新龍城茶樓

想寫呢篇好耐，其實都食左好幾次。最近興起北上熱潮，喺獨廣州亦被預制菜攻陷。香港連鎖酒樓更加無須多評。憶起小時候爺爺去牛池灣飲早茶，14:00前就last order，除左高CP外，就係香港80-90黃金年代的回憶。21/9（日）大雨，下星期三話打風，唔理lu，填飽肚再講。^嘩，$25食到碗蒸飯，$23食到碟點心，去邊搵。雖然地方睇起黎唔算乾淨，但確實帶著一種實而不華的地茂酒樓感覺。^熱辣辣即蒸鳳爪排骨飯，不亞於灣仔金輝👍^山竹牛肉球:)^即制燒賣講起燒賣，本來已經賣晒，但老闆見我靚仔，特登整多籠即蒸比我，我緊係要惜英雄重英雄，讚返老闆夠靚仔。哈講起燒賣，如果有返大陸就知廣州的「賣」和香港的賣是不同的。各有千秋。而港的賣可能自己由細食到大，所以有種親切感。今次食完新龍城，唔知幾時再有機會，今晚返去又要做運動減肥啦…查看更多

坊間傳聞牛池灣村「新龍城茶樓」將於明年一月結業。由清晨營業到中午的舊式茶樓，在目前的消費模式下，生存是非常困難。希望趕及在結業前再感受一下舊式茶樓的氣氛，品嘗老派款式點心。煎腸粉外皮金黃微脆，內裡依然滑嫩，煎得恰到好處，冇焦味，淋上少許甜豉油，香口又不太鹹和油膩。糯米包與一般糯米雞不同，糯米包用黃皮包着糯米、臘腸、香菇等餡料，蒸得剛剛好。鹹香十足，口感層次豐富。蝦餃皮夠薄但不易破穿，蝦肉爽又彈牙，啖啖蝦甜味在口中迴旋。燒賣燒賣個頭大粒，蝦肉鋪面、豬肉結實，頂部撒上蟹子，賣相吸引。味道偏向傳統風，少少油但唔會太膩。牛肉球牛肉球大粒扎實，蒸汁濃郁，底下墊着腐皮，吸收牛肉精華。入口肉香十足，仲有芫茜提味。…查看更多

昨日午餐同公公去舊式茶樓飲茶我們由屯門出發，乘坐259D到彩虹步行去到牛池灣村我們去了午池灣村的新龍城茶樓茶樓有分冷氣區（$4茶位）與冇冷氣區（$3茶位）𨰹於冷氣區已經full唒因此我們坐在很熱的冇冷氣區如果冷氣區有位建議大家都係坐冷氣區坐低後自助沖茶然後出去攞點心我哋攞咗燒賣，潮洲粉果和糯米包全部點心都係人手製作，絕對沒有預製菜。全部都好好食😋，而家好少地方有糯米包食，我以前都未見過有，今次係我人生第一次食糯米包，如果大家嚟試嘅話可以嗌糯米包，就係一塊皮包住啲糯米飯咁樣嘅，都幾有趣。仲有買小見小既點心車攞咗煎腸粉返嚟煎得幾香，味道都唔錯全部嘢埋單$96 ～好食又抵食😀呢一種懷舊嘅茶樓已經冇乜地方可以見到，聽講佢哋下年一月就會執笠，大家快啲去試吓啦！…查看更多

