66
26
12
港鐵灣仔站 A1 出口, 步行約3分鐘 繼續閱讀
所有分店 (3)
電話號碼
25111778
付款方式
現金
食評 (129)
等級1 2017-10-11
259 瀏覽
我同朋友一行八人到新高麗苑飯聚,第一次幫襯唔知有咩特別好食!當一上到去,幾個職員就行出嚟招呼,起初以為時間尚早,因為無咩客人先會咁,點知成晚都咁鬼好招呼!真係要俾個讚佢!當坐低後,我兩個識飲識食嘅朋友已急不及待咁去攞嘢食,首先就係前菜,不單止種類多,仲好鬼好食添!有魚仔、泡菜、無骨雞腳等等!食完幾輪前菜後,就到主菜包括我最喜歡嘅肉類喇,嘩佢地啲肉呀海鮮呀,樣樣都好鬼新鮮又好味,真係好高質,唔係講笑,我呢兩個咁識飲識食嘅朋友都讚不絕口,食到飽飽地,休息一陣再嚟過,我呢兩個朋友就攞左啲西瓜入嚟,又係一絕,又多汁又甜!每人食兩三舊又再食多一兩轉肉呀海鮮!最後就員可以捧住個肚埋單,見到張單真係唔可以唔嘩,估唔到非常合理,以食物、環境及服務嚟講,簡直係「抵」、同「正!正!正!」去形容。我一定會再帶唔同嘅朋友及家人再嚟幫襯多幾十次! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-10-11
97 瀏覽
今晚特登去灣仔追月!追完月之後緊係要去揾食啦!之但係星期五晚,正值dinner time 7點半,周圍都係等位嘅人龍,邊度先可以唔洗等位,舒舒服服咁食餐飯呢?!突然醒起有間港式任食韓燒喺灣仔,好耐之前去過一次,唔知仲係咪存在。一search 之下,呢間任食韓燒依然健在,超開心飛去開餐!話說90年代,當年呢種任食韓燒喺香港好流行,果陣連日式放題都未開到成行成市。我同屋企人想食最近都要去沙田廣場,再唔係就要去到旺角先有。餐廳位於駱克道,都幾易揾。全座building有好多食肆,同層有一間日式放題。一入去完全唔洗等位,兩個人坐6人卡位~爽! 店內有唔少外國人幫襯,喺灣仔用呢個價錢任食真係幾抵!尤其是d大隻鬼佬,食肉多過食菜,對佢哋嚟講簡直係超值!相比而家d扮正宗韓燒抵好多~門囗呢個擺晒紫羅蘭嘅位最吸引我!呢度就好似個玄關咁,喺佢後面就開始係座位。加隻朝日生財貓!另一邊有一缸錦鯉。睇下有咩嘢食先,首先緊係唔少得韓式小食前菜!老實講,我哋係為咗呢d前菜而嚟架!之前喺尖沙咀d韓食店,比得3、4款,每款仲要得少少兼d味基本上全部一樣,refill又眼超超咁,孤寒都死!其實喺果d餐廳散叫一餐同呢度任食,價錢唔差得好遠架咋!呢度任你食,仲要有十幾款咁多......真係你講得出嘅佢都有~泡菜、菠菜、白菜、四季豆、魚仔、大荳芽、芽菜仔、醃蘿蔔、酸青瓜、辣青瓜、鳳爪、薯仔、炒粉絲、蒜頭,仲有兩樣唔知係乜?!啱啱比人拎咗去refill ,同埋呢度所有食物嘅refill速度都好快!!之後就係BBQ bar 枱,勁多款式!30幾款嘢食,有各式各樣嘅肉類、海鮮同蔬果菜。不過,無我鐘意食嘅多春魚,所以我只好不停食魷魚。旁邊仲有刺身、壽司、飯、小食同甜品,仲竟然有豬腳薑,我後尾先見有人蔘雞湯,已經飽到飲唔落。我第一時間就係夾咗12款前菜,超開心!侍應叔叔仲怕我唔知,叫我可以去夾嘢食BBQ,提我全場嘢食都係任食架!哈哈!開始夾出面d嘢食返嚟BBQ,其實我哋食咗好少款,不過呢度d醃料幾好,唔會太重味,加上d肉又唔會梅梅爛爛,全部都四四正正,大大件。味道中規中矩,唔太出色但又唔失禮,不過都可以再去!因為唔係係食咗好多,個肚仲有空間可以食糖水,好耐冇食過涼粉,唔太甜啱啱好,略嫌唔夠凍,再凍d仲好味! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-06-24
3953 瀏覽
今日週六爸媽來接放工,一早諗定食韓燒,之前睇过評語大致批判服務欠佳,照試心態感覺竟截然相反週末午餐自助餐,每位128+食物種類算多,甜品小食則較晚市少,但質量味道均維持水準基本上以禮相待,侍應態度好,經理有点cool,但都友善,收銀也有禮,走時侍應還多次説慢行,多謝光臨所以予以平反 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-17
2229 瀏覽
簡易午市套餐,有兩小碟,主菜,牛骨湯,甜品。小碟有多款選擇。主菜,韓韓炒豬肉,炒魷魚,太甜,絕對適合港人。甜品,啫喱,勁多花奶。好似甜品餐咁唔可以算為正宗,韓式,但好合港人口味。六十文,灣仔區,算可以了。坐得舒服。但部分服務員,態度就欠佳。可以再光顧。但唔好其望太韓式。午市去,要預時間等。同樓,有酒樓,餐廳,但只有一部。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-11
1801 瀏覽
上星期一,同事帶我到一間韓式料理店食中午,同事介紹話這間十分抵食,即管來試試,想不到都幾抵食,所以就推介一下。午市的套餐包括有主菜,白飯,加2碟配菜和牛骨湯,仲送甜品,睇起來十分吸引和抵食,所以我亦點了一份中午套餐。所謂韓式料理,又稱為韓食或朝鮮料理,主要以清淡,少油膩,多有辣,韓國料理蘊含著中國傳統文化中的陰陽五行的概念,將「甜,酸,苦,辣,鹹」五味和「紅,綠,白,黑,黃」五色融入菜肴,韓國料理重視菜肴的賣相和桌擺滿盤的協調,因此我們食韓式料理時常見有很多細碟的配菜和菜色的外形都是色彩繽紛的。我點的是牛肉,同事點的是蛋包魚,因為樣樣都想試下,我們就share來食,蛋包魚這個名字很特別,原來是炒蛋包著魚塊,有點像奄列或者白飯魚炒蛋的味道,牛肉很鬆軟腍身,而且很多汁,用來伴飯很美味,小碟有涼伴通菜,芝麻豆角,小魚乾和酸瓜,小魚乾甜甜的,酸瓜酸酸甜甜的,很開胃,芝麻豆角和涼伴通菜都很清新,消暑醒胃,牛骨湯的胡椒味很重,湯料有牛肉絲,冬瓜和腐皮絲,飲落帶有微辣,同樣十分醒胃,甜品是花奶橙味果凍,味道有點奇怪,但都可以食到。想不到中午在灣仔可以食到這麼豐富的一頓餐,真是十分滿足。 繼續閱讀
(以上食評乃用戶個人意見 , 並不代表OpenRice之觀點。)