影片
星期六放假，約咗朋友入去屯門行下街，首先我地去咗屯門嘅蝴蝶廣場嘅熟食亭食lunch，呢間野之前食過，味道唔錯架，簡簡單單又一餐！新輝潮州粉麵，攤位整潔明亮，都幾大間，屯門蝴蝶廣場熟食亭C3號，呢間餐廳主打各類潮州粉麵，選擇都幾多，而且價格公道，性價比高。是商場內品嘗正宗潮州風味嘅理想選擇，值得推薦。我點咗雲吞河粉，必食之選！精選薄透河粉，滑溜入味，與湯底相互交融，突顯潮州料理對於湯頭講究嘅精髓。而雲吞皮薄餡靚，鮮嫩豬肉與彈牙蝦仁，咬開肉汁四溢，層次豐富口感。呢到嘅冷氣都好足，夏天嚟都唔怕熱！而且服務都唔錯，推介大家可以嚟試下！
繼續閱讀
今日入屯門做義工，咁要食飽啲先有力，但又要快靚正，係蝴蝶廣場附近冬菇亭見到呢間潮州粉麵，睇餐牌唔貴喎，仲要啲位望落都企企理理，啱晒！好，坐低睇下有咩好食先。上湯鮮蝦雲吞麵，都係32蚊，上到枱估唔到有5隻大雲吞大大碗，非常之抵食。雲吞皮薄，透視到裡面粉色蝦肉，蝦味香又咬口，好味味！河粉又有光澤有少少油光，食落爽口又滑口，配菜仲有條生菜，以食過雲吞麵黎計，呢度都真係性價比高高高。飲品加5蚊仲有檸檬菜蜜，普通熱飲都只係加3蚊，good!
繼續閱讀
<<新輝潮州粉麵>>見到潮州粉麵牛腩及魚旦麵之外，又有快餐碟頭飯。最後揀咗雞扒麵配檸水。雞扒控制時間及火候，雞肉多汁、肉嫩兼脆皮。煎雞皮逼出剩餘雞油，口感唔太油膩，味道濃郁淡淡肉，一層黑椒鋪喺煎雞皮面，多左一份更脆卜卜嘅口感，飽肚惹味。覺得可值再幫襯，枱數量多且寬敞，食完坐多一陣唔會俾人趕。服務都係非常唔錯，我中意茶餐廳有杯清水。收銀都幾好禮貌 !新輝潮州粉麵屯門湖翠路1號蝴蝶廣場熟食亭地下C3號舖
繼續閱讀
週末去街市買餸，行經附近冬菇亭食午餐同歇腳，見到新輝潮州粉麵，餐廳門口貼滿餐牌，落單時，侍應遞上餐牌，唔駛左揀右揀，好快已經講要常餐，煎雞扒意粉，午餐肉蛋配方包同一杯熱檸水，上咗枱時，方包夾住午餐肉同太陽蛋，放入口裡，簡單嘅午餐肉蛋治，充滿茶記嘅風味，雞蛋口感一定新鮮。煎雞扒湯麵 雞扒大件且加入黑椒，湯底唔算係好鹹，意粉爽滑，yummy!熱檸水，檸檬清新帶微酸，去油膩，感覺好refreshing 👍！！
繼續閱讀
您可能會有興趣的...