影片
以上資料只供參考, 請與餐廳確認詳情
一直都好懷念90年代嘅「蕉葉咖喱屋」，因為當年屋企人聚餐、朋友聚餐，都好多時會選擇「蕉葉咖喱屋」！可惜千禧年代唔知點解越蒞越差，就冇再去！之前發現始創中心開咗間「新·蕉葉」，話係以前嘅老闆同廚師，從新出發再做返！咁啱今日有事去咗太子，就去試下！首先佢得一個角仔嘅地方，絶對唔起眼。第二因為地方細，所以唔款，似快餐形式。今次只係試咗青咖喱雞+黃油飯+檸檬梳打$60！香味、辣味唔錯，但少咗同蔬菜一齊煮又差咗啲嘢咁；雞件入味，雖然唔算「鞋」，但唔滑囉(應該係因為快餐煮定，汁長時間浸住啲雞，唔同以前即煮)；黃油飯就太淋！快餐蒞講算OK嘅！聽講話老闆喺荃灣搵緊鋪，開返間大啲嘅，希望到時真係可以食得返90年代嘅「蕉葉咖喱屋」啦！
繼續閱讀