兩邊大大片果肉，即使只是細號芒果，仍然覺得很奢華。實在太多人排隊，根本冇時間提前包好一堆糯米糍；只見四眼姨姨不停包、不停包，包到冇停手。芒果糯米糍（$15 / 件）。四眼姨姨首先從大銻鐵盤內搣(剪)出一小塊熟糯米粉糰，然後放入旁邊的大膠箱沾上乾麵粉；之後拿起一大片芒果肉放在糯米粉糰上。然後用熟練手法不停搓搓揑揑，逐漸將糯米粉糰均勻地包裹着整塊芒果肉。不消半分鐘，四眼姨姨就搓了一顆大號芒果糯米糍！