10
8
5
開飯介紹
新越越式料理總店位於九龍城,提供午餐,下午茶餐及晚餐。餐廳英文名PHO LE是越南音譯,Pho是粉的意思,Le為店主姓氏,特許經營並源自越南一間專賣牛肉粉的老店,只賣生牛肉湯粉,湯底香濃和充滿牛骨味。 繼續閱讀
營業時間
星期一至日
12:00 - 23:00
付款方式
Visa Master 現金
座位數目
26
其他資料
酒精飲品
自帶酒水 詳細介紹
泊車 詳細介紹
電話訂座
加一服務費
電視播放
以上資料只供參考, 請與餐廳確認詳情
招牌菜
牛油田雞腿 生牛肉湯河 越式椰青焗蟹 蒜蓉牛油焗大頭蝦
食評 (23)
等級4 2012-01-28
320 瀏覽
大碗生牛肉湯河就只得幾片鵝蒂、洋蔥圈及青蔥,湯底夠熱,喝起來燙口的,好,色濁只得薄薄牛臊味,洋蔥的甜味欠奉,不要說與當地錦麗比較,就連本地越旺水準亦比不上;河粉是薄而幼身鮮河粉,機切的,吃起來滑而軟熟,較乾麵條更對口味,至於大配角生牛肉,是軟熟無渣的肥牛,對泊來貨雖毫無好感,但食米知價,優質黃牛肉索價不菲,這裡牛肉收貨了。 繼續閱讀
(以上食評乃用戶個人意見 , 並不代表OpenRice之觀點。)
等級4 2011-08-01
73 瀏覽
第一次係大坑食飯, 團購又咁o岩黎呢度喎~以往團購開飯都無咩問題, 但係呢間真係麻麻地....Book了9:30去食, 係門口見到只有一檯人就來食完, 感覺好似就快收工似的....我們坐低後, 比張團購紙waiter, 之後就上食物了~豬肉粉卷: 粉厚了一點, 裡面都唔係好多肉.....(65分)柚子蝦沙律: 都幾清新, 用柚子酸酸地, 幾醒胃(70分)椰菜絲沙律: 只有椰菜加小小雞絲......唔知點咁...(60分)鮮茄牛肉湯粉: 蕃茄湯底, 我就覺得麻麻地(65分)生牛肉湯檬: 反而正正常常咪幾好, 不過份量就真係少左囉.....(70分)珍多冰: 普普通通, 椰汁加冰, 無咩特別(70分)荔枝奶凍: 好似食緊布甸, 底有兩舊荔枝, 都可以o既(70分)杏仁雪葩: 我由於唔太好杏仁, 似雪糕又唔, 怪怪地.....反而鍾意佢做裝飾的棉花糖絲(70分)其實唔飲埋杯珍多永, 真係食完唔知去左邊....... 繼續閱讀
(以上食評乃用戶個人意見 , 並不代表OpenRice之觀點。)
等級2 2011-05-20
40 瀏覽
老實講大坑的越式餐廳我地大部份都食過...唯獨e 間未食過見到有團購.. 咁咪買來試下點知失望到極點.. 總括來講就係食唔飽.. 明明見下面個食評D 相 份量都好正常.. 但係compare 返我D 相.. 真係明顯少law先來柚子蝦沙津味道合格春卷 失望之極... 我食左咁多次越南菜 未見個條春卷係淋o既!!!!! 粉卷亦只係一般再來2個粉 可以睇得好清楚 係水位明顯少過其他人ga ... 我睇隔離台碗都係去到條界.. 我地e 2 碗真係...... 可以見到雞絲少到咁... 我似食緊茶餐law..甜品 我見人地正價set D 甜品係好大份... 我覺得e 個團購餐總括來講就係找笨.. 份量唔止少正價set 一半 只係正價set 的1/3本來諗住叫青檸冰/龍眼冰 (+$8) 食到火火地都係 叫唔洗加錢的熱檸茶 .. 不過e 杯野D 茶好怪.. 唔係平時的紅茶.. 似普洱 e 間野真係唔會再去食.. 我去返火車頭好過 繼續閱讀
