7
0
0
港鐵尖沙咀/尖東站 L5 出口, 步行約1分鐘 繼續閱讀
電話號碼
31641390
營業時間
今日營業
12:00 - 00:00
星期一至日
12:00 - 00:00
付款方式
Visa Master 現金 AE
其他資料
電話訂座
加一服務費
食評 (7)
由年初一開始,好多食肆都會暫時關門賀新春,要出街食飯,都要好好諗下。想推薦呢間餐廳,剛剛年三十晚一家人出去晚飯,感覺不錯,於是選擇寫佢推薦俾大家,等大家由今日到初七開始,整個新春想食飯都可以多個選擇。認識呢間餐廳,因為朋友J先生帶佢阿媽去打邊爐,係面書check In,見到佢同佢阿媽都讚不絕口。看一看呢間餐廳嘅資料,原來係新開,再然後發現有一個好平嘅新春龍躉鮮魚鍋四人餐,於是試吓運氣,年三十晚睇吓有冇得訂,竟然一book就有位,無理由唔試。呢間餐廳一月頭先新開,舊地點就係好出名嘅大阪日本料理,不過裝修咗之後係一間好有型格嘅餐廳,下層更加係有間cocktail吧。其實呢度cocktail唔錯,不過遲啲另寫一篇文再講,今日要先講期間限定嘅四人餐。新辣道原來是一間北京名店,選用了百年徐氏秘製湯底,採用四川自貢鹽,加上秘製家傳方法研製,當中加入六個月精心醃製的古法醃菜熬煮,更突出美味和香氣。呢度有招牌紅湯龍躉鍋,還有秘製鮮椒龍躉鍋、蒜香龍躉鍋、古壇酸菜鮟鱇魚鍋、黔南番茄石斑鍋等,讓高質鮮魚與秘製湯底相結合,可以吃到魚肉的爽彈,入口鮮甜而不腥,並細嘗到不同湯底的濃香,媽媽不太好魚,但也會喜歡。呢個餐價值$888,不過有招牌紅湯龍躉鍋、”魚別不同拼盤”、豚牛雙拼、三寶拼盤、前菜、蔬菜什錦及健康淮山麵,四個人絕對夠食。就算你唔夠食,單點全部都係$40至$200左右,一點也不貴。先吃前菜有辣青瓜和鴨腎,送酒一流。香港嘅邊爐好興有唔同嘅混醬俾你撈,呢度特別要留意嘅就係佢哋自家製嘅辣醬,好正好惹味。新辣道鮮魚鍋的吃法是「先吃魚、後配料」,魚先上俾你影相呃like。招牌紅湯龍躉鍋一邊麻辣,一邊豬骨湯。龍躉只需要淥3分鐘就可以,魚夠大件夠肥美,豬骨湯配就清新,辣味就添上層次,那邊吃都好。 豚牛雙拼上場有仙氣,以呢個咁平嘅價錢,牛肉豚肉的質素都非常不錯,不過最美味係牛肉。三寶拼盤有牛丸、墨丸、貢丸,呢個真心推介,我好少係打邊爐嘅地方食到啲丸咁好食,除非自己屋企打邊爐買啲靚丸,特別讚牛丸完全係好似汕頭食嘅種類,成口係肉汁,加上超級彈牙。如果你下次嚟單點,一定不能錯過丸類。魚別不同拼盤有魚蛋,魚皮餃,魚札,普遍都幾好食,特別魚札好有新鮮感。蔬菜什錦無乜特別,不過菜不是太多種,最令人覺得好就係喺呢個火鍋中間有個窿,可以俾你用水淥青菜,如果你唔想太辣或者豬骨太油,就好方便。仲有打邊爐必備嘅自制響鈴,大部份人應該都愛。最後個餐有兩個健康淮山麵,加上辣魚湯非常正,而且麵質好不錯,又有益。個餐可以加$88要一支紅酒,不過我哋自己本身叫咗一杯cocktail ,所以個餐我哋選擇左一支百香果汁,味道好啱辣魚鍋。除咗呢個咁抵嘅火鍋餐外,每枱顧客更可獲贈$100現金禮券,可於下次惠顧時使用。而食客只要讚好及分享新辣道鮮魚鍋facebook專頁,更有機會獲贈限量版特製魚型陶瓷器皿乙隻,數量當然有限,如果你嚟到一定不可錯過。如果過黎記得欣賞下餐廳嘅裝修,幾靚,你會覺得一間咁靚咁fancy嘅餐廳,價錢應該要貴好多。新辣道鮮魚鍋 尖沙咀尖沙咀亞士厘道14號亞士厘大廈地下及1樓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-21