今次特別要去這間充滿歷史及街坊味道的舊式茶樓食點心品茶.因為網上有消息告知此酒樓將於年尾結業. 如果想體驗舊式茶樓的年青朋友或者想懷挽舊式酒樓情懷的朋友絕對值得抽時間去一去.環境：舊式大排檔格局,有分室內冷氣房間或室外位置.沒有帶位人員,自己找位置（即時站在其他食客後面等等~兒時飲茶的景象）. 當然店員也會協助你. 室外及室內的茶位錢不一樣但是都算超平.我們冷氣房好像$4/人（茶位費）.自己拿盤子去樓面選取點心, 看到什麼點心剛出爐就即係點. 保證新鮮熱辣辣💯. 除了點心之外,還有煎糕及煎腸粉.重點是煎食物那部車仔. 現在好像沒有酒樓用這類車煎食物. 還是,放4格不同粥的車仔. 懷舊及回憶指數💡💡💡💡💡.今次一行4人可以食多幾樣點心：2盅飯 （鳳爪排骨飯&鹹魚肉餅飯）~ 鳳爪是炸過的,鳳爪皮仍是爽脆. 不像其他酒樓都是偏淋及軟身. ~鹹魚也算比較大條 （雖然我不喜歡食鹹魚）,肉餅有少少肥膏, 肥瘦均勻才香口😁2煎類食品 （香煎蘿蔔糕及香煎蝦米腸）兩樣都煎得很香脆😋蘿蔔糕有少許臘腸肉的香味.蝦米腸煎脆,沾上少少甜醬及芝麻醬更好味.4籠點心 （蝦餃,燒賣,山竹牛肉球,鮮竹卷）每碟點心也大大粒,份量十足. 蝦餃皮薄,蝦肉彈牙. 燒賣同檯金舌頭的朋友話食到有少少雪肉的味道😅但是我又覺得不太明顯. 啖啖肉😂山竹牛肉也算彈牙👍🏻鮮竹卷應該要燒賣是同類型的豬肉,所以都有少少雪（冰鮮）味😅總結：我們4人才食了二百幾蚊,人均五/六十蚊.食飽飽. 與搭檯的街坊茶客（叔叔/姨姨們）説説笑笑,充滿舊時代的人情味. 對比現在的一輩人飲茶是電子下單,各自看手機的冷漠情形, 差距太大. 大家珍惜舊有的香港特式&文化就趕快去體驗一下.新龍城茶樓地點：香港九龍牛池灣龍池徑67號地下B號舖交通：彩虹地鐵站C2出口…查看更多

好耐都冇去呢啲懷舊嘅飲茶茶樓，今日同屋企人揸車過咗嚟呢邊，就食返兩籠，同屋企人順便飲吓茶懷緬一下以前嘅茶樓！鮮蝦腸粉幾好食，一碟有三條，而且每一條都有三隻蝦，整體嚟講都覺得幾好食，加埋茶樓嘅豉油甜甜地，腸粉嚟講呢一個價錢質素都唔算太差，我同媽咪都非常鍾意食！蝦餃，蝦餃亦都係自己包嘅蝦餃，每一粒都充滿好多隻大蝦。個皮好薄，但係有少少痴，所以都唔容易夾起，不過呢一個價錢嚟講都可以接受！整體嚟講都非常熱鬧，而且都坐得舒服鍾意懷舊茶樓嘅朋友可以一試！…查看更多

知道佢哋會係2025年清折，就要寫返篇食評。因為我想食黃皮糯米包，所以就係星期日早上同亞媽一齊去懷舊一下，食吓懷舊點心。一早9:30去到，嘩已經好多人啦，出面坐滿晒人，唯有坐入邊囉，好耐冇試過要自己攞點心，點心位置人頭湧湧啊，好似去返以前飲茶感覺咁☺️。一行到去點心車，就索一索，聞到鳳爪排骨飯嘅味道，宜個係亞媽的點心所以叫咗一籠；見到晶瑩通透😍😍，大大粒蝦餃（點辣椒油簡直就提鮮）😋，馬上拿咗一籠；燒賣有少少冬菇片👍🏻，牛肉球有馬蹄粒😍😍；鯪魚球一般，魚翅餃，冇筍喺入邊😔，唔係咁好食，入面只係肉（可以唔世叫）；鵪鶉蛋，有驚喜😍😍😋，雞雜最鍾意食係塊腐皮，腐皮入味有芋頭好腍呀😋，一件滑雞，火腿正常，厚切豬皮😋（點夾自家做辣椒油真好味）； 煎腐皮卷，入面太多粉，有小小瞬息咗🥲； 今日嘅主角出場啦，就係黃皮糯米包（見到要馬上拿，好快就冇啦），點辣椒油😋🥰😍👍🏻。 食飽飽就係街市行下，買下菜，仲去咗茶記買咗杯奶茶外賣，就去啟德站行一陣就搭地鐵返屋企了。鳳爪排骨飯蝦餃燒賣牛肉鯪魚球魚翅餃鵪鶉蛋雞雜煎腐皮卷懷舊糯米包拿點心位置舖頭外觀…查看更多

新龍城茶樓位於彩虹牛池灣村🌈已經過半百年歷史喺香港碩果僅存嘅寮屋茶樓,於明年2025年開始清拆所以真係要珍惜依種香港情懷嘅味道同埋所有點心都係人手製造👐🏻茶介有分冷氣冇冷氣,冷氣貴$1要自己搵位坐底開茶要同店員講🫖經驗之談一定係坐入面近點心出爐位😂😂因為點心要出去攞,近出爐位就可以舉手同店員講有少見既腸粉煎糕車大部份點心供應去到兩點🕑蝦餃 個皮適中 蝦夠彈牙🦐燒賣 皮夠薄 size唔大馬拉糕 好大件好鬆軟煎腸粉 好脆 真係滿分 係咬到去都有卜卜聲💯腐皮卷 餡料夠👍🏻糯米包 依個係傳統點心 唔係度度有👅…查看更多