(以上食評乃用戶個人意見 , 並不代表OpenRice之觀點。)
等級4 2011-05-16
37 瀏覽
團購瘋系列 – 近排頗喜愛去大坑覓食,因這兒離家不太遠,就算乘坐最便宜的交通工具,亦只需約廿五分鐘車程,確實非常方便。繼早前吃過「民聲」的鹹蛋肉山及「肉骨皇」的風味肉骨茶後,見有團購網站又推出另一間位於大坑的食肆之越式料理一人餐,價錢唔算貴,只需 $58 便可享原價 $128 的套餐,個餐還包括有越南小食、沙律、河粉、特色甜品及咖啡或茶,看來十分之豐富,而且仲標榜話係蔡瀾推介添,又即管試試看。這間座落於銅鑼灣道的「新越」,雖然賣的是越南菜,但觀其裝修和門面,只像一般的茶餐室,不過聽講話這兒的總廚曾在火車頭、越南站等工作過,亦累積了近廿年煮西餐的經驗,故餐牌內放有多款糅合了越南食材和西方烹調方法創造出來的菜式。聞說「新越」買下一家在胡志明市有二十多年歷史叫「錦麗」的餐館之海外特許經營權,錦麗在越南的名氣極高,多年來雖然只賣牛肉河和雞絲河,但已做到街知巷聞,而「新越」就曾派師傅去當地學習了好幾個月,那麼一會兒確要認真地試試它的湯河有多拿手了。星期五預約了晚上七時半和老公一起來用膳,原來這兒的店面頗為狹小,只有約廿來個坐位,而內裡裝修看來亦頗為粗疏,幸好店內掃上了米白色的牆身,令室內望落去還算光亮潔淨,加上天花配有兩盞三角形紙罩吊燈作點綴,安坐其中,居然有著絲絲優閒雅緻之感。由於吃的是團購套餐,所以亦無需特別點菜,先上的頭盤小食,每人一客,內裡已包蒸粉卷及春卷 2 條。記得購買時,網站資料列出這小食還有 3 串 沙嗲串(豬/雞)可供選擇,但這晚餐牌內沒有沙嗲串提供。唉,算了吧,團購餐一向都是將貨就價,開賣時就天花龍鳳,到兌現時就樣樣欠奉。至於這件越式蒸粉卷,上面的饀料雖然稱不上豐富,但肉碎、菇粒、甘筍絲、炸蒜粒等吃來亦算香口,加上薄薄的粉皮,做得又白又嫩滑,很不錯。至於春卷,外表看來炸得夠曬金黃,而且內裡的粉絲、札肉、木耳等味道亦唔差,可惜這條油光滿面的春卷,外皮咬落略嫌過份韌脆,所以縱然其外形小巧若此,筆者亦蜻蜓點水式只吃了一件。沙律方面,由於只得雞蛋素菜和柚子蝦可供選擇,就每樣點了一款。雞蛋素菜沙律,內裡材料包括椰菜、甘筍、蛋絲、雞絲等,吃來一點也不油膩,加上椰菜夠曬清甜爽脆,頂頭的花生碎粒又香脆可口,整體味道確實調校得十分不俗。至於另一款柚子蝦沙律,內裡放了三、數隻開邊蝦,可惜蝦肉入口淡而無味,既不爽口亦不彈牙、柚子酸得來又帶點苦、而生菜味道又有點澀,所以水準只屬一般。湯粉方面,原本團購網是列出可於生熟牛河、鮮茄牛腩河、雞絲河、乾撈檬粉 (可選牛肉、扎肉、豬扒、春卷) 中任擇其一,不過這晚撈檬失了踪影,所以兩口子就選了生熟牛肉河和鮮茄牛腩河各一。未上湯河前,侍者先放上一小籃用來提升河粉香味的金不換及青檸,供客人隨意添加。講真其實這兒的湯河又真係大得有點嚇人,除非十分之饑餓,恐怕以我一人的力量,肯定無法清掉那麼巨型的一碗河粉,幸好有食力非凡的老公在旁,就無有怕了。先講講個生熟牛肉河,據說這個河粉的湯膽是用上三十斤牛骨、坑腩、香料等熬上十小時而成的。