新趣苑德記茶餐廳

營業中

休息中

今日17:45打電話落去叫4個焗飯，佢同我講冇咁快，起碼要18:15先有我話唔緊要喇..我18:30先拎落到去，傳統·超舊式茶餐廳，八達通都唔收！唯有㩒完錢再去拎，仲要我同我老公一齊去拎…差唔多準備返屋企既時候…👦🏻：點解咁少野既？👧🏻：4盒野嘛..👦🏻：得2盒咋喎👧🏻：🤬🤬跟住即刻打電話問👧🏻：我頭先落外賣應該有4盒喎，你係咪比少左我？👱🏻：唔係我比少左，係你自己拎少左，你自己返黎拎喇..👧🏻：我2個人拎，你都可以話我拎少！？之後又特登揸返架車返去拎真係好想講，唔係想歧視舊式茶餐廳但係冇禮貌，傳統到不能再傳統八達通都唔收..依家依個年代，知唔知咩叫固步自封！！最重要係我覺得任何一間都好食過佢，仲要又唔乾淨真係冇下次..

一條麻甩佬梗係去茶記開餐啦今日去呢間新趣苑喺元朗，我坐出面，因為入面冇位小小唔好就係要食二手煙叫左椒鹽豬扒飯炒底$45 蛋炒飯香到原行，夠乾爽，飯唔會一pat咁豬扒似無醃過，醃過嘅豬扒好難食個椒鹽可能唔係大家諗嗰隻乾身嘅，呢度嘅椒鹽係真係有青紅椒絲加辣椒，好惹味，又唔會油淋淋凍茶有質素，茶味夠炒底先$45 係個凍茶貴啲啫，要$19

德記是一間歷史悠久的老牌餐飯，記得我還是小童時，爸爸時時帶我來，德記老闆花名叫：德哥而取名，餐廳大致上都保持返舊有，但大廚、侍應都已改變「鮮茄豬扒會意粉」味道已不像以前，鮮茄汁味香濃，但意粉無炒過再燴，所以太淋也太散「特餐」保留用福字面叉燒半肥瘦，好味，但火腿炒蛋，蛋㲜得太乾

中學男仔總有幾間食堂，今日既「新趣苑」就係小弟中學既食堂之一👨‍🎓千祈唔好因為介紹完入元朗食，山長水遠係減味道😋係元朗地標千色廣場後方，新趣苑同老牌茶記一樣有室外位，方便🚬人士。室內既格局十年如一🔂 綠色卡位，幾張放中間既細枱，一部電視同最裏頭既水吧☕餐牌都寫晒係牆身，另一個回憶位係收銀旁邊既老式日曆牌，膠牌砌出既日子。周日晏晝係keep住人滿，仲要唔少人等外賣🥡 落咗單都要啲時間先有嘢食❌白汁雞皇焗飯，識食要加炒底🤩 上枱熱到係要用碟盛上黎，表面既芝士溶化係醬汁上，形成一塊塊淺橙色，厚重既汁料混埋炒飯底黎食係精綷所在✔️雞扒係焗爐加熱下肉汁未見變乾👍至於乾炒牛河，正常水準，份量同火喉都合格👌記得加辣椒醬😋餐飲一樣正常水平✔️街坊價兩人連嘢飲117蚊，焗飯咁多年都係正，加價唔太多，係元朗區開飯好選擇💕

今日又帶住我隻小可愛去元朗換野食，🐶黎到西菁街見到呢間茶餐廳都將幾多人， 又有得同我狗狗坐門口， 所以就揀左呢度喇。同朋友叫左2 個常餐跟野飲同包🍞🍳仲有蛋朋友叫左鮮牛肉出錢一丁🐮牛肉好腍有牛肉味， 用返出錢一丁湯底🍜， 麵就岩岩好唔會太腍 奶茶都夠滑同香濃。我就叫左叉燒通粉， 叉燒都夠腍同唔肥岩我， 仲有少少燒烤香味， 通粉似係豬骨湯底， 唔算濃， 清清地我喜歡。至於個火腿炒蛋都好滑， 一d 都唔鞋，跟埋個熱檸茶餐飲，🍋有成4片咁多， 茶味都好香， 又冇苦澀味

年初四 星期五，中午戈陣同事帶我黎呢間新趣苑德記茶餐廳食lunch，都好多人食，等好快就有位好多都想食，見到有個咖喱炒飯就叫黎試吓。個飯好金黃，亦都好香，D飯炒到粒粒分明，個咖喱味好香，唔太濃唔太辣不過用料方面簡單咗少少，得火腿同生菜同埋炒得有少少燶，不過大至上都係好ge。