之前都食過一次呢間大排檔，味道唔錯，好有鑊氣，價錢抵食仲要大碟！唔使擔心佢係有冷氣環境舊式都算乾淨。🍴拔絲黑豚肉 $98 (8/10)下面有冰鎮，外冷內熱，外皮更香脆炸粉唔會好厚，肉質都算彈牙唔會乾身，酸酸甜甜好唔錯！🍴胡椒鹹菜花甲豬肚煲 $198 (8.6/10)推薦大家叫呢個！花甲鮮甜冇沙，胡椒味香濃辣辣地非常暖身，豬肚都好腍，好好食！🍴椒鹽鮮魷 $108 (9/10)先有新鮮彈牙，炸得香脆炸粉唔會好厚，份量仲要好多添！🍴鐵板豆腐 $88 (8/10)好多台都有叫，豆腐嫩滑，加咗汁上去之後仲有鐵板鑊氣添。🍴雜菜海鮮炆伊麵 $78 (7.8/10)份量好多，海鮮有魷魚蝦仁白菜，西蘭花，伊麵好腍，超級掛汁，濕潤得來調味的剛好。🍴沙薑大雞腳 $88 (8/10)雞腳份量好多，炆得好軟腍腍，有沙薑嘅香味！🍴馬拉盞通菜 $88 (7.8/10)馬拉盞炒得好香口，唔會好鹹通菜都好爽！🍴涼拌豬手 $138 (7/10)豬手嘅份量好多下便仲有勁多青瓜，辣辣地好似蒜泥白肉咁嘅味，不過相對嚟講呢個比較普通唔算抵食！推薦指數: 8/10大排檔真係少見少有，一定要支持傳統小店！高質抵食，又有鑊氣，想食正宗港式大排檔一定要嚟！…查看更多

彩虹站出邊嘅牛池灣村，出邊有各式各樣嘅攤檔，街市檔。食方面就食燒鵝嘅”新志興”。不過今日嚟到未開門，就去咗更有上一代茶樓特色嘅”新龍城茶樓”。其實我細個住過一段時間彩虹，但係都未嚟過呢頭😅。“新龍城”同而家嘅茶樓一啲都唔同，冇環境(甚至係差)、冇服務，加水要自己去滾水間，所有點心要衝出去搶先有。不過另一方面睇，呢啲咁有特色嘅茶樓已經好少。點心方面，基本上一出就好多人排隊搶，雖然好麻煩，好迫，而且好危險，但好處係唔使tick點心紙之後等，一拎就食得，非常滾熱辣！另外有煎炸部煎糕同腸粉。最好食嘅分別有 1.煎腸粉 (驚人嘅香脆感) 2.鵪鶉蛋燒賣 3.鴨腳扎。如果只係以食物論，並唔係咩絕世美食，仲要冒着周圍滾水濕地嘅危險衝出去搶，加上烏蠅同冷氣機滴水，真係對環境有啲要求都唔好入去。不過呢度嘅氣氛就有着難以抵抗嘅魔力，周圍搭枱嘅食客都係笑容滿面，鬥搶完點心之後互望而笑，總算係一種另類體驗。食完，都係好滿足嘅😅。要注意佢嘅點心只係出到2點鐘就冇晒。…查看更多

今年復活節看新聞說今天有差不多一百萬人出境外遊消費，我們今年決定留港消遣。聽說牛池灣2025年就要清拆了，那就要去探索一下了。一到埗，立刻有時光倒流去60,70年代的感覺，非常有feel, 當然和現代有些格格不入的就是衛生標準了。奉勸如果接受不了，最好不要來試，因為不是糸人都頂得住。招乎幾乎系無果隻，揾位糸要自己執生，冲水,揾食呀之類。不過，食物味道，還是有的。小弟試了最重要的虾餃，燒賣，還有失傳的魚翅餃，可惜我的最愛雞絲粉卷賣哂，雖然只糸有味道沒有裝潢服務，但能吃到懷舊的風味也是非常值得，何況價格非常親民，真的沒話說。…查看更多

