新記美食

營業中

休息中

叫咗鹵水汁雲南米線、咖哩魚蛋、鹵水雞中翼、唐生菜，竟然嚟咗辣味，同佢講只係換返些湯，但依然係辣，畀錢嘅時候同收銀（疑似老細）講：明明叫唔辣點解會辣？佢話：係囉，邊個比辣你呀？我話：佢係咪加咗一羹辣油畀我呀？佢竟然回覆：點解會加咗羹辣油畀你呀？我話：唔怪得知香港食肆趕客啦，佢再回覆：係囉，香港食肆趕客囉！與同區返工朋友講，佢都話試過叫外賣明明叫唔辣又係比左辣，費事落去更換，要自己不停換清水減辣，冇再幫襯。另外同其他朋友講，有話有啲食肆特登畀辣你等你叫嘢飲，哈哈，我就係冇再中伏，特登唔再叫嘢飲，不再有下次！

呢間嘢啲侍應態度差，問少少嘢都求其答，又唔耐煩。我叫咗個3餸(咖哩魚蛋，豬皮，牛筋，米粉）咖哩魚蛋口感剛剛好，都ok 好食嘅，豬皮好爽口，牛筋煮得太軟，米粉無脹，唔會浸到淋哂，軟哂。個湯就一般，如果選擇中辣會好辣（我本人都食得幾辣）， 都係建議BB辣好了。叫3餸都食唔飽，平時係其他車仔麵店叫3餸都會食得好飽，份量有啲少。以$50黎講唔算平，仲要食唔飽。一陣風就食完。如果唔係其求快食，呢間車仔麵唔會係我嘅首選。

➲ 銅鑼灣 新記美食➳ 滷水汁雲南米線配咖哩魚蛋/墨魚丸/白菜仔 ⁽⁵/¹⁰⁾丸類各5粒，細細粒，墨魚丸粉多啲，墨魚偏少，咖哩魚蛋有1粒深色幾入味，其他未滷夠入味，都係粉感重，無咗搬鋪前嘅水準。⤵ 新記美食銅鑼灣謝斐道501-515號4號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #雲南米線 #咖哩魚蛋 #墨魚丸

員工要講國語先明白，衛生差 ，老細串，幫襯咗幾十年 ，老細話幾十年保持著同一質素 無人投訴筷子油衛生差，唔會有人詐型， 筷子黐立立 ，一拎上口全都係漂白水味道，好心提員工，但串七七，問佢攞對木筷子要收一蚊 ，第二個員工話收2元，四個餸七十幾蚊店舖呃遊客生意香港人不要再嚟最後一次來，

知道新記好出名以前都有食過 到最近再去食 真係嚇親兩個餸45蚊 如圖所示麵底其實已經好少 餸既份量都好少 我係個女仔食完就覺得唔夠飽平時已經唔係話食好多男仔朋友話要食兩碗先飽因為佢地個碗本身已經好細個係個湯底叫比較好味d個辣味豬紅都幾好食明白銅鑼灣租金比較貴 競爭都好激烈但唔介意收貴小小但起碼返呢個價錢既質素先 下次唔會再食了仲有個插曲 個男仔朋友叫左微辣 但食食下覺得唔對路佢地好辣咁諗住叫d姐姐比多小小湯個姐姐都有幫我地換個湯底所以大家下次去食 如果食唔到辣就唔好挑戰啦l

想上黎寫下食評﹐原來要咁多字.....好 咁咪每樣野介紹下囉﹐其實食小店又有幾多野講啊真係﹐除非投訴姐。但新記又真係好食喎﹐開左廿幾三十年﹐個個由細食到大啦......豬頸肉 : 入味唔肥﹐軟硬適中﹐好少係車仔麵度食到覺得好食嘅豬頸肉﹐店家落料有燒汁香味﹐唔錯貢丸 : 細粒貢丸﹐無乜特別﹐但比較少食到﹐其實反而唔會好油膩九菜 : 正常味道﹐份量都幾足﹐有九菜送麵係香嘅辣豬紅 : 一定要食同埋真係好入味﹐口感好滑﹐辣椒油浸住係比較香港嘅味道﹐同出面依家周圍都麻辣唔同公仔麵 : 有D淋﹐不過都OK﹐可能個湯夠熱﹐而味偏甜。

新記門口有得買小食﹐好似掃街咁﹐入去坐低就緊係食埋個麵啦。辣醬都有2種唔同﹐跟魚蛋燒賣嘅係辣D﹐亦都軟身D﹐好適合點野食。車仔麵辣汁就好適合配湯﹐同個湯都幾夾﹐食完真係好夠辣﹐平時出面道道都麻辣風味﹐地道港式係唔同D辣魚蛋夠實夠彈牙﹐燒賣唔會粉﹐有咬口﹐撈埋一齊食﹐夠晒地道。

細個曾經覺得個汁好好味，隔左超過十年都有，水準已不復當年勇。現在有一半在座的都是內地旅客來探店不知道他們是滿意還是失望呢？三餸一麵$45從前辣汁係必點，今日食嘅中辣都唔係好辣，雞亦就唔係好推介，肉散。豬紅同羅白都可以嘅。無俾蔥花。若果以一般車仔麵來說，是普通。但以一路走來的新記來說，是失望。店內亦會發現有烏蠅周圍飛環境衛生要注意我嗰張枱仲要喺最裡面，座位背面就係廁所淨係想快啲食完走人😭