下班後來到新趣苑茶餐廳吃個簡單晚餐，朋友每次來都點椒鹽豬扒飯炒底，喜歡它香口卻不油膩。椒鹽豬扒炸得剛好，邊緣位置脆口，中間保持鬆化。豬扒除了以椒鹽調味，還加入青紅椒和蔥炒過，非常惹味。朋友加$5把白飯轉為炒飯，飯炒得乾身，粒粒分明，帶蛋香，如此充滿鑊氣的飯真的要用餐廳的明火、大鑊和師傅的功架才做到。咖哩牛腩飯也是佳品，咖喱香辣之餘帶椰香，很下飯，牛腩也炆得稔而入味。順帶一提，新趣苑飯餐的份量頗大，胃口小的人記住跟餐廳表示要「少飯」。一個人才四五十元就可吃得飽飽的，經濟實惠，卻不是很多人知道這間茶餐廳的存在，新趣苑可算是元朗的滄海遺珠呀。

今天早上，好友同伴到附近吃午餐。經過「新趣苑」，總是人山人海，今天相反等了一會兒就有位置，超級好運！店內差不多坐滿了食客，好不容易找到一個卡位坐下。看了看餐牌，便馬上下單。我點了個常餐，五香肉丁公仔麵粉配牛油方包、火腿及熱奶茶。五香肉丁公仔麵，中等份量，遠處已聞到那五香肉丁的香味，雖然不是什麼蕃茄湯底，這湯底算合格，五香肉丁味道濃厚，也煮到夠腍，份量也算不算。公仔麵煮得剛剛好，富彈性，有口感。吐司，不是厚多士，沒有烘焙至脆脆的，牛油醬只是薄薄的。火腿和腸仔也炸得香口，有點焦香味。茶餐廳的奶茶永遠這樣有風味，熱騰騰的，富奶香味。

由於之後要到附近看醫生，所以隨便在這兒吃個便餐。看餐牌沒有寫上甚麼是日午餐飯/麵，其他只是扒餐、常餐等，所以又隨便點了個豬扒餐。豈料點了豬扒餐，才赫然聽到有兩個炒麵/茄汁乜乜飯的是日午餐。算罷，就吃少一點算了。但是，這個餐也實在太少了，一塊煎豬扒、一片火腿、一隻煎雞蛋、方包兩片、熱飲，這樣就$32。豬扒不太鞋口，亦不算乾、普普通通、邊有少肥，近骨處有筋。火腿煎蛋亦是極為普通沒能評估的。茶走，奶茶不特別香濃，煉奶卻非常少，不怎麼喝到甜味，還以為這類舊式茶餐廳的奶茶會很香。小店的店員之間關係不錯，但看來與客人的交情不怎了了，店內只有小小卡位四五張，及中間的尷尬二人座，其它就是店外的露天吸煙茶座。這樣一個餐$32，確是有點冤枉。

繼續生日飯篇前，又讓一個小短評打尖吧。星期天返教會前，爸媽要到千色廣場買點東西，就順道來了這裡早餐，原因是新趣苑德記長期食客爆棚，令人對食物質素有所期待。店內是一派舊式裝潢，座位都比較窄；事實上，當日一家三口也要先將BB車摺起，才可進內。點了兩份早餐，先來熱奶茶及凍鴛鴦，奶茶很大的一杯，熱度很夠，也算香滑；鴛鴦就較為稍了點，是給樓下開心小叙的出品寵壞了。老公想吃清淡，是日點了牛奶麥片+多士餐，相當之寡，我沒興趣了。我則點了煎蛋、火腿配多士+沙爹牛肉麵的組合，前者平平無奇，與樓下幾間茶記一比，相形見拙；較好吃是沙爹醬夠入味的福麵，風味盎然。埋單$50有找，不貴，不過食物不覺得有何突出啊，何來那麼多人幫襯呢? 或者找次再試試午市／茶市，希望找到答案。

12月25日同朋友嚟左呢度食晏,一行五個大人一個小朋友,叫左幾碟炒嘢一齊食,分別係粟米肉粒飯,肉絲炒麵及焗吞拿魚通心粉,然後每人一杯飲品,另外兩個則叫左一份西多士,d嘢食都好快嚟架.肉絲炒麵都好足料,好多芽菜,肉絲,好味喎,d麵都係脆卜卜的,同埋好多獻汁呀.粟米肉粒飯就啱晒小朋友食啦,都好多汁呀,味道剛剛好,d肉粒切到細細粒容易食.焗吞拿魚通心粉,這個是朋友話上次嚟食見到有人食,覺得好特別,於是就叫嚟試下啦,好多吞拿魚呀,好好味呀,我超鍾意食吞拿魚架,呢個配撘都相當好,又入味喎,正.飲品方面,我叫的熱杏霜非常甜,要加好多熱水先飲得落口,果然係落重料,呢度有大杯裝的熱鴦走飲架,我見朋友嚟都會叫.

普通的一個早餐....都係唔熱....餐肉麪好似無熟的麪好硬個egg同火腿除左凍..都唔難食..服務不算好差