傳統酒樓越嚟越少，有點心車的數量更少，但這並不意味著它們完全消失。這間酒樓仍然保留著傳統的酒樓文化。現在的酒樓很少有雞絲粉皮和糯米包，點心車還有即叫即煎的腸粒和糕點，真吸引。雞絲粉皮中加入椰菜帶來更豐富及有層次的味道體驗。糯米包的味道麻麻，調味不足，味道較淡。餡料選擇不當，用了粘米。蝦米腸煎出外脆內軟的口感，外皮金黃酥脆，內部腸粉柔軟嫩滑，蝦米的香味能夠融合在其中。環境一般，服務很好，需要自己出去叫點心，價廉物美，古色古香。…查看更多

久違了的大包：不是每間茶樓都有大包。近日在網上見到牛池灣茶樓有大包食，所以今早特別行去撞下運氣，－入去點心站就問阿姐有冇大包，阿姐即回應，係度食定攞走？我話攞走！佢就叫我入去比15蚊！15蚊？我5年前食過雞球大包，當時係$30。三年前在土瓜灣亦試過一個$18。 今天這個包竟然係$15，驚喜價，心想一定係中碼包，點知原來都好大個，性價比其高。包部份鬆厚帶甜，中間肉地瀑汁，可能大清早，所以感覺新鮮滾熱辣，可惜趕返公，所以唯有邊行邊食，如果可以坐定定品嚐，會更好！…查看更多

舊式茶樓真係買少見少，點心車無疑是一個賣點，呢度雖然無流動點心車，但呢度有嘅係環境、氣氛同人情味，新鮮點心會不定時拎出嚟，跟住大家會一窩峰排隊拎，點心味道唔錯架，價錢大約廿蚊左右，而茶錢每位$3-5，不過呢度衞生就好一般，兩隻碗都殘留點心皮，哈哈！🥢排骨⭐️⭐️⭐️⭐️排骨份量唔少，肥瘦參半，蒜蓉豆豉夠香，底仲有芋頭，好正。🥢棉花雞⭐️⭐️⭐️⭐️抵食夾大件，整體味道正常，太耐無食好想食下。🥢魚翅餃⭐️⭐️⭐️我印象嘅魚翅餃係有素翅响𥚃面，但呢個魚翅餃就只得豬肉，味道比較寡，但熱食都係ok嘅。🥢燒賣⭐️⭐️⭐️⭐️有蝦有冬菇响入面，豬肉比例多過肥膏，真材實料，好好味。🥢煎腸粉⭐️⭐️⭐️⭐️⭐️响車仔即叫即煎，條條都輕煎到金黃色，外脆內軟，有葱有蝦米，連豉油都好好味。二人共消費：$125…查看更多

喺牛池灣發現舊式茶樓，茶錢按冷氣位收費😂有冷氣$4/位，無冷氣$3/位。點心係放喺點心車自己行去睇有咩啱食。點心keep住會有新鮮蒸出黎，無既話就要等一等。入面環境算闊落，其實都好多位，不過人一樣唔少有傳統既糯米包，幾乎每枱必點，牛肉球同燒賣一律都係$21，新鮮熱辣又夠大粒。排骨就普普通通，雞扎份量十足👍🏼價錢合理，又有懷舊feel，不過始終舊式地方，唔好expect會好似出面酒樓咁乾淨企理…查看更多

🍴椒鹽九肚魚 $88九肚魚炸粉好薄，揸得好香脆，新鮮熱辣辣，食落去魚肉非常嫩滑，有味又唔會腥！🍴馬拉盞炒通菜 $88炒得好爽口，非常鹹香，入邊有啲鹹鹹魚蒜頭，好有鑊氣！🍴咕嚕肉 $88炸得好香脆，炸粉好薄，酸酸甜甜，肉質比較紮實少少，但係一啲都唔乾，用咗冰底令到咕嚕肉冰凍之後再更香脆！🍴小炒王 $88有韭菜，新鮮魷魚，蝦乾魚仔乾，三色椒，腰果，炒得非常香口，口感豐富，好好食！🍴水煮魚 $178非常豐富，好足料，枝竹，豆卜，雲耳，芽菜，值得一提嘅係佢用咗新鮮鯇魚，唔係急凍魚片，雖然比較多骨，不過肉質好滑好有鮮味，食落去係小辣，香辣麻香，完全係好輕鬆，配料吸晒水煮汁都好香！推薦指數: 9/10非常地道，港式大排檔，價錢好抵食分量又好足又有鑊氣，真心推薦，唔使驚冇冷氣，全場都有冷氣㗎！…查看更多