排隊打算食兩串魚蛋（一串辣，一串唔辣），見前一個客人叫咗好多小食，店員用港普好努力咁做生意，不停「痴士」「痴士」(HKD 70) ，然後排隊輪到我哋。.店員阿姐第一句就問（普）「要什麼？」回覆（粵）「一串辣，一串唔辣魚蛋」.阿姐跟手用個發泡膠碗裝左兩串魚蛋落去，預備放啲辣醬落去，見勢色唔對，我哋再重覆一次（粵）「兩串魚蛋，一串辣，一串唔辣」.阿姐就問可唔可以將辣醬到喺個碗入面，但就係因為唔食得辣，所以先要分開，所以想分返開兩串魚蛋，而唔係將兩串放喺同一個碗度，叫阿姐幫我哋分返開做兩串魚蛋.阿姐立即勁晦氣「之前又話二串魚蛋」然後我哋再一次重覆一次（粵）「兩串魚蛋，一串辣，一串唔辣，所以要分開」.阿姐旁邊嗰位光頭大叔就幫口表示阿姐俾一個同一個碗係出於好心🙄🙄🙄.去到最尾，阿姐係俾咗兩串唔辣嘅魚蛋我哋🙄🙄🙄⋯⋯叫阿姐俾返其中一串辣.阿姐又勁晦氣咁樣講「依家又加返一串辣」！.結論：想食嘅人可能用普通話落單會順利啲～因為阿姐好混亂講極都唔明，然後仲要好晦氣

本身係附近做完嘢諗住過嚟買啲小食好細個就食過佢呢間老字號佢餐廳最標榜係個經典辣汁打算買兩串魚蛋一串燒賣外賣拎走點知一個中年男人大搖大擺咁行過嚟就插咗隊嗌咗好多串嘢食之後終於到啦然後另一個中年女人又行過嚟直接問啲嘢食幾錢？明明個餐牌已經寫晒，唔知佢有心定無意啦講多兩句之後個阿姐就問佢食咩呢個係咩服務？一個係咁。兩個又係咁。跟住我話係我排先明明我叫外賣佢一路拎住個堂食兜叫嘢食要講三次先聽得清楚最後叫咗三串嘢，佢竟然收咗$40 超級垃圾嘅點餐體驗

細細個已經過嚟食食左咁多年 依然好野味今日落到勁大雨 又諗唔到食咩好咁啱經過新記 就心血來潮整碗車仔麵每樣餸都好邪惡，必食豬頸肉豬大腸！老細依然咁熱情每樣餸都重好足料😌我仲叫咗一碟通菜 依間鋪係我食過咁多間舖最細心因為佢會將通菜剪細 我每次夾黎食都覺得好方便咁大碗都係40幾50蚊喺銅鑼灣呢啲咁嘅地段真係好抵食.不得不提佢個湯 雖然有少少甜但係配埋米粉一齊食 食返以前小學嘅味道人老咗就開始懷舊哈哈哈哈哈😂😂😂😂😂

新記車仔麵係銅鑼灣好似都少有名氣🤣呢日特登黎試試佢.位置係世貿中心附近🤣門口有啲小食可以買都有唔少人買完直接企係度食👍🏻店內環境唔算大 少少逼繁忙時間需要搭枱🙈自己圈落單紙堂食每人有最低消費$40～叫左4個餸🙆🏻‍♀️蘿蔔/腩肉/白菜仔/雞翼蘿蔔 3大舊 清甜冇渣👍🏻腩肉🤦🏻‍♀️ 冇乜調味 好un 不推介😢白菜仔 有少少硬滷水雞翼 2舊 好軟👍🏻好入味.醬汁叫左小辣一pat醬 唔算好辣🌶️份量一般 大食嘅可能唔飽🙈整體黎講 如果係銅鑼灣想平平地食個飯都可以考慮😂但唔算特別推介🙈

這碗車仔麵首想講麵條煮得剛剛好，有著彈性和口感。魚蛋是這碗麵的獨特之處，它們彈牙且鮮美，為整碗麵增添了豐富的海鮮風味。牛筋是另一個令人驚喜的配料。它們經過燉煮，肉質鮮嫩多汁，與麵條的結合使口感更豐富。湯頭鮮美，充滿了牛筋的鮮香味，每一口都帶來滿滿的滿足感。這碗車仔麵具有濃郁的風味和豐富的配料，是一道令人滿足的麵食。

每次想食車仔麵，一定會嚟食新記，食車仔麵有一個好處，一碗麵可以叫好多餸，啱晒有選擇困難症嘅朋友，呢樣想食嗰樣又想食，完全唔使諗，就可以全部叫晒🤣加埋新記自製嘅辣汁，真係無敵。最重要係佢呢度啲侍應嘅服務態度好好㗎，雖然只係食平民價錢嘅車仔麵，但係佢哋嘅態度好親民，一啲都唔惡，仲會時常保持住微笑。所以如果要食車仔麵嘅話，首選一定係新記。

銅鑼灣車仔麵話多唔多, 話少唔算少, 如果講食辣野, 一定要去新記啦, 貪佢地D辣夠晒多款啊, 咁今次叫左豬紅 豆卜 紅腸 蘿蔔, 都逐樣講下啦。豬紅: 多數都會叫, 因為口感滑, 咬落去唔會散, 辣味同其他送唔同, 唔會一個汁煮到尾, 呢D就係想食車仔麵嘅位。豆卜, 紅腸 : 好耐無食紅腸, 肥D都想食下, 正常發揮, 切得幾厚, 但題外話點都係煎最好食, 豆卜就煮得偏軟身, 比較索湯蘿蔔: 夠甜無乜渣, 配個湯底同D辣醬都幾夾, 會互相中和, 唔食菜嘅話, 蘿蔔都算係必食。