603 瀏覽
天氣有點涼吃火鍋真是不二之選!如果吃麻辣火鍋當然更合我口味啦!尖沙咀有新店開幕即刻約好友去踩場!位處亞士厘道的新辣道鮮魚鍋有著型格的門面,依著長樓梯直上一層便是用餐位置!  新店剛開了不到兩星期地方新淨是當然的,而檯與檯之間的距離亦很寬敞坐位十分舒適! 我們一行四人一眼便盯上這個新春龍躉鮮魚鍋四人套餐!只須$888便有相當可觀的火鍋生料,而且還包括了龍躉在內感覺好吸引呢!鮮魚鍋套餐可加$88配上Legio Octava Chianti意大利紅酒一枝!! 不嗜酒的點了柚見檸檬$59/Jar,以西柚和檸檬調配入口充滿果香味道怡人。九宮格內放滿了配料及調味料如生熟蒜、芫荽、青蔥、辣椒、醋、麻醬及沙茶醬,而正中央的是餐廳的祕製辣醬稍後一定要試試。  侍應先送來兩款前菜有拍青瓜和鴨肫,前者微辣爽脆後者香口有趙頭不錯啊!招牌紅湯龍躉鍋此刻亦到來了,紅湯鍋會貼心的配上清湯那吃辣否的朋友也冇有怕啦!另一貼心位是鍋中央的清水位,用來淥蔬菜菇菌等健康配料不沾油一流啊~這兒奉行先吃魚後吃配料!為數不少的龍躉件已預先給了味,也是我第一次吃醃過的龍躉火鍋,還附上漏斗計時大家可放心傾計不怕過火老掉!龍躉很入味而且能保持嫩滑掂喔!肉食方面有豚牛雙拼雪花均勻賣相挺不錯耶!牛我吃不了豚肉片則吃了兩片口感也算不錯啊~之後還有質素不俗的丸子三拼分别是牛丸、墨魚丸和貢丸,牛丸被好友大讚味道口感也超正,而我亦十分欣賞那紮實多汁的貢丸了!另一份是西環東興出品的魚蛋、魚片頭和魚扎,很久沒吃過那麼可口的潮州魚扎了,弄得我心思思去西環入貨呢! 最後還有香口的黃金響鈴、健康又爽滑的淮山麵及款式多樣化的蔬菜什錦,4人吃光光份量恰好而且很抵食,嗜辣的朋友又有好去處了!  繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-08
121 瀏覽
農曆新年前,趕緊相約朋友們出來聚頭食飯。是夜與幾位辣魔相聚,適逢天氣涼涼地,麻辣火鍋不失為好選擇。尖沙咀亞士厘道有間新店子,兩層高,樓下是酒吧,樓上則是打邊邊的地方,一於齊齊去做白老鼠。很相宜的價錢,四人火鍋套餐只是$888,已包含勁多嘢食,足夠我哋四條友食飽有餘。            點好鍋底及食物,店員便端上醬料,讓大家自行混醬。我繼續是以簡單為前題,豉油加點麻醬,便是。來個鴛鴦鍋,麻辣湯底那邊加了辣,另一邊是清湯,以備不時之需。廚子很細心,中芯設多一圈,放清水加點杞子,給我們淥菜蔬。店子以鮮魚火鍋為主打,因此套餐亦有跟上龍躉。此魚勝在口感彈牙,魚皮豐厚,而這份更是已醃好的,所以即使在清湯那邊滾也可夠味,置於麻辣湯自然更惹味。套餐跟上豬牛雙拼,不吃牛的朋友也不至無啖肉好食,相比之下我覺得豚肉較好,牛魔王可能要另點特選級牛才可滿足。