影片
首先，同我地講，咁生面口，介紹我地食“沙爹牛肉關注組”推薦嘅沙爹牛麵。我都冇問題照嗌啦，然後冇問過我就加咗隻煎蛋，加埋多士同埋一杯奶茶，埋單收我50蚊。問題就嚟喇，原來有加一服務費，喺得一兩台客嘅情況下，想同佢要杯水都要自己到，咁都仲夠膽收我服務費。另外，冇嗌到煎蛋，夾硬加咗隻煎蛋落去。最後，上網完全搵唔到佢所講嘅推薦，伏上加伏。一句講曬非常唔老實！！！睇返其它地方既評論，先發覺原來加蛋係呢間鋪頭既慣常做法，非常唔要得。
繼續閱讀
星期日潛水前入咗呢間茶餐廳食早餐，門口嘅牌顯示嘅價錢係正常早餐價錢，可以接受嘅所以入咗去。入到去之後scan QR code落單先知原來逐樣計錢（除咗送個包俾你）。所謂嘅早餐，只係送一個餐包，個餐包又凍又硬，牛油都冇，平時嘅早餐起碼有條腸仔蛋；然後揀嘢飲，加要加錢嘅，加埋野飲仲要加一服務費。講完價錢講味道，味道只係一般，奶茶仲要係苦嘅，要另外叫佢再加奶先正常返，而且更加冇服務點解要收加一？呢間餐廳完全唔合理，食物相冇影低，食完之後好想寫個食評同大家分享，唯有cap低價錢…
繼續閱讀
上個月中秋節晏晝，帶埋我隻狗狗入西貢因為夜約左屋企人食晚飯。未夠鐘，所以就諗住搵地方飲嘢食個下午茶。之前都有嚟過呢間舖，但係唔知已經轉咗老闆，一坐低，我就話今日農曆15，我要素食，就問佢有啲咩介紹，個店員好好，即刻推薦咗我～大啡菇漢堡餐，再介紹我飲杯菠蘿飲之後我老公就叫左鹹牛肉炒蛋菠蘿包同埋即磨咖啡😋令我好喜出望外，因為當時我諗大啡菇都可以做漢堡包呢？🤔個漢堡嚟到，個賣相望落去唔太吸引，點知一試好好味，個大啡菇烤焗過，然後加埋蔬菜蕃茄同埋佢哋嘅特色醬，完全係你估唔到可以咁夾😋😋杯菠蘿特飲就冇乜特別，不過我老公話佢嗰杯即磨咖啡好好飲👍🏼我試咗一啖，平時唔飲咖啡嘅，我都覺得真係好飲👍🏼另外不得不讚嗰度嘅員工，因為當日天氣都算幾熱，佢拎咗個狗狗飲水嘅碗，裝咗一碗水俾我狗狗飲，好窩心🥰原來舖頭老闆都係愛狗之人，唔怪得知咁有愛心我老公仲話因為呢杯咖啡下次一定會再去👍🏼
繼續閱讀