看看湯頭,色澤不算深,呷上一口,沒有那份羶香濃郁的牛肉味,尤幸湯底入口不覺膩滯,配菜的洋蔥又夠爽口,河粉又夠滑溜,味道都算唔錯。至於那幾片美國三角肥牛,分量亦下得夠曬慷慨,不過就稍嫌牛肉燙得有點過熟,吃來較嚡口,欠了應有的嫩滑口感。反而另一碗鮮茄牛腩河更得我心,雖然它的面頭沒有大量番茄蓉覆蓋,但入口番茄味酸香濃郁,味道天然,相信是以鮮番茄加牛骨熬成的,確實非常美味,唔怪得老公話這碗粉的湯底真不可以貌相喇。至於那些炆得又腍又軟熟的牛腩,分量著實多得有點驚人,而且啲牛腩有咬口得來又沒有渣,再配上既薄滑又極吸湯汁的河粉,真的令人十分回味。到甜品環節,在團購網內同樣列出可於荔枝奶凍、香蕉批、焦糖燉蛋配雪糕、杏仁芭菲四款中任選其一,可惜這晚香蕉批已於名單中剔除,而焦糖燉蛋又無雪糕奉送,真令人氣煞。老公揀的焦糖燉蛋送上檯時,簡直令人嚇了一跳,唔係吖嗎?難道面頭放一小羹啡色物體就是焦糖蛋了?究竟有沒有焗過呀?求其成咁都得?和我開玩笑嗎?就當這是普通燉蛋吃,先舀一小匙放入口,又硬又實,蛋漿連丁點兒甜味、蛋味也沒有,莫講話焦糖,就算與普通燉蛋的水準還相差十萬八千里啊,這怎能奉客呀?至於我選的杏仁芭菲,同樣教人失望透頂,那一球似雪糕又非雪糕的物體,入口有點像吃沙冰,不過又唔夠沙冰甜美,味道偏淡,質感又唔夠雪糕滑溜,而且其冰感度極低,温温吞吞,就算面頭放上杏仁碎都唔可以起死回生啦,簡直是失敗之作。反而旁邊那一撮綠色的龍鬚糖,甜甜的,軟軟的,入口有點像綿花糖,更為好吃。其實如果店家沒有一個見得吓人的甜品師傅,我倒建議店方不如取消所有套餐內的甜點項目,總好過現在落得臨尾香的下場。至於跟餐的熱檸茶,味道苦苦澀澀,本來不甚討好,不過未知是否剛吃了兩款超級不濟的甜品,喝點熱檸茶來洗刷口腔內那一股不知所謂、似甜非甜的味道,反而又唔錯喎。由於使用團購券是要另付原價的加一服務費即 $24,所以這餐計落合共 $140。 心想,這份套餐的食物質素如此參差,加上有好幾項食品,在選擇上與網站訂明有所出入,所以權衡這份餐是否值得,真是見人見智,我只可說河粉不妨一試,至於甜品,最好敬而遠之。另外我發現原來這裡逢星期一至五是有個 $158 的二人套餐供應的,只是不包飲品,不過食品種類大致上與團購餐相若,如果加上熱飲連加一,相信兩人埋單約需 $180 至 $190 左右,比起團購券只是貴咗幾十塊錢,故團購網宣傳這份餐原值 $128, 確是有點誇大了。 繼續閱讀
(以上食評乃用戶個人意見 , 並不代表OpenRice之觀點。)
上團購網睇果陣好似幾好甘,58蚊食個餐,平平地就走去試下~差不多九點去到果度都滿座,有人等位,不過我企左係門口3分鐘都無人理我,重點係個侍應不是忙緊,企係度唔知做乜@@套餐既選擇唔會有驚喜,但食物既味道都只屬普通。我揀食生熟牛肉河,牛肉都幾好食,但個湯底就有點兒拖挎了...友人揀鮮茄牛腩河,湯夠濃味,但牛肉又較"un".....不過碗粉好大~女孩子食唔哂甜品當晚成間舖只有荔枝奶凍和杏仁芭菲.....想加錢轉食其他都無.....個人較喜歡荔枝奶凍,口感味道都很好,而且仲有果肉。其實做得團購都想有回頭率姐~甘點解唔花d心思,甚至使出真本事?還是都是不外如是?希望下次團購有更好的食物令我就算要俾正價都肯翻檯食啦~ 繼續閱讀
(以上食評乃用戶個人意見 , 並不代表OpenRice之觀點。)