其他配料隨之送上,三寶丸分別是牛丸、貢丸,以及墨丸,當中以牛丸最得我心,質感唔怕死實實,內裡有汁,並不是一般貨色。其次,貢丸的口感也不俗。只是,明明是四人餐,卻每樣只得三粒,少許奇怪。所謂魚別不同拼盤,說穿了是魚的三重奏,內容有魚蛋、片頭和魚扎。魚片頭是意料之中的彈牙,最驚喜是魚扎,其口感與味道,贏得了眾人的青睞。嚮玲只輕輕拖兩下便要拿起,軟腍中帶微脆的口感最佳,這吸味的東西,放在辣湯之中,辣得過癮。近期流行的淮山麵,比起公仔麵要再淥長一點時間。麵條夠爽身,建議在清湯那邊滾,吃時再加少許辣湯,味道會最好。若一直浸在麻辣湯內,會偏咸。食埋個什菜籃,都咪話唔飽。若然你是大胃王,加多碟靚牛已很足夠。 繼續閱讀
(以上食評乃用戶個人意見 , 並不代表OpenRice之觀點。)
除了辣雞鍋,鮮魚鍋都是港人最愛,最近進駐尖沙咀亞士厘道的「新辣道魚鍋」,開業僅半個月,可會是你的新選擇?中國人最重意頭,新正頭喜歡吃魚,吃完這個魚鍋,包保你「魚」意吉祥!餐廳樓高兩層,地下是酒吧,樓上吃魚鍋,大家可以在樓下order完雞尾酒後自行拿到樓上飲用,當然餐廳也有供應其他飲品。Jiujito、Jiu-thing $58@先介紹樓下的中式酒館,很多酒品都以中式白酒「江小白」為基調,下班後想來Chill一下都可以!但我酒量一般,還是乖乖走到樓上吃火鍋去。醬料以九宮格形式奉客,必試中間的秘製辣醬,好香。古壇酸菜鮟鱇魚鍋 $209魚鍋選擇頗多,除了招牌紅湯龍躉鍋,還有秘製鮮椒龍躉鍋、蒜香龍躉鍋、古壇酸菜鮟鱇魚鍋、黔南番茄石斑鍋等。我今天試的是「古壇酸菜鮟鱇魚鍋」,酸辣並重,鮟鱇魚十分滑溜,美味; 鴛鴦鍋的另一邊是清湯,味道比較清淡,不嗜辣的可以主攻那邊;至於中間圓形的位置則放清水,用來淥蔬菜,可減低油膩感之餘,亦可吃到青菜的原始甜味,勁推介他們的新鮮淮山,爽口高質。現炸魚皮 $39、現炸魚片頭 $59傳統潮州魚蛋 $59、招牌魚皮餃 $59、手工魚扎 $69太陽魚籽蝦滑 $89吃罷魚鍋仍意猶未盡?是時候加湯打邊爐了,火鍋料可以選擇本地著名的東興魚蛋、魚片頭、手工魚扎等等,我尤其喜愛那魚皮,又薄又脆,無論直接吃或下火鍋都很出色! 繼續閱讀
(以上食評乃用戶個人意見 , 並不代表OpenRice之觀點。)
尖沙咀新店登場!靚料辣辣火鍋齊齊食!四川麻辣風龍躉火鍋 鮮魚湯底鮮甜不腥好美味搵食攻略尖沙咀編尖沙咀有新火鍋專門店新辣道鮮魚鍋有多種靚湯底配名貴既龍躉 巴沙魚等魚肉片有辣有酸菜,總有一款岩你口味湯底出色,但一樣有醬汁配搭仲有特製辣醬~鮮辣濃香~新春龍躉鮮魚鍋四人套餐招牌紅湯加清湯食完魚肉先落料打邊爐~紅湯大約係中辣,小辣班就睇住食啦~有什菌拚盤,彈牙貢丸,肉丸出色有肉汁~健康淮山麵打邊爐一流架!仲可以試下特色小菜菜鹵水鴨腎涼伴青瓜開胃!食材新鮮,湯底鮮味,辣濃香齊全絕對高水準之選落單係掃QR碼自助落單~讚好分享FB專頁,即送靚魚型碟一隻~ 樓下是酒吧~平日來一杯特式雞尾酒都係一個好選擇~地址:尖沙咀亞士厘道14號亞士厘大廈地下及1樓#火鍋 #新辣道鮮魚鍋  #新辣道 #尖沙咀美食 #過江龍 #新餐廳 #HKIG #HKFOOD#HKG 繼續閱讀
(以上食評乃用戶個人意見 , 並不代表OpenRice之觀點。)